Blog Full

Hər bir müəssisə mütəmadi olaraq bu və ya digər vakansiya üçün namizəd axtarmaq zərurəti ilə üzləşir. Əgər şirkətə təmizlik işçisi və ya qarderobçu  tələb olunursa, axtarış prosesi çətin ki, uzun sürən və vaxt aparan olsun. Amma  layiqli mühasib tapmaq elə də asan məsələ deyil. Çox vaxt ondan o qədər işlər asılıdır ki, rəhbərlik və insan resursları sadəcə işçinin bu vəzifəyə seçilməsi zamanı səhv etmək hüququna malik deyil. Mühasiblərin seçilməsində tez-tez baş verən səhvləri nəzərdən keçirək.

Kadr seçimi, ilk növbədə, insanların konkret işə uyğunluğunu müəyyən etmək məqsədilə psixoloji və peşəkar keyfiyyətlərinin təhlilindən ibarətdir. Bundan başqa, insanın mənəvi-etik, cinsi-yaş və psixoloji xüsusiyyətləri (şəxsiyyətin temperamenti, xarakteri, bacarıqları, istiqaməti) nəzərə alınmalıdır. Əlbəttə ki, namizədin müəyyən fəaliyyətlə məşğul olmaq istəyi də az əhəmiyyət kəsb etmir.

Axı, əksər səlahiyyətlər özünü tam şəkildə yalnız o zaman göstərir və lazımlı nəticələri yalnız o halda verir ki, insan müəyyən işləri (bacarırsa, qabildirsə) görməyə qabildir və o, bunu istəyir. Yəni, bu onun xoşuna gəlir və dəyərlər sisteminə uyğun gəlir.

Yaxşı mühasib elə də ucuz başa gəlmir, pis mühasib – daha baha başa gəlir.

1-ci səhv. Mühasib vakansiyası ilə bağlı elanın düzgün tərtib olunmaması

Bu səhv nahaqdan birinci yerdə dayanmır. Axı, məhz düzgün tərtib edilmiş və lazımi yerdə yerləşdirilmiş mühasib vakansiyası haqqında elan, insan resursları menecerinə belə mütəxəssisin seçilməsinin bütün başqa mərhələlərində vaxta qənaət etməyə imkan verir.

Mühasib vakansiyası elanının düzgün tərtib edilməsi dedikdə nə başa düşülməlidir?

Birincisi, burada yalnız ümumi tələblər deyil, həm də namizədin spesifik, daha doğrusu, ixtisas tələblərini dəqiq müəyyənləşdirmək lazımdır. Yəni, ən geniş yayılmış 1-2 tələblə kifayətlənmək olmaz. Məsələn, “alıcılar və tədarükçülərlə hesablaşmalar üzrə təcrübə – iki ildən az olmamaq şərti ilə və 1C: Mühasibatlıq proqramı bilikləri”.

İstənilən halda, elanda mütləq bilik tələbini göstərmək lazımdır:

• mühasibat və vergi uçotunun aparılmasının əsasları;
• şirkətin yerləşdiyi vergitutma sistemləri;
• nəzarət orqanlarının iş prinsipləri.

İkincisi, əgər müəssisədə yeni əməkdaşın gələcək işinin incəliyinə həsr olunmuş işlərlə məşğul olmaq üçün kimisə ayırmağa və ya ümumiyyətlə buna vaxt yoxdursa, elanda qeyd etmək lazımdır ki, mühasibat işinin bu və ya digər sahəsində iş təcrübəsi məcburidir. Əgər söhbət baş mühasib vəzifəsindən gedirsə, onda mühasibat işinin bütün sahələrində iş təcrübəsi olmalıdır.

Üçüncüsü, namizədə olan tələblərdə onun bilməli olduğu mühasibat proqramının ümumi adını göstərmək arzuolunmazdır (məsələn, 1C: Mühasibatlıq). Onun versiyasının nömrəsinə diqqət yetirmək lazımdır. Axı, son versiyalar bir neçə il əvvəl tətbiq olunan daha əvvəlki versiyalardan olduqca fərqlənir.

Ən yaxşı variant – elanda mühasibat uçotunun xüsusi sahəsində mühasibin yerinə yetirməli olduğu funksiyaların və işlərin ətraflı siyahısını göstərməkdir. Bu, namizəd tərəfindən sonradan elanda göstərilmədiyini iddia edə bilməsi üçün mübahisələrdən və anlaşılmazlıqlardan yaxa qurtarmağa imkan verəcək. Mühasib bütün funksional vəzifələrini dəqiq şəkildə yerinə yetirməlidir və hansı alətlər vasitəsilə – bu artıq başqa bir məsələnin mövzusudur.

Mühasib vakansiyası haqqında elanı yerləşdirərək, onun hesablandığı məqsədli auditoriyanı xatırlatmaq çox vacibdir. Belə elanlar üçün ən uyğun yerlər – bu, qaynar vakansiyalar haqqında xüsusi saytlar (müvafiq rubrikalar), mühasibat istiqamətinin elektron və çap nəşrlərdir. Həmçinin, mühasibin seçilməsində kömək üçün agentliyə müraciət edə bilərsiniz (şübhəsiz ki, bu zaman həmin agentliyin səviyyəsinə də diqqət yetirmək vacibdir).

II hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun