Oxunma sayı: 172. 086
29 İyn 2021

Ukraynada vergi əfvi barədə qanun qəbul olunub

by | posted in: Xəbər | 0

Ukraynanın Ali Radası dövlət başçısı Vladimir Zelenskinin təşəbbüsü ilə vergi əfvi haqqında qanunu qəbul edib. Qanun fiziki şəxslərin gəlirlərini bir dəfə könüllü bəyan etməsini nəzərdə tutur.

Yeni qanun vergidən yayınmış ukraynalılara imkan verəcək ki, cəzadan azad olmaqla həqiqi gəlirlərini aşkara çıxarsınlar, aktivləri barədə bəyannamə versinlər. Vergi əfvi o cümlədən nağd vəsaitlərlə yanaşı, valyuta sərvətlərinə, qiymətli kağızlara, eləcə də Ukraynadakı və ölkə hüdudlarından kənardakı daşınmaz və daşınar əmlaka da şamil olunur.

Qanun çərçivəsində 2021-ci il sentyabr ayının 1-dən 2022-ci il sentyabr ayının 1-dək fiziki şəxslər öz aktivlərini bəyan edə biləcəklər. Bu zaman onlar Ukrayna banklarında yerləşdirilmiş aktivlərin dəyərinin 5 faizi, xarici kredit təşkilatlarında yerləşdirilmiş aktivlərin dəyərinin 9 faizi məbləğində birdəfəlik vergi ödəyəcəklər. Bu yığım 1 yanvar 2021-ci ildən 20 iyun 2022-ci ilədək olan müddətdə əldə ediləcək dövlət istiqrazları üçün həmin istiqrazların dəyərinin 2,5 faizini təşkil edəcək. Bununla belə, həmin bəyannaməni 2010-cu il yanvarın 1-dən yüksək dövlət vəzifəsi tutan şəxslər və Rada deputatları təqdim edə bilməyəcəklər.

Qeyd edək ki, qəbul olunmuş vergi əfvi V. Zelenskinin seçkiöncəsi vədlərindən biri idi.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

29 İyn 2021

Hansi aktivlər amortizasiya olunmur?

by | posted in: Xəbər | 0

Amortizasiya ayırmaları, Amortizasiyanın hesablanması, AmortizasiyaAşağıda qeyd olunan aktivlər amortizasiya olunmur:

– Torpaq, incəsənət əsərləri, nadir tarixi və memarlıq abidələri olan binalar, qurğular (tikililər);

– elmi-tədqiqat, tədris və təcrübə məqsədi üçün kabinetlərdə və laboratoriyalarda istifadə edilən avadanlıqlar, eksponatlar, nümunələr, fəaliyyətdə olan və olmayan modellər, maketlər və başqa əyani vəsaitlər;

– məhsuldar heyvanlar (damazlıq inəklər, camışlar, madyanlar, dəvələr, marallar, donuzlar, qoyunlar, keçilər, döllük buğalar, kəllər, ayğırlar, nərlər, qabanlar, qoçlar, təkələr və bunlar kimi digər məhsuldar heyvanlar);

– heyvanxanalarda və digər analoji müəssisələrdə olan heyvanat aləminin eksponatları;

– istismar vaxtı çatmayan çoxillik əkmələr;

– kitabxana fondları, kinofondlar (video, audio, foto), səhnə rekvizitləri, muzey sərvətləri (eksponatları);

– tam amortizasiya olunmuş əsas vəsaitlər, onlar istismara yararlı olduğu hallarda;

– konservasiya edilmiş əsas vəsaitlər;

– ümumi istifadədə olan avtomobil yolları;

– ümumi istifadədə olan parklardakı avadanlıqlar;

– istismara verilməmiş anbarda olan əsas vəsaitlər.

Əsaslandırma: Vergi Məcəlləsinin 114.2-ci maddəsi.

Mənbə: sosial.gov.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

29 İyn 2021

Dünyada işsizliyin əsas qurbanlarının adı çəkilib

by | posted in: Xəbər | 0

işsizBeynəlxalq əmək təşkilatı (BƏT) pandemiyanın il yarımlıq nəticələrini yekunlaşdırıb və koronavirus məhdudiyyətləri səbəbindən ən çox qazancından olanların yaş tərkibini açıqlayıb. İşsizliyin ən güclü zərbəsini 25 yaşdan aşağı olan adamlar hiss ediblər.

