Oxunma sayı: 139. 472
27 Sen 2021

Əməkhaqqı anlayışı ilə bağlı sual doğuran məqamlar

by | posted in: Xəbər | 0

gəlir vergisindən azadolma, vergi borcu, üzvlük,Həmkarlar ittifaqı, əmək­haqqıdan gəlir vergisiƏməkhaqqı ilə bağlı Əmək Məcəlləsindəki təsbit olunmuş anlayışlar bəzi xüsusi hallarda müəyyən suallar yaradır. Bu məqamlara sərbəst auditor Altay Cəfərov aydınlıq gətirir.

Əmək Məcəlləsində “əməkhaqqı”, “orta əməkhaqqı”, “orta aylıq əməkhaqqı” kimi ifadələrə rast gəlinir. Məsələn, Məcəllənin “Əmək məzuniyyəti” bölməsində 140-cı maddədə həm “orta əməkhaqqı”, həm də “orta aylıq əməkhaqqı” ifadələri işlədilib. Digər maddələrdə isə “orta əməkhaqqı” ifadəsinə daha çox rast gəlinir. Orta əməkhaqqının hesablanması Əmək Məcəlləsinin 177-ci maddəsi ilə tənzimlənir.

Maddə 177. Orta əməkhaqqı və onun hesablanması qaydası

1. Orta əməkhaqqı – işçiyə vəzifəsi (peşəsi) üzrə işəgötürən tərəfindən ödənilmiş məvacib və onun tərkibinə daxil olan ödənclərin bu Məcəllədə və digər normativ hüquqi aktlarda nəzərdə tutulan qaydada müəyyən olunan məbləğdir.

2. Əmək məzuniyyəti dövrü üçün verilən əməkhaqqı istisna olmaqla, qalan bütün hallarda işçinin orta əməkhaqqı ödənişdən əvvəlki iki təqvim ayı ərzində qazandığı əməkhaqqının cəmi həmin aylardakı iş günlərinin sayına bölməklə bir günlük əməkhaqqı tapılır və alınan məbləğ əməkhaqqı saxlanılan iş günlərinin sayına vurulmaqla müəyyən edilir.

3. 2 aydan az işləmiş işçilər üçün orta aylıq əməkhaqqı aşağıdakı qaydada hesablanır: işçinin faktiki işlənmiş günlər ərzində qazandığı əməkhaqqını həmin günlərə bölməklə bir günlük əməkhaqqı müəyyən edilir, alınan məbləğ əməkhaqqı saxlanılan iş günlərin sayına vurulur.

Ümumi halda orta əməkhaqqı yuxarıdakı göstərilən kimi hesablanır. Məzuniyyət dövrü üçün orta əməkhaqqının hesablanması isə fərqlidir.

Əmək Məcəlləsinin 140-cı maddəsində məzuniyyət vaxtı üçün orta əməkhaqqının hesablanması və ödənilməsi qaydası müəyyən edilib:

1. Məzuniyyət vaxtı üçün ödənilən orta əməkhaqqı onun hansı iş ili üçün verilməsindən asılı olmayaraq məzuniyyətin verildiyi aydan əvvəlki 12 təqvim ayının orta əməkhaqqına əsasən müəyyən edilir.

2. 12 təqvim ayından az işləyib məzuniyyətə çıxan işçinin orta aylıq əməkhaqqı onun faktiki işlədiyi tam təqvim aylarına əsasən hesablanır.

Məcəllənin 40-cı maddəsinin 1-ci hissəsində “orta əməkhaqqı”, ikinci bəndində isə “orta aylıq əməkhaqqı” yazılıb. Məzuniyyətin hesablanmasında orta əməkhaqqı deyil, orta aylıq əməkhaqqı ifadəsi və bu ifadə əsasında hesablama aparmaq daha düzgündür. Çünki praktiki olaraq orta aylıq əməkhaqqı konkret bir dövrdə olan aylara aid əməkhaqqının cəminin ayların sayına bölünməsi ilə hesablanır. Odur ki, Əmək Məcəlləsinin 140-cı maddəsinin birinci bəndindəki “orta əməkhaqqı” ifadəsi “orta aylıq əməkhaqqı” kimi qəbul olunmalıdır. Çünki hesablanma forması bunu deyir.

