Vergilər Nazirliyinin şərhində göstərilir ki, VM 13.2.16.14-1-ci maddəsinə əsasən bu Məcəllənin 128-ci maddəsində nəzərdə tutulan güzəştli vergi tutulan ölkələrdə təsis edilmiş (qeydiyyatdan keçmiş) şəxslərə, o cümlədən digər ölkələrdə olan filial və ya nümayəndəliklərinə, habelə güzəştli vergi tutulan ölkələrdə olan bank hesablarına rezidentlərin və qeyri-rezidentlərin Azərbaycan Respublikasındakı daimi nümayəndəlikləri tərəfindən birbaşa və ya dolayısı ilə edilən ödənişlər Azərbaycan mənbəyindən gəlirə aid edilmişdir. Bu maddənin müddəaları rezident banklar tərəfindən açılan müxbir hesablara aid edilmir.
VM 125.1.9-cu maddəsinə əsasən, bu Məcəllənin 13.2.16.14-1-ci maddəsində göstərilən ödəmələr 10 faiz dərəcə ilə ödəmə mənbəyində vergiyə cəlb edilir. Bununla yanaşı, hər il üçün güzəştli vergi tutulan ölkələrin və ərazilərin siyahısı Azərbaycan Respublikasının Prezidenti tərəfindən təsdiq edilir.
“Güzəştli vergi tutulan ölkələrin və ərazilərin siyahısı”nın təsdiq edilməsi haqqında” Azərbaycan Respublikası Prezidentinin 2017-ci il 11 iyul tarixli 1505 nömrəli Fərmanında dəyişiklik edilməsi barədə Azərbaycan Respublikası Prezidentinin 11 iyun 2019-cu il 724 nömrəli Fərmanı ilə güzəştli vergi tutulan ölkələrin və ərazilərin siyahısı yeni redaksiyada təsdiq edilmişdir.
Rezident şəxslər tərəfindən güzəştli vergi tutulan ölkələrdə təsis edilmiş (qeydiyyatdan keçmiş) subyektlərə köçürülən məbləğlər müxtəlif səbəblərdən (şəxslər arasında aparılan əməliyyatın baş tutmaması, müqavilənin ləğv edilməsi, bank hesabının rekvizitlərinin düzgün göstərilməməsi və s.) rezident şəxslərin bank hesablarına geri qaytarıldığı hallarda əməliyyat üzrə valyuta balansı qorunduğundan və əməliyyat ləğv edildiyindən həmin ödəmələrdən VM 125.1.9-cu maddəsinə uyğun olaraq tutulmuş 10 faiz dərəcə ilə ödəmə mənbəyində vergi azaldılır.
Mənbə: vergiler.az
Bax:
Maddi yardım məcburi dövlət sosial sığortasına cəlb edilməyən gəlirlərə aiddir?
Əmtəəsiz əməliyyat nədir?
Gecikməyə görə tətbiq edilən cərimə ƏDV-yə cəlb edilirmi?
Aviabiletlərin satışına görə alıcılara elektron qaimə-faktura təqdim edilməlidirmi?
Şirkət əvvəlki illərdə alınmış daşınmaz əmlakını satarkən vergilər necə hesablanmalıdır?
Bir şəxslə eyni vaxtda həm əmək həm də xidmət müqaviləsi bağlamaq olar?
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
Güzəştli vergi
