570-ə yaxın müqaviləsiz işçi aşkar olundu
“Əgər 2017-ci ildə bir tikinti şirkətində orta hesabla 30 işçi əmək müqaviləsi ilə işləyirdisə, hazırda bu rəqəm 48-ə yaxınlaşır”.
Bunu jurnalistlərə açıqlamasında Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Əmək Münasibətlərinin Monitorinqi Mərkəzinin direktoru Fariz Cəfərov deyib.
Onun sözlərinə görə, artıq tikinti şirkətləri aktiv şəkildə əmək müqavilələr bağlayır: “Sentyabrın 19-dan bu günə qədər tikinti şirkətlərində 43 monitorinq keçirilib. Məqsədimiz öncədən şirkətlərdə nə qədər işçinin olduğunu müəyyənləşdirmək, yalnız şübhə yarandığı zaman şirkətlərə gedib orada səyyar monitorinq keçirməkdən ibarətdir. Bu günə qədər 1600 işçi monitorinq olunub, 570-ə yaxın işçinin müqaviləsiz işlədiyi aşkar olunub. Bu rəqəm artıq get-gedə azalmaqdadır”.
F.Cəfərov qeyd edib ki, İnzibati Xətalar Məcəlləsi 1 nəfərdən 9 nəfərə qədər müqaviləsiz işçi işlətməyə görə hüquqi şəxslərin 20 mindən 25 min manata qədər, fiziki şəxlərin 3 min manata qədər, vəzifəli şəxslərin 5 min manata qədər cərimələnməsini nəzərdə tutur: “10 nəfər və daha artıq şəxsi qanunsuz işlətmək isə Cinayət Məcəlləsi ilə tənzimlənir. Burda 2 il azadlıqdan məhrum etmə, azadlığın məhdudlaşdırılması, ishal işlərinə cəlb etmə və 7 mindən 10 min manata qədər cərimə tətbiq olunur. Materiallarda cinayət tərkibi olduqda Baş Prokurorluğa göndərilir”.
Direktor qeyd edib ki, mərkəzin yaradılması məqsədi Bakı şəhərində tikilməkdə olan çoxmənzilli yaşayış binalarında əmək münasibətlərinin tənzimlənməsidir: “Biz qarşılıqlı olaraq tikinti şirkətləri ilə əməkdaşlıq edirik, onların təkliflərini dinləyirik. Fəaliyyətimizdə sahibkarların təkliflərindən istifadə edirik. Eyni zamanda gördüyümüz işlərə dair bu sahədə işləyən adamlara hesabat veririk”.
Mənbə: report.az
ABŞ-ın Daxili Gəlirlər Xidməti ölkə vətəndaşlarına xəbərdarlıq səciyyəli məktubla müraciət etmişdir. Məktubda vergi fırıldağının hansı mexanizmlə həyata keçirildiyinə aydınlıq gətirilir. Oğrular vergi orqanlarından vergi ödəyicilərinin məlumatlarını əldə etmək üçün “fişinq” və digər sxemlərdən istifadə edirlər və sonra isə saxta vergi bəyannamələri tərtib etməklə orada vergi ödəyicilərinin həqiqi bank hesablarını göstərirlər. Daxili Gəlirlər Xidməti qaytarılmalı olan vergi məbləğlərini bu bank hesablarına köçürür. Bu baş verdikdən sonra fırıldaqçılar aldadılmış vergi ödəyiciləri ilə əlaqə yaradaraq özlərini vergi orqanı əməkdaşları kimi təqdim edilər və onların hesabına pulun daxil olmasını hesablama zamanı buraxılmış səhv kimi qələmə verərək, onu qaytarmağı xahiş edirlər.
Uşaq pulu: Məbləğ və tənzimlənmə
Sual: Sualım ümidsiz borclara aiddir. Müəssisənin uzun illər ərzində ödənilməmiş (mühasibat balansında, mənfəət vergi bəyannaməsində hər il göstərilir) debitor borcları yığılıb qalır. Debitor borclar əsasən 2000- 2003-cü ilədək olan borclardan ibarətdir. Müəssisə həmin ümidsiz borc olan debitor borclarını vergi ilində xərclərinə salaraq silmək istəyir. Vergi Məcəlləsinin 111.2-ci maddəsinə əsasən “Ümidsiz borc məbləğinin gəlirdən çıxılmasına vergi ödəyicisinin mühasibat kitablarında ümidsiz borc məbləğinin dəyəri olmayan borc kimi silindiyi vaxt yol verilir”. Müəssisə debitor borc məbləğini mühasibat kitablarında silmək istəyir. Çünki debitor borcu olan müəssisələr ya ləğv edilib, ləğv edilməyənlər də işlərinin olmaması,və s. bəhanələrlə ödəməyiblər. Borcların iddia müddəti keçdiyinə görə məhkəməyə də müraciət etmək olmur. Xahiş edirəm Vergi Məcəlləsinin Maddə 111. “Ümidsiz və şübhəli borcların gəlirdən çıxılması” maddəsi mənə misallarla izah edərdiniz. Ümidsiz debitor borcların xərcə salınaraq silinməsinin müddəti varmı?