Misal 1: Tutaq ki, işçi 4 sentyabr 2020-ci ildə vəfat edib və şirkət işçiyə müavinət ödəməlidir. İşçinin əməkhaqqı iyul ayında 400 manat, avqust ayında 400 manat, avqustda birdəfəlik mükafatı 200 manat olub. Nəzərə alaq ki, iyulda 22 iş günü və avqustda 20 iş günü vardır. Bu halda işçiyə müavinət necə hesablanmalıdır?

Suala cavab tapmaq üçün Əmək Məcəlləsinin 77-ci maddəsinin 7-ci bəndinə nəzər yetirək: “İşçinin vəfatı ilə əlaqədar əmək müqaviləsinə xitam verildikdə isə vəfat edənin vərəsələrinə orta aylıq əməkhaqqının azı üç misli miqdarında müavinət ödənilir”.

Göründüyü kimi, işçinin vəfatı ilə əlaqədar müavinət ödənildikdə orta əməkhaqqı yox, orta aylıq əməkhaqqı əsas götürülür.

Daha bir sual çıxır: orta aylıq əməkhaqqı necə hesablanır?

Qeyd etdiyimiz kimi, orta aylıq əməkhaqqının hesablanmasına ancaq Əmək Məcəlləsinin 140-cı maddəsində rast gəlinir və bundan məzuniyyətlərin hesablanmasında istifadə olunur. Məcəllənin digər maddələrində orta aylıq əməkhaqqının hesablanması mexanizmi olmadığına görə orta aylıq əməkhaqqı kimi işçinin son aylıq əməkhaqqı götürülməlidir. Gətirdiyimiz misalda 1200 manat müavinət hesablanmalıdır: 400 manat x3 = 1200 manat

Bəs son ayda işçiyə verilmiş əlavə 200 manat mükafat nəzərə alınmırmı? Həmin mükafat daimi və əmək müqaviləsində nəzərdə tutulmuş konkret məbləğ olmadığına görə əməkhaqqı fonduna daxil edilmir və aylıq əməkhaqqına aid olmur. Ona görə də hesablamalarda nəzərə alınmır.

Bəs orta aylıq yox, orta əməkhaqqı hesablanmaqla onun 3 misli məbləğində müavinət verilə bilərmi?

Əmək Məcəlləsinin 177-ci maddəsində göstərilir ki, orta əməkhaqqının hesablanması üçün gündəlik məbləğ müəyyənləşdirilməli, alınan məbləğ əməkhaqqı saxlanılan iş günlərinin sayına vurulmalıdır.

Vəfat edən işçinin əməkhaqqı saxlanılan iş günləri hansılardır?

Şəxs vəfat etdikdən sonra onun əməkhaqqı saxlanılan iş günləri yoxdur. Tutaq ki, iyul və avqust aylarında müvafiq olaraq 20 və 22 iş günü olub. O zaman gündəlik məbləğin hesablanması belə aparılır:

400+400=800 manat
20+22=42
800 : 42 = 19,04 manat

Avqustdan sonra saxlanılan dövr olmadığına görə orta əməkhaqqını vəfat edən işçi üçün müavinətin verilməsində istifadə etmək olmur: işçi vəfat etdikdə əmək müqaviləsinə xitam verilir və əməkhaqqı saxlanılan dövr yaranmır.

Mənbə: vergiler.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

25 Sen 2021

Böyük Britaniyada əmək bazarında canlanma baş verib

by | posted in: Xəbər | 0

Böyük Britaniyada son 20 ildə vakansiyaların sayında rekord artım qeydə alınıb. Əmək bazarında canlanma ölkədə kütləvi işsizlik fonunda baş verib. Bu haqda “Bi-bi-ci” xəbər verib.

