Dünyanın ən bahalı brendi məlum olub

posted in: Xəbər | 0

Dünyanın ən bahalı 100 brendinin reytinqində birinci yeri “Apple” korporasiyası tutub, reytinqi isə “Interbrand” şirkəti tərtib edib.

İl ərzində “Apple” şirkətinin dəyəri 26 faiz (408,3 milyard dollara kimi) yüksəlib. İkinci və üçüncü yerlər müvafiq olaraq, “Amazon” (24 faiz yüksəliş, 249,3 milyard dollara kimi) və “Microsoft” (27 faiz yüksəliş, 210,2 milyard dollara kimi) şirkətlərinə nəsib olub. Beşliyə həmçinin “Google” və “Samsung” şirkətləri də düşüblər.

Reytinqdən olan 100 brendin ümumi dəyəri il ərzində 15 faiz, 2,3 trilyon dollara qədər yüksəlib. Eyni zamanda, ilk üç yer reytinqə daxil olan bütün şirkətlərin dəyərinin 33 faizini təşkil edir. İl ərzində brend dəyəri orta hesabla on faiz artıb.

Ən əhəmiyyətli artım texnoloji şirkətlər tərəfindən göstərilmişdir (yüksəliş 26 faiz). Ən sürətlə inkişaf edən brend “Tesla” olub, şirkət 40-cı yerdən 14-cü yerə yüksəlib. Ən pis dinamikanı fotoaparat istehsalçısı “Canon” (mənfi 14 faiz) və “Zara” geyim şəbəkəsi (mənfi 9 faiz) göstərib.



TELEGRAM KANALIMIZA ÜZV OLUN


Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Print Friendly, PDF & Email