“Böyük dördlük” – auditor və konsaltinq xidmətləri göstərən dünyanın dörd iri şirkət şəbəkəsi: “Deloitte”, “PricewaterhouseCoopers”, “Ernst & Young” və “KPMG”.
Əvvəllər nəhəng firmaların sayı səkkiz idi və onlar birlikdə “Böyük səkkizlik” adlanırdılar. 1989-cu ildə “Deloitte, Haskins and Sells” və “Touche Ross”un “Deloitte & Touche” (indiki “Deloitte”) ilə birləşməsi, eləcə də “Ernst & Whinney” və “Arthur Young & Co[en]-in “Ernst & Young”a birləşməsi baş verdi. 1998-ci ildə “Price Waterhouse” və “Coopers & Lybrand” birləşərək “PricewaterhouseCoopers”i yaratdılar. Nəhayət, 2002-ci ildə “Arthur Andersen”dən müştərilərin kütləvi gedişi baş verdi, şirkət fəaliyyətini dayandırdı və “böyük səkkizlik” “böyük dördlüyə” çevrildi.
2020-ci ilin iyul ayında Böyük Britaniyanın maliyyə hesabatları üzrə Şurası (Financial Reporting Council, FRC) “böyük dördlük”dən olan şirkətlərə audit əməliyyatlarını biznesin qalan hissəsindən ayırmağı əmr etdi. Tənzimləyicinin fikrincə, bu, “audit praktikası ilə məşğul olan şəxslərin, ilk növbədə, ictimai maraqlara uyğun keyfiyyətli auditin təmin edilməsinə diqqət yetirməsini təmin etməklə” auditin keyfiyyətini artıracaq. “Böyük dördlük” şirkətləri 23 oktyabr 2020-ci il tarixinədək restrukturizasiya planlarını təqdim etmiş və onları 30 iyun 2024-cü il tarixinədək həyata keçirməlidirlər.
Şirkət | əməkdaşların sayı | qazancı | 1 əməkdaşın gəliri | Mənzil – qərargahı |
Deloitte | 345 374 | 50,2 milyard dollar | 145 349 | Böyük Britaniya |
PwC | 295 371 | 45,1 milyard dollar | 153 831 | Böyük Britaniya |
EY | 312 250 | 39,9 milyard dollar | 127 971 | Böyük Britaniya |
KPMG | 236 000 | 32,1 milyard dollar | 136 144 | Niderland |