Son bir neçə ay ərzində vakansiyaların sayı bir milyon artıb. Bu cür artım tempi 2001-ci ildən bəri ilk dəfə müşahidə olunub. İşsizliyin səviyyəsi ikinci rübdə 4,7 faizdən, 4,6 faizə düşüb. Amma yenə də yüksək olaraq qalmaqdadır. Mütəxəssislər yaranmış vəziyyəti paradoks adlandırıblar.

Milli statistika xidmətinin (MSX) məlumatına görə, avqust ayında əməkdaşların sayı pandemiyadan əvvəlki səviyyəyə qayıdıb. MSX nümayəndəsi Conatan Athou qeyd edib ki, bərpaolunma qeyri-bərabər baş verib. MSX, işini itirənlərin əksəriyyətinin gənclər olması ilə bağlı xəbərdarlıq edib, həmçinin onların məşğulluq səviyyəsinin bərpa olunmağa başladığını bildirib.

“Pandemiyadan sonra bərpaolunma davam etdikcə, biz diqqətimizi əvvəlki tək iş yerlərinin yaradılması və dəstəklənməsi imkanlarına yönəltmişik”, – Maliyyə naziri Rişi Sunak bəyan edib.

O, Britaniya hökumətinin pandemiyanın başlanğıcında tətbiq etdiyi tədbirlərin işlədiyini bildirib. O vaxt ölkə iş yerlərində ixtisarları azaltmaq məqsədilə insanları məcburi məzuniyyətə göndərirdi. Britaniya ticarət palatasının iqtisadi şöbəsinin rəhbəri Siren Tiranın sözlərinə görə, şirkətlərin işçi işə götürə bilməmələrinin əsas səbəbləri, məhz Brexit (Böyük Britaniyanın Avropa İttifaqından çıxışı) və koronavirus olub. O hesab edir ki, məcburi məzuniyyətlərin ləğvi çətin ki, əmək bazarındakı problemləri həll etsin. “Personalın yığılması ilə bağlı çətinliklər, ehtimal ki, şirkətlərin sifarişləri yerinə yetirmək və istehlak tələbatını ödəmək qabiliyyətini məhdudlaşdıraraq iqtisadiyyatın bərpasını yavaşladır”, – xanım Tiru belə söyləyib.

Bəzi müsbət tendensiyalara baxmayaraq, Britaniyada məşğulluq vəziyyəti qeyri-sabit olmaqda davam edəcək, bu barədə KPMG-nin baş iqtisadçısı Yael Selfin xəbərdarlıq edib. Logistika sahəsində işçilərin, xüsusilə yük maşını sürücülərinin çatışmazlığı daha da kəskinləşib. Brexit, əcnəbi işçilərin viza almasını çətinləşdirib və yük maşını sürücüləri koronavirus səbəbiylə bağlanan sürücülük məktəblərində müntəzəm testdən keçə bilmirlər.

Logistik böhran səbəbindən, Britaniya pabları bağlanma ərəfəsində idi və ölkənin müxtəlif yerlərində mağazalar tez-tez boşalmağa başlamışdı. Supermarketlərin sahibləri, milad bayramları – ən aktiv ticarət dövrü ərəfəsində işçilərin çatışmazlığı problemini həll etməyin vacibliyi ilə bağlı xəbərdarlıq ediblər.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

24 Sen 2021

İşçilərin bədbəxt hadisələrdən sığorta haqqı nə qədərdir?

by | posted in: Xəbər | 0

İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından sığorta edilməsi “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” Azərbaycan Resbublikasının Qanunu ilə tənzimlənir. Mövzunu təhlil edən iqtisadçı ekspert Radil Fətullayev bildirib ki, Qanunun 3.1-ci maddəsinə əsasən, əmək fəaliyyəti ilə məşğul olan aşağıdakı şəxslər sığorta olunmalıdır:

1. Əmək müqaviləsi və mülki-hüquqi xarakterli müqavilə bağlamaqla işçi işə cəlb edən fiziki və hüquqi şəxslər;
2. İstehsalat təcrübəsi (təlimi) keçən tələbə və şagirdlər;
3. Müəssisələrdə işə cəlb edilən hərbi qulluqçular;
4. Fərdi qaydada sahibkarlıq və əmək fəaliyyəti ilə məşğul olan fiziki şəxslər;
5. Məcburi dövlət sosial sığortasına cəlb olunması nəzərdə tutulan seçkili ödənişli vəzifələrdə işləyənlər (Azərbaycan Respublikası Milli Məclisinin deputatları və Naxçıvan Muxtar Respublikası Ali Məclisinin deputatları istisna olmaqla);
6. Təbii fəlakətlərin qarşısının alınmasına və nəticələrinin aradan qaldırılmasına, habelə hərbi və fövqəladə vəziyyət rejimində işlərin yerinə yetirilməsinə cəlb edilən şəxslər.

Sığorta olunmuş şəxslərə sığorta müqaviləsinin qüvvədə olduğu müddət ərzində baş verən bədbəxt hadisə nəticəsində ortaya çıxan aşağıdakı hallarla əlaqədar sığorta təminatı verilir:
  • Ölüm;
  • Əmək qabiliyyətinin daimi tam itirilməsi;
  • Əmək qabiliyyətinin daimi qismən itirilməsi;
  • Əmək qabiliyyətinin müvəqqəti tam itirilməsi;
  • Əmək qabiliyyətinin müvəqqəti qismən itirilməsi.

İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta müqaviləsi üzrə sığorta haqqı xeyrinə icbari sığorta müqaviləsi bağlanılmalı olan şəxslərin müvafiq icra hakimiyyəti orqanı tərəfindən müəyyən olunmuş qaydada hesablanan bir illik əməkhaqqı fondunun sığorta tarifinə hasili əsasında müəyyən edilir.

Peşə riskinin dərəcəsindən və sığorta olunanların kateqoriyalarından asılı olaraq fərqləndirilən sığorta tarifləri 2 faizdən artıq olmamaq şərtilə müvafiq icra hakimiyyəti orqanı tərəfindən müəyyən edilir. Sığorta tarifləri hər təqvim ili üçün müəyyən olunur. Növbəti təqvim ili üçün sığorta tarifləri cari ilin dekabr ayının 1-dək müəyyən olunmalıdır. Peşə risklərinin dərəcələrini daha aydın şəkildə görmək üçün aşağıdakı cədvələ nəzər yetirək.

İstehsalatda bədbəxt hadisələrə qarşı sığorta olunanların kateqoriyaları üzrə peşə risklərinin dərəcəsinə uyğun tariflər (faizlər):

Peşə riskinin dərəcəsi Sığorta olunanların kateqoriyaları üzrə sığorta tarifi (faizlə)
qulluqçular fəhlələr
1 0,2 0,4
2 0,2 0,5
3 0,2 0,6
4 0,2 0,8
5 0,2 0,9
6 0,3 1,0
7 0,3 1,2
8 0,3 1,4
9 0,4 1,5
10 0,4 1,6
11 0,4 1,7
12 0,5 1,8
13 0,5 1,9
14 0,5 2,0
Qeyd edək ki, müəssisələrin fəaliyyət növləri üzrə peşə riskinin dərəcələri “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta tariflərinin müəyyən edilməsi” haqqında Azərbaycan Respublikası Nazirlər Kabinetinin qərarında aydın şəkildə öz əksini tapır. Həmin qərarda verilmiş iqtisadi fəaliyyət növlərindən bəzilərini müvafiq peşə risklərinin dərəcləri ilə birlikdə aşağıdakı cədvəldə görə bilərik.

Risk dərəcələri üzrə bəzi fəaliyyət növləri:

İqtisadi fəaliyyət növü Peşə riskinin dərəcəsi
– Proqram təminatının işlənməsi, bu sahədə məsləhətlər və bununla əlaqədar fəaliyyət;

– Maliyyə fəaliyyəti (sığorta və pensiya təminatı üzrə xidmətlərdən başqa);

– Hüquq və mühasibat uçotu sahəsində fəaliyyət;

– İctimai birliklərin (təşkilatların) fəaliyyəti.

