“Cari vergi ödəmələrinin hesablanması haqqında” arayışın 293 və 295-ci sətirlərində hansı məbləğ qeyd edilir?
Sual: Bilmək istərdim ki, Cari Vergi ödəmələrinin hesablanması haqqında Arayışın 293 və 295-ci sətrlərində ’Cari rübdəki ümumi gəlirin həcmi’ cari rübdəki xərclər çıxıldıqdan sonra qeyd olunan gəlirdirmi?
Vergi məcəlləsinin 13.2.12 ci maddəsində Gəlir anlayışı malların (işlərin və xidmətlərin) təqdim edilməsi ilə bağlı əməliyyatların ümumi dəyəri, habelə satışdankənar gəlir kimi göstərilir. Amma 195 Çağrı Mərkəzinin bildirdiyinə görə Cari vergi bəyənnaməsinin doldurulma qaydalarına əsasən Arayışın 293 və 295 -ci sətrlərində göstərilən gəlir, xərclər çıxıldıqdan sonra göstərilən gəlirdir. Xahiş edirəm buna aydınlıq gətirəsiniz.
Cavab: Vergi ödəyicisi tərəfindən Vergi Məcəlləsinin 151.1-ci maddəsi metodunu seçərsə, onda 290-296 bəndlərinə məlumat daxil edilmir. Əgər Vergi Məcəlləsinin 151.2-ci maddə metodu seçilərsə, onda 295 və 296 bəndləri istisna olunmaqla digər bəndlərə məlumat daxil edilir. Sorğunuzda qeyd olunan 293-cü bənddə vergi ödəyicisinin rüb ərzində əldə etdiyi ümumi gəlirlər (gəlirdən çıxılan xərclər nəzərə alınmadan) qeyd olunur və əvvəlki ilin ümumi gəlirlərində verginin əmsalına vurulmaqla cari vergi ödənişi müəyyən edilir. Vergi Məcəlləsinin 151.5-ci maddəsinə əsasən cari vergi arayışı təqdim olunduqda, yalnız 295 və 296 bəndlərinə məlumat daxil edilir. Arayışın 295-ci bənddə isə, vergi ödəyicisinin rüb ərzində əldə etdiyi vergiyə cəlb olunan mənfəəti qeyd olunur.
Əsas: Vergi Məcəlləsinin 151-ci maddəsi, “Cari vergi ödəmələrinin hesablanması haqqında” Arayışın tərtib edilməsi Qaydası.
Mənbə: taxes.gov.az
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
