Blog Full - Muhasibat.Az

Oxunma sayı: 170. 452

6 Apr 2018

Maliyyə Elm-Tədris Mərkəzi ən yaxşı elmi məqalələrin müsabiqəsini elan edir

by | posted in: Xəbər | 0

Maliyyə Nazirliyi yanında Maliyyə Elm-Tədris Mərkəzi ümummilli lider Heydər Əliyevin 95 illik yubileyinə həsr olunmuş “Müasir Azərbaycan iqtisadiyyatı” mövzusunu əhatə edən ən yaxşı elmi məqalələrin müsabiqəsini elan edir.

Müsabiqənin şərtləri:

Məqalələr maksimum 12 min işarə olmalıdır;
Müsabiqəyə təqdim olunan məqalələr Azərbaycan və ya rus dilində ola bilər;
Müsabiqədə təhsilindən asılı olmayaraq Azərbaycan Respublikasının vətəndaşları iştirak edə bilərlər;
Hər bir iştirakçı müsabiqədə yalnız bir məqalə ilə iştirak edə bilər;
Hər bir iştirakçı təqdim etdiyi məqalənin müəllifi olmalı və bu məqalə əvvəllər heç bir yerdə dərc olunmamalıdır;

Layihə iştirakçılarının işləri Maliyyə Elm-Tədris Mərkəzində yaradılmış Təşkilat Komitəsi tərəfindən qiymətləndiriləcək. 3 yer üzrə qaliblərə Mərkəz tərəfindən təşkil olunan təlimlərdə əvəzsiz olaraq iştirak etmək imkanı yaradılacaq:

1-ci yerin qalibi – 500 manat məbləğində təlim paketi;
2-ci yerin qalibi – 300 manat məbləğində təlim paketi;
3-cü yerin qalibi – 300 manat məbləğində təlim paketi;

Müsabiqə 1 aprel – 1 may tarixlərini əhatə edir.

Müsabiqə iştirakçıları öz məqalələrini yuxarıda qeyd olunan şərtlərə müvafiq olaraq tərtib etməli və elektron variantını 01 may 2018-ci il tarixinədək ünvanına göndərməlidirlər.

Website: tedris-maliyye.gov.az

Əlaqə:

Ünvan: 50, Heydər Əliyev, Bakı AZ 1154, Azərbaycan

Telefon: (+994) 12 404 81 59

Faks: (+994) 12 566 84 77

Ətraflı məlumat üçün faylı yükləyin: Məqalə

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

6 Apr 2018

İşsizlikdən sığorta hesabatını necə hazırlamalı???

by | posted in: Xəbər | 1

Bildiyiniz kimi, “İşsizlikdən sığorta haqqında” Azərbaycan Respublikasının Qanunu 2018-ci il yanvarın 1-dən qüvvəyə minib. Həmin Qanunun 6-cı maddəsində digər vəzifələrlə yanaşı işçilərini işsizlikdən sığorta etdirmək, əmək haqqı fondundan və sığortaolunanın əmək haqqından bu Qanunla müəyyən edilmiş tariflər əsasında sığorta haqqını sığortaçıya ödəmək, sığorta haqqının hesablanmasının və köçürülməsinin uçotunu düzgün aparmaq və bu barədə sığortaçıya hesabat təqdim etmək sığortaedənin vəzifələrinə aid edilmişdir.

Bu qanuna əsasən işsizlikdən sığorta üzrə sığorta tarifləri aşağıdakı faiz dərəcələri ilə müəyyən edilir:

Sığortaedən tərəfindən ödənilən sığorta haqqı üzrə – hesablanmış əməyin ödənişi fondunun 0,5 faizi;
Sığortaolunan tərəfindən ödənilən sığorta haqqı üzrə – işçinin əmək haqqının 0,5 faizi.

Hər ay üçün hesablanmış işsizlikdən sığorta haqqı sığortaedən tərəfindən əmək haqqı ödənişləri ilə eyni vaxtda, lakin sonrakı ayın 15-dən gec olmayaraq, tam məbləğdə Fonda ödənilir.

Sığortaedənlər hər rüb üçün “İşsizlikdən sığorta üzrə rüblük hesabat”ı (əlavə edilir) həmin rübdən sonra gələn birinci ayın 20-dən gec olmayaraq və hər rüb üçün ayrı-ayrılıqda Fonda məcburi dövlət sosial sığortası üzrə rüblük hesabatla birgə təqdim edirlər. Aprelin, iyulun, oktyabrın və yanvarın 20-i iş günü olmayan dövrə təsadüf edərsə, hesabatın təqdim olunması müddəti ayın 20-sindən sonra gələn birinci iş gününə qədər artırılır.