 I dərəcə
– Avtomobillərin satışı;

– Daşınmaz əmlakla əlaqədar əməliyyatlar;

– Kirayə və lizinq fəaliyyəti;

– Təhsil, səhiyyə sahəsində fəaliyyət;

– Poçt və kuryer fəaliyyəti, sair fərdi xidmətlərin göstərilməsi və s.

 II dərəcə
– Geyim istehsalı;

– Nəşriyyat fəaliyyəti;

– Baytarlıq fəaliyyəti;

 III dərəcə
– Heyvandarlıq;

– Süd məhsullarının istehsalı;

– Kənd təsərrüfatı sahəsində xidmət göstərilməsi və s.

 IV dərəcə
– Un və un məmulatlarının istehsalı;

– Ət məhsullarının istehsalı (emalı);

– İdman sahəsində fəaliyyət və s.

 V dərəcə
– Kompüter, elektron və optik məhsulların istehsalı;

– Anbar təsərrüfatı və yardımçı nəqliyyat fəaliyyəti;

– Kompüterlərin, şəxsi istifadə əşyalarının, məişət mallarının təmiri və s.

 VI dərəcə
– Meyvə və tərəvəzlərin emalı və konservləşdirilməsi;

– Şüşə və şüşədən məmulatların istehsalı;

– Metalların emalı və metallara örtük çəkilməsi, maşınqayırmanın əsas texnoloji prosesləri və s.

 VII dərəcə
– Rabitə; – Hava nəqliyyatının fəaliyyəti;

– Dəmir yolu vasitəsilə yük daşınması;

– Su nəqliyyatının fəaliyyəti və s.

 VIII dərəcə
– Mebellərin istehsalı;

– Yük avtomobil nəqliyyatlarının fəaliyyəti;

– Mebeldən başqa ağacın emalı və ağacdan məmulatların və tıxacın istehsalı; hopdurma və hörmə materialların istehsalı və s.

 IX dərəcə
– Məişət cihazlarının istehsalı;

– Elektrik naqillərinin və elektrik şəbəkələri üçün cihazların istehsalı;

– Sair kimyəvi məhsulların istehsalı və s.

 X dərəcə
– Sair hazır metal məmulatlarının istehsalı;

– Balıq, xərçəngkimilər və molyuskaların emalı və konservləşdirilməsi və s.

 XI dərəcə
– Balıqçılıq;

– Avtomobil, qoşqu və yarımqoşquların istehsalı və s.

 XII dərəcə
– Əlvan metalların istehsalı;

– Sement, əhəng və gips istehsalı;

– Koks və təmizlənmiş neft məhsullarının istehsalı və s.

 XIII dərəcə
– Bina tikintisi;

– Xam neft və təbii qaz hasilatı;

– Metal filizlərinin hasilatı;

– Mədənçıxarma sənayesinin digər sahələri və s.

 XIV dərəcə
Peşə riskinin dərəcəsindən və sığorta olunanların kateqoriyalarından asılı olaraq fərqləndirilən sığorta tarifləri aşağıdakı kimi müəyyən edilir:

1. Qulluqçular üçün – 0,2-0,5% arasında;
2. Fəhlələr üçün – 0,4-2,0% arasında.

Sığorta haqqı sığortalı tərəfindən sığortaçıya müqavilə ilinin əvvəlində icbari sığorta müqaviləsində nəzərdə tutulmuş qaydada hissə-hissə və ya birdəfəlik ödənilməlidir. Sığorta hadisəsi baş verdiyi təqdirdə zərər çəkmiş şəxsə sığorta ödənişləri sığortalının itirdiyi bədən üzvlərinin həyati əhəmiyyətinə və əmək qabiliyyətinə təsirlərinə görə sığorta məbləğindən faizlə hesablanır. Sığorta ödənişləri sığorta olunmuş şəxslərə birdəfəlik və ya müntəzəm olaraq ödənilə bilər.

