Oxunma sayı: 171. 242
24 Fev 2018

Unutqan mühasib

by | posted in: muhasibat, Məqalə, Xəbər | 0

Mühasibləri təkcə vergiləri ödəmədiklərinə görə cinayət maddəsilə məsuliyyətə cəlb olunmurlar. Cinayət məcəlləsində səhlənkarlıq maddəsi də var. Bu maddə ilə də istintaqa cəlb olunma halları az olmur. Məsələn, bir neçə il əvvəl Moskva vilayətinin vergi müfəttişliyi “Vdoxnovenie” adlı yerli bələdiyyə müəssisəsində planlı yoxlama aparıb. Müfəttişlər müəyyən ediblər ki, mühasib gəlirləri gizlədib və mühasibat uçotunu təhrif edib. Nəticədə dövlət büdcəsinə beş milyon rubl zərər dəyib. İlkin olaraq müstəntiqlər həmişə olduğu kimi CM-nin 199-cu maddəsilə cinayət işi qaldırıblar. Lakin, sonra aşkara çıxıb ki, müəssisənin mühasibi Rimma Şarapova iyul ayında “Mosremservis” ASC cəmiyyəti ilə apardığı hesablaşmalar zamanı əldə edilən gəliri sadəcə mühasibat uçotuna daxil etməyibmiş. Təbii olaraq, həmin məbləğdən vergi də ödənilməyib. Özü də xanım mühasib bundan hər hansı bir fayda götürməyib. Sadəcə o, həmin məbləği uçota salmağı yaddan çıxarıb. Sonda Rimma Şarapovaya qarşı səhlənkarlıq maddəsilə cinayət işi qaldırılıb. Əlbəttə ki, qadın mühasib öz təqsirini inkar etməyib, hər şəyi etiraf edib. Müəssisə isə dəymiş zərəri ödəyib. Nəticədə Rimma Şarapova amnistiyaya düşüb.

 

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

24 Fev 2018

Çoxuşaqlı analar üçün müavinət artırıldı

by | posted in: Müavinət, Xəbər | 0

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, beşdən çox uşağı olan qadınların sosial müdafiəsini gücləndirmək və onlara dövlət qayğısını artırmaq məqsədi ilə qərara alıram:

1. “Beşdən çox uşağı olan qadınlara müavinətin məbləğinin müəyyən edilməsi haqqında” Azərbaycan Respublikası Prezidentinin 2013-cü il 27 dekabr tarixli 72 nömrəli Fərmanı ilə müəyyən edilmiş müavinətin məbləği 2018-ci il martın 1-dən 10 faiz artırılsın.

2. Azərbaycan Respublikasının Nazirlər Kabineti:

2.1. Azərbaycan Respublikası Prezidentinin aktlarının bu Sərəncama uyğunlaşdırılmasına dair təkliflərini bir ay müddətində hazırlayıb Azərbaycan Respublikasının Prezidentinə təqdim etsin;

2.2. Azərbaycan Respublikası Nazirlər Kabinetinin normativ hüquqi aktlarının bu Sərəncama uyğunlaşdırılmasını bir ay müddətində təmin edib Azərbaycan Respublikasının Prezidentinə məlumat versin;

2.3. mərkəzi icra hakimiyyəti orqanlarının normativ hüquqi aktlarının bu Sərəncama uyğunlaşdırılmasını nəzarətdə saxlasın və bunun icrası barədə üç ay müddətində Azərbaycan Respublikasının Prezidentinə məlumat versin;

2.4. bu Sərəncamdan irəli gələn digər məsələləri həll etsin.

3. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Sərəncama uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

İlham Əliyev

Azərbaycan Respublikasının Prezidenti

Bakı şəhəri, 23 fevral 2018-ci il.

Mənbə: president.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

24 Fev 2018

Parlament şəxsiyyət vəsiqəsinin verilməsinə görə yeni rüsumları təsdiqləyib

by | posted in: Xəbər | 0

Bu gün Azərbaycan parlamenti “Dövlət rüsumu haqqında” qanuna dəyişikliyi təsdiqləyib.

Dəyişiklik 15 yaşı tamam olmamış Azərbaycan vətəndaşına şəxsiyyət vəsiqəsinin verilməsinə və ya dəyişdirilməsinə görə qanunun 14.3-cü maddəsində nəzərdə tutulan şəxslərdən (15 yaşı tamam olmuş) daha aşağı məbləğdə dövlət rüsumunun müəyyən olunmasını nəzərdə tutur.

Dəyişikliyə əsasən, 15 yaşı tamam olmamış Azərbaycan vətəndaşına şəxsiyyət vəsaiqəsinin verilməsinə və ya dəyişdirilməsinə görə 10 gün müddətində verildikdə və ya dəyişdirildikdə 4 manat, 3 iş günü müddətində verildikdə və ya dəyişdirildikdə 20 manat, 1 iş günü müddətində verildikdə və ya dəyişdirildikdə 25 manat müəyyən edilib. Qanun 2019-cu il yanvarın 1-dən qüvvəyə minəcək.

Qeyd edək ki, mövcud qanunvericiləyə əsasən, Azərbaycan vətəndaşları üçün şəxsiyyət vəsiqəsinin verilməsi və ya dəyişdirilməsi 10 gün müddətində olduqda 5 manat, 3 iş günü müddətində edildikdə 25 manat, 1 iş günü həyata keçirildikdə 35 manatdır. Lakin mövcud qanunun 15-ci maddəsinə əsasən, 16 yaşına çatmamış Azərbaycan vətəndaşları və Azərbaycanda daimi yaşayan 16 yaşına çatmamış vətəndaşlığı olmayan şəxslər dövlət rüsumunu ödəməkdən azaddırlar.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

24 Fev 2018

Uşağa qulluğa görə müavinət artırıldı

by | posted in: Müavinət, Xəbər | 0

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, uşağa qulluğa görə qismən ödənişli sosial məzuniyyətdə olanların sosial müdafiəsini gücləndirmək məqsədilə qərara alıram:

1. Uşağa qulluğa görə qismən ödənişli sosial məzuniyyətdə olanlara verilən aylıq müavinətin məbləği 2018-ci il martın 1-dən 10 faiz artırılsın.

2. Azərbaycan Respublikasının Nazirlər Kabineti:

2.1. Azərbaycan Respublikası Prezidentinin aktlarının bu Sərəncama uyğunlaşdırılmasına dair təkliflərini bir ay müddətində hazırlayıb Azərbaycan Respublikasının Prezidentinə təqdim etsin;

2.2. Azərbaycan Respublikası Nazirlər Kabinetinin normativ hüquqi aktlarının bu Sərəncama uyğunlaşdırılmasını bir ay müddətində təmin edib Azərbaycan Respublikasının Prezidentinə məlumat versin;

2.3. mərkəzi icra hakimiyyəti orqanlarının normativ hüquqi aktlarının bu Sərəncama uyğunlaşdırılmasını nəzarətdə saxlasın və bunun icrası barədə üç ay müddətində Azərbaycan Respublikasının Prezidentinə məlumat versin;

2.4. bu Sərəncamdan irəli gələn digər məsələləri həll etsin.

3. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Sərəncama uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

İlham Əliyev

Azərbaycan Respublikasının Prezidenti

Bakı şəhəri, 23 fevral 2018-ci il.

Mənbə: president.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

1 … 2. 535 2. 536 2. 537 2. 538 2. 539 2. 540 2. 541 … 2. 704