Azərbaycan sahibkarlarının dövlət tenderlərində iştirakı asanlaşdırılacaq

posted in: Xəbər | 0

tenderİqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti iyunun 22-dən qüvvəyə minmiş “Dövlət satınalmaları haqqında” qanuna dəyişikliklərin tətbiqi ilə əlaqədar dövlət müəssisə və təşkilatlarının satınalmalara məsul 100-ə yaxın nümayəndəsinin iştirakı ilə onlayn görüş təşkil edib.

Məlumata görə, görüşdə dəyişikliklərin sahibkarların dövlət satınalmalarında iştirakının daha da asanlaşdırılmasına, onlar arasında sağlam rəqabətin artmasına, dövlət vəsaitindən səmərəli və qənaətli istifadə edilməsinə daha geniş imkanlar yaratdığı vurğulanıb.

Tədbir iştirakçılarına məlumat verilib ki, dəyişikliklər kotirovka sorğusu və təkliflər sorğusu metodlarının təşkili üzrə müddətlərin konkret müəyyən edilməsi, ixtisas uyğunluğunun əvvəlcədən müəyyənləşdirilməsi prosedurunun, həmçinin tender təkliflərinin açılması və qiymətləndirilməsi müddətinin dəqiqləşdirilməsi, tender təklifinin kənarlaşdırılmasına dair əsaslandırılmış qərarın malgöndərənə (podratçıya) göndərilməsi, müqavilənin icrasına başlama tarixi, habelə tələb olunduğu halda əldə edilmiş icazələr barədə bildirişin göndərilməsi müddətləri, kotirovka sorğusu metodunun, texniki şərtlərin və icazələrin elektronlaşması, müqavilənin yerinə yetirilməsi təminatının şərtləri, satınalmalarda iştirak haqlarının məbləğlərinin azaldılması məsələlərini əhatə edir. Bundan başqa, dəyişikliklərə əsasən, satınalan təşkilatların “Dövlət satınalmaları haqqında” qanunda nəzərdə tutulmuş müvafiq müddətin və satınalma müqaviləsi üzrə ödəmələrlə bağlı tələblərin pozmasına görə inzibati məsuliyyət tədbirləri nəzərdə tutulduğundan, iştirakçılara qanunvericiliyin tələblərinə tam riayət edilməsi tövsiyyə edilib.

Görüşdə həmçinin, iştirakçılar ilə dəyişikliklərdən sonra dövlət sаtınаlmа prosedurlarının elektronlaşdırılması və sağlam rəqаbətin təmin оlunmаsı istiqamətində həyata keçiriləcək tədbirlərlə bağlı fikir mübadiləsi aparılıb.

Mənbə: report.az


Print Friendly, PDF & Email

Leave a Reply

Your email address will not be published. Required fields are marked *