Böyük Britaniyanın maliyyə naziri Ceremi Hant oktyabrın 31-nə planlaşdırılan və büdcədə vergiləri 20 milyard funt-sterlinqə qədər artırmağı nəzərdə tutan plan üzərində düşünür. Bu barədə “The Telegraph” nəşri yazıb.
Nəşrin yazdığına görə, Hant kapital artımı qaydalarında islahatlar etməyi və elektrik enerjisi üzrə hesablardan iki il ərzində dövlət tərəfindən maliyyələşdirilən ekoloji ödənişlərin ləğvindən imtina etməyi planlaşdırır.
Daha əvvəl “Times” qəzetinin məlumatına görə, Ceremi Hant Birləşmiş Krallıqda maliyyə vəziyyətini sabitləşdirməkdən ötrü növbəti beş il üçün müdafiə xərclərini dondurmağı təklif etmişdi. Hant, silahlı qüvvələrin xərclərini 2026-2027-ci illər ərzində ÜDM-də təxminən 2 faiz səviyyəsində saxlaya biləcəyini bəyan etmişdi.
