Dünyada ərzaq çatışmazlığının səbəbləri məlum olub

posted in: Xəbər | 0

qida çatışmazlığı, BMT, kütləvi aclıq, yoxsulluq səviyyəsi,BMT-nin baş katibi Antonio Guterriş iqlim dəyişikliyini və siyasi münaqişələri bütün dünyada həm yoxsulluğun, gəlir bərabərsizliyinin və yüksək ərzaq qiymətlərinin bir nəticəsi və həm də əsas səbəbi adlandırıb. Portuqaliya siyasətçisinin bəyanatını “Associated Press” agentliyi səsləndirib.

Quterriş qeyd edib ki, hazırda üç milyard insan sağlam qidadan məhrumdur. İyul ayında isə BMT öz hesabatında bir il əvvələ nisbətən 2020-ci ildə əlavə olaraq daha 161 milyon insanın aclıqla üzləşdiyini bildirmişdi ki, bu da ehtimal ki, COVİD-19 pandemiyası səbəbindən baş verib. Bundan başqa baş katib qeyd edib ki, bütün istixana qazları tullantılarının üçdə bir hissəsi və bioloji müxtəlifliyin itirilməsinin 80 faizi dünya ərzaq sisteminin payına düşür.

Beynəlxalq kənd təsərrüfatı inkişafı fondu (BKİF) –  BMT-nin kiçik fermer təsərrüfatlarına yardım agentliyi – hökumətləri yüz milyonlarla insanın yoxsulluq və aclıq içində yaşamasına səbəb olan “ərzaq sistemlərinin çatışmazlıqlarını aradan qaldırmağa” çağırıb. Ekosistem üçün qida istehsalını daha etibarlı hala gətirmək və qida sənayesi işçiləri üçün maaşları artırmaq vəziyyəti düzəltməyə kömək edəcəkdir.

Quterriş bildirib ki, zirvə görüşü ərəfəsində ərzaq sistemləri üzrə hazırlıq görüşü bir çox ölkələrin hakimiyyətlərini pandemiyadan sonra iqtisadiyyatın bərabərhüquqlu və davamlı şəkildə bərpası uğrunda mübarizə aparmağa sövq edə bilər. Lakin bu kimi səylər əhəmiyyətli pul investisiyaları tələb edəcək.

BMT-nin Ərzaq və kənd təsərrüfatı təşkilatının baş iqtisadçısı Maksimo Torrero bildirib ki, hər il 100 milyon adamın xroniki aclıqdan xilas olmasından ötrü 14 milyard dollar tələb olunacaq. 2030-cu ilə kimi aclığın tam şəkildə aradan qaldırılması üçün isə həmin məbləğ üçqat artırılmalıdır. BMT-nin proqnozlarına görə, bu məqsəd əldə olunmayacaq – növbəti onillikdə 660 milyon ac insan qalacaq ki, bunun da 30 milyonu “pandemiyanın uzunmüddətli nəticələri”ndən zərər çəkəcək.



TELEGRAM KANALIMIZA ÜZV OLUN


Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Print Friendly, PDF & Email

Leave a Reply

Your email address will not be published. Required fields are marked *