İngiltərənin baş naziri Boris Conson, icmalar Palatasından, səhiyyəni maliyyələşdirmək üçün vergiləri ölkənin bütün tarixi ərzində ən yüksək səviyyəyə qaldırmaqla bağlı mandat alıb.
Gələn ildən əməkhaqqı fonduna vergi 1,25 faiz artıralacaq, habelə əlavə olaraq dividendlərlə əlaqəli verginin məbləğinə də 1,25 faiz əlavə ediləcəkdir. Pullar sosial müdafiə sisteminin maliyyələşdirilməsinə yönəldiləcək. Ölkədə koronavirus böhranından sonra səhiyyənin bərpa olunmasına və pensiyaçılara yardımın həcmini artırmaq üçün vəsaitlər zəruridir.
Bu minvalla, hökumət hakim Mühafizəkar partiyanın 2019-cu ildə seçkiqabağı manifestində qeydə alınan vergiləri artırmayacağına dair vədini pozacaq. Bu təşəbbüsün əleyhdarları Boris Consonun sözügedən qərarını vergi bombası adlandırıblar.
İlkin hesablamalara görə, yeni yığımlardan büdcəyə daxilolmalar təxminən 10 milyard funt sterlinq (14 milyard dollar) gətirəcək. Mühafizəkarların nüfuzlu nümayəndəsi Ceyk Berri hökumətə qərarı yenidən nəzərdən keçirməyi və sığorta haqlarının artırılması əvəzinə şirkətlərdən alınan gəlir və ya korporativ verginin artırılması barədə düşünməyi məsləhət görüb.
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