Artıq işsizlikdən sığorta haqqında məlumatların online göndərilməsi mümkündür. Keçiddəki proseduru ardıcıl izləməklə bunu həyata keçirə bilərsiniz.

İşsizlikdən sığorta hesabatı

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

6 Apr 2018

Məcburi dövlət sosial sığorta haqları üzrə borcların silinməsi prosesinə başlanılıb

by | posted in: Xəbər | 0

“Azərbaycan Prezidenti cənab İlham Əliyevin tapşırıqlarına uyğun olaraq sahibkarlığın inkişafının dəstəklənməsinə yönələn tədbirlər sırasında məcburi dövlət sosial sığorta haqları üzrə borcların silinməsini də xüsusi qeyd etmək olar. Artıq bu prosesə başlanılıb”.

Bunu Azərbaycan Respublikasının əmək və əhalinin sosial müdafiəsi naziri Səlim Müslümov Azərbaycanda Amerika Ticarət Palatasının (“AmCham Azərbaycan”) nümayəndələri ilə görüşü zamanı jurnalistlərə müsahibəsində bildirib. Onun sözlərinə görə, proses çərçivəsində özəl sektorun müxtəlif sahələrində məcburi dövlət sosial sığorta haqları üzrə yaranmış borclardan ibarət 155,3 mln. manata qədər borcun tam olaraq silinməsi, eləcə də 26,7 mln. manatadək borcun ödəniləcək hissəsinə müvafiq olaraq qalan hissəsi üzrə borcun silinməsi təmin ediləcəkdir ki, bu da özəl sektorun dəstəklənməsində növbəti böyük addımdır.

Nazir qeyd edib ki, bu baxımdan “Məcburi dövlət sosial sığorta sahəsində borcların tənzimlənməsi haqqında” 2018-ci il 6 mart tarixli qanunun qəbul olunması və cari il aprelin 1-dən qüvvəyə minməsi xüsusi əhəmiyyət kəsb edir: “Həmin qanuna uyğun olaraq, məcburi dövlət sosial sığorta sahəsində borcların tənzimlənməsinə dair təlimati məktub hazırlanaraq Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun müvafiq yerli şöbələrinə göndərilib. Həmin proses çərçivəsində məcburi dövlət sosial sığorta haqları üzrə 2006-cı ilin 1 yanvar tarixinədək yaranmış və 2018-ci ilin 01 aprel tarixinədək ödənilməmiş borclar və məcburi dövlət sosial sığortası qaydalarının pozulmasına görə tətbiq edilmiş maliyyə sanksiyaları və hesablanmış penyalar üzrə 2015-ci ilin 1 yanvar tarixinədək yaranmış borclar tam məbləğdə silinəcək. Məcburi dövlət sosial sığortası qaydalarının pozulmasına görə tətbiq edilmiş maliyyə sanksiyaları və hesablanmış penyalar üzrə 2015-ci ilin 1 yanvar tarixindən 2018-ci ilin 1 aprel tarixinədək yaranmış borcların müəyyən hissəsi ödənilməklə, qalan hissənin silinməsi təmin ediləcək”.

S.Müslümov diqqətə çatdırıb ki, bu proses vətəndaşların pensiya təminatına mənfi təsir göstərməməklə həyata keçiriləcək: “Çünki 2017-ci ilin 01 iyul tarixindən pensiya qanunvericiliyinə edilmiş dəyişikliklərə əsasən hazırda pensiyanın məbləği yalnız fərdi şəxsi hesabda toplanan sosial sığorta haqlarının ümumi məbləğinə, yəni pensiya kapitalına uyğun təyin olunur. Ona görə də bu borcların silinməsi və tənzimlənməsi elə aparılmalıdır ki, fərdi şəxsi hesablarda toplanan pensiya kapitalına mənfi təsir göstərməsin. Bu baxımdan hər iki tərəfin, həm işəgötürənlərin, həm də işçilərin maraqları nəzərə alınmalıdır.”

Mənbə: apa.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

6 Apr 2018

Sumqayıt Kimya Sənaye Parkının auditoru açıqlanıb

by | posted in: Audit, Xəbər | 0

“Sumqayıt Kimya Sənaye Parkı” MMC-nin 2017-ci ildəki maliyyə-təsərrüfatı fəaliyyətinin auditi ilə bağlı elan edilmiş kotirovka sorğusunun nəticəsi açıqlanıb.