Qeyri-hökumət təşkilatlarının sənəd dövriyyəsi həm kağız daşıyıcılarla həm də elektron qaydada aparılacaq
Azərbaycan Respublikası Nazirlər Kabinetinin “Qeyri-hökumət təşkilatının, habelə xarici dövlətlərin qeyri-hökumət təşkilatlarının filial və ya nümayəndəliklərinin qəbul etdiyi ianələrin məbləği və ianəni vermiş şəxslər barədə məlumatların təqdim edilməsi Qaydası”nın təsdiq edilməsi barədə” 2015-ci il 21 oktyabr tarixli 336 nömrəli və “Qeyri-hökumət təşkilatları, habelə xarici dövlətlərin qeyri-hökumət təşkilatlarının filial və ya nümayəndəlikləri tərəfindən xarici maliyyə mənbələri hesabına xidmətlərin göstərilməsi və ya işlərin görülməsi haqqında müqavilələrin qeydiyyata alınması Qaydası”nın təsdiq edilməsi barədə” 2015-ci il 21 oktyabrtarixli 337 nömrəliqərarlarında dəyişiklik edilməsi haqqında
Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:
1.Azərbaycan Respublikası Nazirlər Kabinetinin 2015-ci il 21 oktyabr tarixli 336 nömrəli Qərarı (Azərbaycan Respublikasının Qanunvericilik Toplusu, 2015, No 11, maddə 1407) ilə təsdiq edilmiş “Qeyri-hökumət təşkilatının, habelə xarici dövlətlərin qeyri-hökumət təşkilatlarının filial və ya nümayəndəliklərinin qəbul etdiyi ianələrin məbləği və ianəni vermiş şəxslər barədə məlumatların təqdim edilməsi Qaydası”na aşağıdakı məzmunda 1.2-1-ci və 1.6-cı bəndlər əlavə edilsin:
“1.2-1. Qeyri-hökumət təşkilatları qəbul etdikləri ianə barədə məlumatların təqdim edilməsinin “Qeyri-hökumət təşkilatları (ictimai birliklər və fondlar) haqqında” Azərbaycan Respublikası Qanununun 24-3-cü maddəsinə uyğun olaraq Azərbaycan Respublikası Ədliyyə Nazirliyinin “Fərdi elektron pəncərə” elektron məlumat sistemi vasitəsilə elektron qaydada həyata keçirilməsi üçün müraciət edə bilərlər.
1.6. Qeyri-hökumət təşkilatlarının bank hesabları üzrə maliyyə əməliyyatlarının aparılması zamanı Azərbaycan Respublikası Ədliyyə Nazirliyinin “Fərdi elektron pəncərə” elektron məlumat sistemi vasitəsilə əldə edilmiş sənədlərdən kağız daşıyıcılarda, yaxud “Elektron imza və elektron sənəd haqqında” Azərbaycan Respublikasının Qanununa uyğun olaraq elektron qaydada istifadə edilir.”.
2. Azərbaycan Respublikası Nazirlər Kabinetinin 2015-ci il 21 oktyabr tarixli 337 nömrəli Qərarı (Azərbaycan Respublikasının Qanunvericilik Toplusu, 2015, No 11, maddə 1408) ilə təsdiq edilmiş “Qeyri-hökumət təşkilatları, habelə xarici dövlətlərin qeyri-hökumət təşkilatlarının filial və ya nümayəndəlikləri tərəfindən xarici maliyyə mənbələri hesabına xidmətlərin göstərilməsi və ya işlərin görülməsi haqqında müqavilələrin qeydiyyata alınması Qaydası”na aşağıdakı məzmunda 1.3-1-ci və 1.6-cı bəndlər əlavə edilsin:
“1.3-1. Qeyri-hökumət təşkilatları müqavilələrin “Qeyri-hökumət təşkilatları (ictimai birliklər və fondlar) haqqında” Azərbaycan Respublikası Qanununun 24-3-cü maddəsinə uyğun olaraq qeydə alınmasının Ədliyyə Nazirliyinin “Fərdi elektron pəncərə” elektron məlumat sistemi vasitəsilə elektron qaydada həyata keçirilməsi üçün müraciət edə bilərlər.
