Blog Full - Muhasibat.Az

Oxunma sayı: 141. 395

26 İyl 2022

Vebinar: “Məzuniyyət və müavinətlərin hesablanması qaydaları”

by | posted in: Xəbər | 0

Təlimin adı: “Məzuniyyət və müavinətlərin hesablanması qaydaları”

Ünvan: Caspian Plaza

Qeydiyyatdan keçmək üçün keçidə daxil olmaqla sorğunu tamamlamağınız xahiş olunur: https://forms.gle/

Təlimdə əhatə ediləcək mövzular:

Məzuniyyət və onun növləri;
Məzuniyyətlərin hesablanması qaydaları;
Məzuniyyətlər hesablanması zamanı nəzərə alınan gəlirlər;
Məzuniyyətlər hesablanması zamanı nəzərə alınmayan gəlirlər;
Məzuniyyətə görə kompensasiya hesablanması zamanı nəzərə alınmalı məqamlar;
Azərbaycan Respublikası Nazirlər Kabinetinin 137 nömrəli qərarı;
Azərbaycan Respublikası Nazirlər Kabinetinin 126 nömrəli qərarı;
Müavinətlər və onların növləri;
Müavinətlərin hesablanması qaydası;
Müavinətlər hesablanan zaman nəzərə alınan gəlirlər;
Müavinətlər hesablanan zaman əlavə iş yerindəki gəlirin nəzərə alınması qaydaları;
Müavinətlər hesablanan zaman mükafatların nəzərə alınması qaydaları;
Azərbaycan Respublikası Nazirlər Kabinetinin 189 nömrəli qərarı;
Xəstəlik vərəqələrinin doldurulmasi qaydaları (xəstəlik vərəqələri üzərində misallarla izahı).

Təlimçi barədə: Kəmalə Rzayeva

İqtisad Universitetində “Mühasibat uçotu” ixtisası üzrə bakalavr, Bakı Mühəndislik Universitetində “Mühasibat uçotu” ixtisası üzrə magistr təhsili almış və hazırda İqtisad Universitetində “Mühasibat uçotu” ixtisası üzrə doktorantura təhsili alır.

2004-cü ildən etibarən fəaliyyəti fərqli olan müəssisələrdə mühasibatlıq və vergi sahəsində çalışır. Mühasibat və vergi uçotu sahəsində 15 ildən artıq təcrübəyə malikdir. “Karvan-L” elmi istehsalat şirkəti, “Azinterval” MMC, “Azərtunel” MMC, “As-İnşaat N” MMC kimi müəssisələrdə “Baş mühasib” vəzifəsində çalışmışdır. Hal-hazırda mühasibat uçotu və vergi sahəsində fəaliyyət göstərən “Accounting Az” MMC-də “Baş mütəxəssis” vəzifəsində çalışır.

Kəmalə Rzayeva vergi hesabatlarının hazırlanması, mühasibat uçotu, praktiki mühasibatlıq, 1C mühasibat proqramı, beynəlxalq maliyyə uçotu üzrə təlimlər keçmişdir. Tətbiqi, praktiki mühasibat və vergi uçotu sahəsində çoxillik təcrübəyə malikdir.

26 İyl 2022

Müəssisənin mühasibat uçotunun təşkili

by | posted in: muhasibat, Məqalə, Xəbər | 0

Mühasibat uçotu istənilən bir uğurlu biznesin ayrılmaz tərkib hissəsidir və bunun üçün xərclər şirkətin biznes planına daxil edilməlidir. Əgər idarəetmə uçotu müəssisənin rəhbərinə müəssisədə vəziyyəti anlamaq üçün tələb olunursa, onda mühasibat uçotu ona görə lazımdır ki, müəssisənin vəziyyəti haqqında başqa adamlar nəticə çıxara bilsinlər. Onlara dövlət təşkilatlarını, kütləvi informasiya vasitələrini və s. eləcə də yoxlayan səhmdarlar da aid edilə bilər. İri və ya kiçik müəssisədə uçot funksiyasını iqtisadi şöbə və ya mühasibat adlanan bölmə yerinə yetirir.

Kiçik biznes sahələri, sadələşdirilmiş sxem üzrə mühasibat uçotu aparmaq imkanına malik olmaqla, rəsmi ştata mühasib götürməmək imkanı əldə edə bilərlər. Bu vəziyyətdə sənədlərin, bəyannamələrin, aktların, bank çıxarışlarının hazırlanması və uyğunlaşdırılması üçün fərdi şəxslə “Əmək müqaviləsi” bağlanıla bilər.

Digər variant isə müxtəlif təşkilatlara mühasibat xidmətləri göstərən konsaltinq şirkəti ilə əməkdaşlıqdır. Mühasib müntəzəm olaraq planlı, zəruri hallarda isə plandankənar işləri yerinə yetirmək üçün müəssisəyə gələcək. Bu zaman bütün mühasibat sənədləri müəssisədə qalır.

Yerinə yetirilən işlərin keyfiyyəti və etibarlılığı baxımından konsaltinq şirkəti (autsorsinq) ilə müqavilənin bağlanması üstünlük təşkil edir. Çünki iş mütəmadi olaraq mühasibat uçotunun qanunvericilik sahəsində olan təcrübəli mütəxəssisləri tərəfindən həyata keçiriləcəkdir. Yaxşı bir mütəxəssis, kiçik bir mükafat naminə işi yerinə yetirməyə razılaşmayacaq. Peşəkarı 100 % öz işi ilə yükləmək və ona bu işinin müqabilində lazımi qədər ödəniş verməyə heç də bütün fərdi müəssisələrin imkanları çatmır. Kifayət qədər iş təcrübəsi olmayan iqtisadçılar isə mütləq qeyri-dəqiqliyə yol verəcək və müxtəlif, qərəzsiz səhvlər törədəcəklər.

Mühasibat xidmətləri göstərən hər şirkətdə ixtisaslı mütəxəssislərin ştatı mövcuddur ki, onların hər biri konkret müəssisəyə təhkim olunur və həmin müəssisənin fəaliyyətinin bütün incəliklərinə və problemlərinə toxunurlar. Gözlənilməz hallarda müəssisənin mühasibat xidmətini həyata keçirən firma həmişə öz əməkdaşını sığortalamaq imkanına malikdir.

Bütün mühasibat tədbirlərinin vaxtında yerinə yetirilməsi, hesabat mühasibat sənədlərinin doldurulma keyfiyyəti, ixtisaslı mütəxəssislərdən məsləhət və məlumat əldə etmək imkanı, əməkhaqqı fonduna qənaət, yalnız fərdi müəssisənin uzunmüddətli autsorsinq müqaviləsi bağlamaqla əldə etdiyi xidmətlərin kiçik siyahısıdır.

25 İyl 2022

Ayın sonuna qədər Mobil POS-a qoşulanlar üçün əməliyyatlar hələ də komissiyasızdır

by | posted in: Xəbər | 0

Xəbər verdiyimiz kimi, Kapital Bank hüquqi şəxs və fərdi sahibkarlara Azərbaycanda ilk dəfə yeni Mobil POS xidmətini təqdim edib. İqtisadiyyat Nazirliyi yanında Dövlət Vergi Xidməti və Visa şirkəti ilə birgə təqdim edilən bu xidmət vasitəsilə artıq sahibkarlar ənənəvi POS-terminal əvəzinə smartfonları vasitəsilə kartlardan, ağıllı saatlardan, stikerlərdən və digər təmassız ödəniş vasitələrindən ödənişləri qəbul edə bilərlər.

Bu yeniliyin daha əlçatan olması üçün Kapital Bank xüsusi güzəştli kampaniya təqdim edir. Belə ki, 31 iyul 2022-ci il tarixinədək bu xidmətə qoşulan sahibkarlar bütün yay boyu – yəni 31 avqust 2022-ci il tarixinədək Mobil POS vasitəsilə keçirilən əməliyyatlar üçün heç bir komissiya ödəməyəcəklər. Üstəlik Mobil POS xidmətinə qoşulan zaman depozit də tələb olunmur.

