Dünya görünməmiş qida çatışmazlığı ilə üzləşə bilər

posted in: Xəbər | 0

qida çatışmazlığı, BMT, kütləvi aclıq, yoxsulluq səviyyəsi,Təbii fəlakətlər, iqlim dəyişiklikləri, kənd təsərrüfatı sahəsindəki problemlər koronavirus pandemiyasının nəticələri ilə əlaqədar daha da dərinləşməkdədir. Bütün bunlar isə dünyanı qida çatışmazlığı ilə üzbəüz qoya bilər. Bu haqda xəbərdarlıq BMT-nin ərzaq və kənd təsərrüfatı təşkilatının (FAO) hesabatında yer alıb.

Ərzaq təhlükəsizliyi öz tarixi ərzində heç vaxt bu sayda yeni təhlükələrlə üzləşməmişdi, ekspertlər bununla bağlı xəbərdarlıq ediblər. Bu təhlükələr ev təsərrüfatları, regionlar və ölkələr səviyyəsində nəinki insanları həyatdan edir, eyni zamanda mənfi iqtisadi nəticələrə də səbəb olur. Hesabatda deyilir ki, sözügedən təhlükələr bir neçə onilliklər ərzində davam edə bilər.

2008-ci ildən 2018-ci ilədək olan dövrdə təbii fəlakətlər səbəbiylə məhsuldarlığın azalması nəticəsində dünya milyardlarla dollar itki ilə üzləşib. Bu isə öz növbəsində təchizat zəncirinin pozulmasına və aclıq probleminin daha da dərinləşməsinə gətirib çıxara bilər.

Bir müddət bundan əvvəl BMT-nin baş katibi Antonio Guterres bildirmişdi ki, təxirəsalınmaz tədbirlər həyata keçirilməzsə, milyonlarla insan aclıq və ölüm təhlükəsi ilə üzbəüz qala bilər. 150 mindən çox insan isə hazırda aclıq ölümü qarşısındadır.

Yanvar ayında BMT baş katibi bildirmişdi ki, dünyanın ən varlı 10 adamının pulları, nəinki pandemiya nəticəsində sözügedən əhali kütləsinin aclığa yuvarlanmasının qarşısını ala bilər, həm də hamının hər yerdə COVİD-19-dan peyvənd olunmasının ödənişinə kifayət edə bilər.


TELEGRAM KANALIMIZA ÜZV OLUN


Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Print Friendly, PDF & Email

Leave a Reply

Your email address will not be published. Required fields are marked *