Dünyada son 22 il ərzində ilk dəfə yoxsulluq səviyyəsi yüksəlib. Bunu BMT-nin baş katibi Antoniu Quterriş bəyan edib. Sözügedən məlumat barədə xəbəri RİA Novosti agentliyi yayıb.
“Gözlənilir ki, qeyri-sabit bölgələrdə və münaqişələrdən təsirlənən regionlarda iqtisadi fəallığın azalması, daha 18-27 milyon insanın yoxsullaşmasına gətirib, çıxaracaq”, – BMT baş katibi belə söyləyib.
Quterriş həmçinin qeyd edib ki, Dünya bankının hesablamalarına görə, dünyada olan ən yoxsul adamların üçdə ikisi 2030-cu ilə qədər qeyri-stabil ölkələrdə yaşayacaqlar. O, münaqişələrin yoxsulluğa və institutların qeyri-sabitliyinə aparıb çıxardığını bəyan edib.