Qeyd edək ki, xidmətdən yararlanmaq üçün Android əməliyyat sisteminə məxsus və NFC modulu olan smartfonun olması, həmçinin Müştəri Bank istifadəçisi olmaq kifayətdir. Əsasən ticarət və xidmət sektorunda fəaliyyət göstərən kiçik sahibkarlar (bərbər, dərzi, kuryer, taksi, ayaqqabı təmiri, köşk sahibləri, qida sektoru, kiçik ticarət, meyvə-tərəvəz və s.) üçün əlverişli olan bu yeniliyi tətbiq etməklə əlavə POS-terminal qurğusunu əldə etməyə, həmçinin onun daşınmasına ehtiyac yoxdur. Xidmətə qoşulma ödənişsizdir, üstəlik bunun üçün Kapital Bank filiallarına gəlməyə ehtiyac yoxdur: qoşulma tam olaraq Müştəri Bank mobil tətbiqi vasitəsilə onlayn formada həyata keçirilir.

Mobil POS vasitəsilə ödəniş qəbul etmək, əməliyyat tarixçəsinə və mövcud Mobil POS terminallarının məlumatlarına baxmaq olar. Müştəri Bank sisteminə qoşulmaq üçün https://cb.kapitalbank.az/login linkinə keçid etmək və ya (+99 412) 310 10 97 nömrəsi ilə əlaqə saxlamaq kifayətdir.

Kapital Bank-ın daxili ipotekası daha sərfəli oldu!

25 İyl 2022

Yaşayış sahəsi alarkən ödənilmiş ƏDV hansı şərtlərlə qaytarılır?

by | posted in: Xəbər | 0

Yeni istifadəyə verilmiş yaşayış kompleksindən mənzil alarkən ödədiyim əlavə dəyər vergisinin (ƏDV) qaytarılması mümkündürmü?

Dövlət Vergi Xidmətindən bildirilib ki, “Fiziki şəxs olan istehlakçılar tərəfindən Azərbaycan Respublikasının ərazisində bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş əlavə dəyər vergisinin qaytarılması Şərtləri və Qaydası” Azərbaycan Respublikası Prezidentinin 2022-ci il 25 may tarixli Fərmanı ilə təsdiq edilmişdir.

Fərmanın keçid müddəalarına əsasən, Azərbaycan Respublikası Vergi Məcəlləsinin 165.6-cı maddəsinin qüvvəyə mindiyi 2020-ci il yanvarın 1-dən bu Qayda qüvvəyə mindiyi tarixədək bina tikintisi fəaliyyəti ilə məşğul olan şəxslərdən yaşayış və qeyri-yaşayış sahələrini əldə etmiş və ödənişi tam həyata keçirmiş, habelə əldə edilmiş yaşayış və qeyri-yaşayış sahələrinə görə ödənişləri davam etdirən alıcılara ödənilmiş ƏDV-nin 30 faizi (bu Qayda qüvvəyə mindiyi tarixədək ƏDV məbləğinin satıcının bank hesabına və ya ƏDV depozit hesabına ödənilməsindən asılı olmayaraq) geri qaytarılır.

Bunun üçün ödənişi tam həyata keçirmiş alıcılar bu Qayda qüvvəyə mindiyi tarixdən, ödənişləri davam etdirən alıcılar isə ödəniş tam başa çatdıqdan sonra 90 gün müddətində satıcının uçotda olduğu vergi orqanına Qaydada nəzərdə tutulmuş sənədlə yanaşı, alıcı tərəfindən yaşayış və qeyri-yaşayış sahələrinin dəyərinin nağdsız qaydada satıcının bank hesabına ödənildiyini təsdiq edən sənədləri təqdim etməlidir.

Alıcıların müraciətləri vergi orqanı tərəfindən bu Qaydanın tələblərinə uyğun olaraq araşdırılır və risklər müəyyən edilmədiyi halda, ƏDV-nin alıcının bank hesabına köçürülməsi barədə məlumat portal vasitəsilə deyil, fərdi qaydada müvəkkil banka göndərilir. Bu barədə alıcıya məlumat verilir.

Əsas: Vergi Məcəlləsinin 165.6-cı maddəsi və Azərbaycan Respublikası Prezidentinin 2022-ci il 25 may tarixli Fərmanı ilə təsdiq edilmiş “Fiziki şəxs olan istehlakçılar tərəfindən Azərbaycan Respublikasının ərazisində bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş əlavə dəyər vergisinin qaytarılması Şərtləri və Qaydası”.

Mənbə: vergiler.az