Misal: Tutaq ki, “ABC” tikinti müəssisəsi sentyabr ayında fəaliyyətə başlayaraq 01 sentyabr tarixində 3 nəfərlə əmək müqaviləsi bağlayıb. İşçilərin aylıq əməkhaqqısı aşağıdakı kimidir:

Direktor – 900 manat;
Mühasib – 500 manat;
Fəhlə – 400 manat.

Müəssisə sığorta şirkəti ilə müqavilə bağlayaraq işçilərini bədbəxt hadisələrə qarşı sığortalayıb.
Bədbəxt hadisələrə (BH) qarşı sığorta haqqının hesablanması tələb olunur.

Direktor üçün BH-ə qarşı Sığorta haqqı:
900 x 12 x 0,5% = 54 manat.

Mühasib üçün BH-ə qarşı Sığorta haqqı:
500 x 12 x 0,5% = 30 manat.

Fəhlə üçün BH-ə qarşı Sığorta haqqı:
400 x 12 x 2% = 96 manat.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

24 Sen 2021

2021-ci il üzrə mühasibat uçotu statistikası və faktları (V hissə)

by | posted in: Xəbər | 0

2021-ci il üzrə mühasibat uçotu statistikası və faktları (V hissə)

IV hissəyə nəzər yetirin

Müasir dövr sizin biznes prosesinizin bütün aspektlərində inkişaf edir. Planlaşdırmadan istənilən fəaliyyətin idarə edilməsinə qədər rəqəmsallaşdırma – bu, oyunda qalmağın açarıdır. Siz eyni şeyi biznesinizin mühasibat uçotu, pul axını və ya maliyyə hesabatı haqqında da deyə bilərsiniz. Hər şeyi daha qeyri-ənənəvi, lakin, inkişaf etmiş bir vəziyyətə çevirən mühasibat proqramıdır.

Peşəkarların 80%-i hesab edir ki, süni intellekt mühasibatlıqda pul vəsaitlərinin hərəkəti, əməkhaqqı və vergi idarəçiliyinin saxlanılması zamanı onlara üstünlük verir.

Vergilərin hazırlanması, əmək haqqının idarə edilməsi və audit kimi mühasibat prosesləri 2022-ci ilə qədər avtomatlaşdırılacaq.

Bundan əlavə, mühasiblərin 55 faizi yaxın 3 il ərzində süni intellekti tətbiq etməyi planlaşdırır.

Proseslərin robotlaşdırılmış avtomatlaşdırılması, audit və müqavilələrin emalı üçün lazım olan zamana bir neçə həftədən, bir neçə ayadək qənaət edə bilər.

Mühasibat uçotu üzrə daha bir neçə statistik məlumat

Ənənəvi mühasibat uçotu idarəetmə sistemində nisbətən daha az mürəkkəb olan bir şey də var. Siz öz pullarınızın idarə olunmasını mühasibin üzərinə qoyursunuz. Belədə insan öz metodları ilə aradan çıxa bilər.

Digər tərəfdən, rəqəmsal transformasiya bu sektorda sürəti, rahatlığı və əlçatanlığı təmin edir. Lakin siz həm də yeni investisiyalar, proqram təminatının uğurlu qurulması və əla öz xərcini çıxarma kimi bəzi digər problemlərlə də qarşılaşa bilərsiniz.

Beləliklə, siz burada aradan qaldırılması lazım olan bəzi çətin statistik məlumatlara riayət etməlisiniz. Yaxşı xəbər budur ki, kifayət qədər diqqətli olsanız, bunların öhdəsindən gəlmək, o qədər də çətin deyil.

  • Kiçik və orta müəssisələrin mühasibat uçotunun ən maraqlı problemləri debitor borcları/yığımları (51%), pul vəsaitlərinin hərəkəti (44%), sənədlərin rəsmiləşdirilməsi (33%), kitabların aylıq bağlanması (28%) və əmək haqqının hesablanmasıdır.
  • Auditorların sayı 2020-ci ilin sonunda bütün dünyada 1,2 milyon nəfərdən 1,44 milyon nəfərə yüksəlib.

VI hissəyə nəzər yetirin

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 830 831 832 833 834 835 836 … 2. 685