1.6. Qeyri-hökumət təşkilatlarının bank hesabları üzrə maliyyə əməliyyatlarının aparılması zamanı Ədliyyə Nazirliyinin “Fərdi elektron pəncərə” elektron məlumat sistemi vasitəsilə əldə edilmiş sənədlərdən kağız daşıyıcılarda, yaxud “Elektron imza və elektron sənəd haqqında” Azərbaycan Respublikasının Qanununa uyğun olaraq elektron qaydada istifadə edilir.”.
Əli Əsədov
Azərbaycan Respublikasının Baş naziri
Bakı şəhəri, 7may 2021-ci il
No 137
Mənbə: nk.gov.az
Azərbaycan Respublikasının Prezidenti Cənab İlham Əliyev Azərbaycan Respublikasının Əmək Məcəlləsində dəyişiklik edilməsi haqqında Azərbaycan Respublikasının Qanununu təsdiqləyib. Dəyişikliyə əsasən, bundan sonra aşağıdakı hallarda tərəflər arasında yaranan münasibətlərin mülki hüquqi müqavilələrlə rəsmiləşdirilməsinə yol verilmir:
Bəşəriyyətin alman faşistləri üzərində qələbə çalmasının 76-cı ildönümüdür.
İvan Selyaqin 1918-ci il iyulun 26-da Minino kəndində (Pskov vilayətinin Velikolutskiy rayonu) anadan olub. Onuncu sinfi bitirdikdən sonra Velikolutskiydə mühasib kimi işləməyə başlayıb, eyni zamanda aeroklubda təyyarə sürməyi öyrənib. 1938-ci ildə ordu sıralarına çağırılıb. 1940-cı ildə Voroşilovqrad hərbi aviasiya məktəbini pilot kimi başa vurub. 1943-cü ilin may ayından döyüşən ordu sıralarına çağırılıb. 1945-ci ildə baş leytenant İvan Selyaqin hava hücum alayının 6-cı eskadrilyasının komandiri olub. 167 hərbi uçuş həyata keçirib və düşmənin çoxsaylı hərbi texnikasını və canlı qüvvəsini məhv edib.
Aleksey Juravlyov 1913-cü ildə Şentala kəndində (hazırda Samara vilayətinin Şentala rayonu) anadan olub. Orta məktəbi bitirdikdən sonra mühasib kurslarına gedib. Oranı bitirdikdən sonra Şentala rayon istehlak cəmiyyətində baş mühasib kimi çalışmağa başlayıb. 1941-ci ilin iyul ayında orduya çağırılıb. 1942-ci ilin fevral ayından döyüşən ordu sıralarında cəbhə bölgəsində vuruşub. 1944-cü ilin avqust ayında o, kapitan rütbəsində 132-ci qvardiya atıcı batalyonun komandiri olub. Rumıniyanın faşistlərdən azad olunması zamanı igidlik göstərib. 1944-cü il avqustun 19-da Juravlyovun rəhbərlik etdiyi batalyon alman müdafiəsinin üç müdafiə xəttini yararaq düşmən ərazisinin içərilərinə doğru irəliləyə bilib. Bu zaman rəqibin iki rota əskəri məhv edilib. Həmin döyüşlərdə Juravlyovun özü də yaralanıb, lakin o, döyüşməkdə davam edib.
Aleksandr Sedunov 1919-cu il noyabrın 7-də Urdoma kəndində (hazırda Arxangelskiy vilayətinin Lenskiy rayonu) anadan olub. Elə həmin kənddə orta məktəbi bitirib. Rayon tədarük kontorunda əvvəl mühasib, sonra isə Baş mühasib kimi işləməyə başlayıb.
“Tesla” şirkətinin qurucusu və sahibi Elon Musk, ötən ilin yekunlarına görə ABŞ-da ən yüksək ödəniş edilən baş direktor olub. Sözügedən reytinq “Forbes” jurnalında dərc edilib.