Son 18 ayda “Covid-19”un iqtisadi nəticələrinin misilsiz qurbanlarının 15 ilə 24 yaş arasındakı gənclər olduğu qəbul edilib. BƏT-in məlumatına görə, 2020-ci ildə bu yaş qrupunda işsizliyin səviyyəsi 8,7 faiz təşkil edib. Halbuki yaşca böyük insanlar arasında pandemiyaya görə iş tapa bilməyənlər 3,7 faiz təşkil edir.

İqtisadçılar qeyd edirlər ki, işsiz əhali olaraq iş axtaran və “iqtisadi cəhətdən aktiv” əhali qəbul edilib. İşini atan, axtarışları dayandıran və ya öz biznesini açmağa hazırlaşan gənclər “iqtisadi cəhətdən qeyri-aktiv” əmək qabiliyyətli əhali kateqoriyasına aiddirlər.

Pandemiya dövründə gənclər arasında işsizliyin ən böyük sıçrayışı Argentina, Braziliya, Cənubi Afrika və Peru kimi yoxsul ölkələrdə qeydə alınıb. Avropada da pandemiya gənc nəslin məşğulluğuna ciddi zərbə vurub. İşsizlik səviyyəsini nisbətən stabil səviyyədə saxlaya bilən Fransa və Böyük Britaniya istisna təşkil edir, ABŞ-da isə kütləvi şəkildə müavinətlər ödənilənə qədər qısamüddətli olsa da müəyyən kəskinləşmələr müşahidə edilmişdi.

Orta gəlirli ölkələrdə kişilər arasında işsizlik 23,7 faiz, qadınlar arasında isə 29 faiz təşkil edib. Zəngin ölkələrdə müxtəlif əhali dəstəyi tədbirləri həyata keçirilir, “Covid-19”dan əziyyət çəkənlərə güzəştli kreditlər verilir, onlar vergi tətilləri ilə təmin olunurlar. Lester universitetində iqtisadiyyatdan dərs deyən doktor Sara Lemos qeyd edib ki, bir adam nə qədər uzun müddətdə işsiz qalırsa, onun yaxşı maaşlı işə düzəlməsi daha da çətinləşir.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

29 İyn 2021

Dünyanın ən bahalı qiymətli metalı daha da bahalaşa bilər

by | posted in: Xəbər | 0

Dünyanın ən bahalı qiymətli metalı olan palladium, artan tələbat fonunda daha da bahalaşa bilər, “Bloomberg” belə yazıb.

May ayında palladiumun qiyməti rekord həddə çatıb – troya unsiyası üçün 3018 dollardan çox və son bir ay ərzində bir qədər azalmasına baxmayaraq, bu metal hələ də qızıldan təxminən min dollar bahadır. Ötən ay palladium ilə qızıl arasındakı fərq keçən ilin fevral ayından etibarən ən əhəmiyyətli artım olub və qlobal iqtisadiyyatın bərpası fonunda onun qiyməti daha da arta bilər.

Palladium bazarında qıtlığın olması gözlənilir, buna isə avtomobil sənayesinin artan ehtiyacları və ciddi ekoloji nəzarət səbəb ola bilər.

Eyni zamanda, bəzi mütəxəssislər qızılın qiymətinin bir qədər də azalacağını proqnozlaşdırırlar: “ABN Amro” qiymətli metallar bazarının analitiki Corcett Boele (Georgette Boele) hesab edir ki, ilin sonuna qədər bu metal troya unsiyasına görə 1700 dollara qədər ucuzlaşa bilər.

Son 15 il ərzində palladium demək olar ki, altı dəfə bahalaşıb. “Nornikel” mədənlərində palladium hasilatı ilə bağlı problemlərə fevral ayında şirkətin iki böyük mədəninin su basması gətirib çıxarıb.

Palladiumdan elektronika, stomatologiya və zərgərlik işlərində istifadə olunur. Lakin bu metalın ən başlıca istifadə sahəsi benzin mühərriki ilə işləyən avtomobillər üçün katalizatorlar istehsalıdır. Katalizatorlar atmosferə zəhərli emissiyaların səviyyəsini azaltmaq üçün lazımdır. Bu da yaşıl iqtisadiyyata keçid istiqamətində davam edən trendin fonunda getdikcə daha da aktuallaşır.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 938 939 940 941 942 943 944 … 2. 705