Oxunma sayı: 172. 338
22 Noy 2017

Gömrük rüsumları yenidən müəyyən ediləcək

by | posted in: Vergi, Xəbər | 0

Azərbaycan ərazisinə gətirilən mallar üzrə gömrük idxal rüsumlarının dərəcələri, eyni zamanda ölkədən ixrac zamanı ixrac gömrük rüsumuna cəlb olunan malların siyahısı və ixrac rüsumlarının dərəcələri yenidən müəyyən ediləcək. Nazirlər Kabineti tərəfindən qəbul olunan yeni qərar 2018-ci il 1 yanvar tarixindən qüvvəyə minəcək.

Nazirlər Kabinetinin qərarı ilə “Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” Azərbaycan Respublikası Nazirlər Kabinetinin 2001-ci il 12 aprel tarixli 80 nömrəli qərarının 1-ci hissəsi ləğv edilib. Eyni zamanda “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri” təsdiq edilib.

Qeyd olunur ki, bu addım, gömrük-tarif mexanizminin daha da təkmilləşdirilməsi yolu ilə xarici iqtisadi fəaliyyətin səmərəliliyinin artırılması, ölkədə rəqabətədavamlı məhsulların istehsalı, daxili bazarın qorunması və qeyri-neft sektorunun davamlı inkişafında dövlət dəstəyinin daha da gücləndirilməsi, idxal rüsumlarının çoxpilləli sistemdən azpilləli sistemə keçirilməsi, habelə “Malların Təsviri və Kodlaşdırılması üzrə Harmonikləşdirilmiş Sistem haqqında” Beynəlxalq Konvensiyaya və göstərilən Konvensiyaya Düzəliş Protokoluna qoşulmaq barədə” Azərbaycan Respublikasının Qanununa uyğun olaraq, xarici iqtisadi fəaliyyətin mal nomenklaturası (XİFMN) üzrə kodların Beynəlxalq Harmonik Sistemin yeni variantına uyğunlaşdırılması məqsədi ilə atılıb.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

21 Noy 2017

Son 10 ildə vergi daxil olmaları 7 dəfə artıb

by | posted in: Vergi, Xəbər | 0

“Bu ilin yanvar-oktyabr ayları ərzində ərazi vergi orqanları üzrə proqnoz tapşırıqlarına ümumilikdə 109,1% əməl olunub”. Bunu regionlarda keçirilən zona müşavirəsində nazir müavini Sahib Ələkbərov deyib.

O, son 10 ildə ərazi vergi orqanları üzrə vergi daxilolmalarının 7 dəfə artdığını qeyd edib: “1999-cu ildən etibarən kənd təsərrüfatının torpaq vergisi istisna olmaqla, bütün vergilərdən tamamilə azad olunmasına baxmayaraq, son 10 il ərzində ərazi vergi orqanları üzrə vergi daxilolmalarının 7 dəfəyə qədər artaraq 86,6 mln. manatdan 600,8 mln. manata çatıb”.

Xatırladaq ki, zona müşavirələri Sumqayıt, Şirvan, Yevlax və Qəbələ şəhərlərində keçirilib.

Mənbə: report.az

 

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

21 Noy 2017

Gilan Sənaye Qrupunda ödənişsiz təcrübə proqramı

by | posted in: İş elanı, muhasibat, Xəbər | 0

Gilan Sənaye Qrupu mühasib köməkçisi sahəsində təcrübəçi axtarır.

Öhdəliklər:

  • Bütün növ hesab-fakturaları, xərc sənədlərini və ödənişə müraciətləri qəbul və icra etmək;
  • Hesablamaları yoxlamaq və dəqiqliklə hesablar sisteminə köçürmək;
  • Ödəniş üçün çekləri hazırlamaq;
  • Ödəniş sənədləri, qaimələr, tədarük sifarişləri, kreditor borcu üçün qovluqların saxlanılması və yenilənməsini həyata keçirmək;
  • Hesablara və xərc mərkəzinə uyğun uçot aparmaq;
  • Qaimələr, tədarük sifarişləri və digər mühasibat sənədlərini yoxlamaq və düzəlişlər etmək.

Tələblər:

  • Mühasib dərəcəsi və ya maliyyə/mühasibatlıq sahəsində ali təhsil;
  • MS Proqramları (Word, Excel) ilə işləmə bacarığı;
  • Yaxşı ünsiyyət qabiliyyəti;
  • Komandada işləmək bacarığı;
  • Dəqiqlik, məsuliyyətlilik.

İş növü: Tam iş günü (Full-time)

Tələb olunan iş təcrübəsi: İş təcrübəsi tələb olunmur

İş yeri: Azərbaycan / Hacıqabul

Təhsil: Bakalavr

Tələb olunan ixtisas: Mühasibat uçotu və Audit, Maliyyə

Dillər: Azərbaycan – Əla / İngilis – orta

İT bilikləri: word,excel,outlook,1C

Mənbə: gilanholding.com

gilanholding.com/careers/vacancies/ linkinə daxil olaraq müvafiq vakansiya üzrə CV-nizi göndərə bilərsiniz.

Son müraciət tarixi 30 noyabrdır.

Mühasibat sahəsində ən son iş elanlarını bu linkə daxil olaraq izləyə bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

20 Noy 2017

Vergilər Nazirliyinin vətəndaşlara müraciəti

by | posted in: Vergi, Xəbər | 0

İşə qəbul olunarkən işəgötürənlərdən əmək müqaviləsinin bağlanmasını tələb edin. Əmək müqaviləsi ilk növbədə sosial maraqlarınızın təmin olunmasına xidmət edir və rəsmiləşdirilməmiş əmək fəaliyyətinə razılaşmaqla Siz gələcəkdə dövlətin sosial təminatından və bir sıra üstünlüklərdən məhrum olursunuz.

İşçinin hüquqları və üstünlükləri

Əmək müqaviləsi ilə fəaliyyət göstərdikdə

Əmək müqaviləsiz fəaliyyət göstərdikdə
8 saatlıq iş hüququ

+

–
Əmək məzuniyyətindən istifadə hüququ

+

–
Peşə-əmək qabiliyyətinin itirilməsi hallarında icbari sığorta hüququ

+

–
Xəstəlik və işdənçıxma müavinətinin tam həcmdə alınması hüququ

+

–
Gələcəkdə layiqli əmək pensiyasının alınması imkanı

+

–
İpoteka və digər kreditləri almaq imkanı

+

–
Məhkəmədə hüquqların müdafiəsi

+

–

 

İşəgötürənlə əmək müqaviləsi bağlamaqla və rəsmi əmək haqqı ödəməyi tələb etməklə Siz gələcəyinizi indidən düşünmüş olursuz. Unutmayın ki, Sizə ödənilən rəsmi əmək haqları – sabah üçün sabit sosial təminatınızın təməlidir!

Bununla bağlı hüquqlarınız pozularsa, vergi ödəyicilərinə xidmət mərkəzlərinə və ya “195-1” Çağrı Mərkəzinə müraciət edə bilərsiniz.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

1 … 2. 639 2. 640 2. 641 2. 642 2. 643 2. 644 2. 645 … 2. 705