Henry Ford'un həyatı barədə maraqlı faktlar

Oxunma sayı: 214

Henry Ford’un həyatı barədə maraqlı faktlar

155 il bundan əvvəl iyulun 30-da məşhur sahibkar və ixtiraçı Henry Ford (1863) anadan olub. Budur, onun həyatından bir neçə maraqlı fakt:

Fordun ali təhsili yox idi, o, yalnız əyalət məktəblərindən birini bitirmişdi və həyatının sonuna kimi savadlı yazmağı öyrənə bilməmişdi.
“Chicago Tribune” qəzetində çap olunmuş məqalələrin birində Henry Ford’u cahil adlandırmışdılar və o da qəzeti məhkəməyə verir. Prosesdə vəkil Ford’a orta məktəb proqramı üzrə bir neçə sual verməyə icazə alır. İddiaçı heç bir suala cavab verə bilməsə də özünü itirmir.

Bəli, o, George Washington’un ölkə üçün nə etdiyindən xəbərsizdi. Nə olsun ki? O, öz-özünə öyrənmiş mexanikdir və bunu gizlətmir də. Burada əyləşənlərin hər birinin ali təhsilli olması barədə üç şəhadətnaməsi ola bilər, amma, onların hamısı Ford’un ixtira etdiyi avtomobildə gəzirlər!

Bir dəfə Ford bəyan edir ki, heç vaxt işə mütəxəssis götürməyəcək:

“Əgər mən öz rəqiblərimi şərəfsiz yollarla sıradan çıxarmaq istəsəydim, mən onlara bir sürü mütəxəssis göndərərdim. Rəqiblərim külli miqdarda məsləhətlər aldıqdan sonra öz işlərinə belə başlaya bilməzdilər”.

Yalnız öz əlləri ilə nəsə düzəltməyi bacaran adamları Ford hörmətə layiq bilirdi. O, hesab edirdi ki, hər bir şəxs karyera nərdivanının ən aşağı pilləsindən işə başlamalıdır. Əvvəlki təcrübə və yeni əməkdaşların keçmişi hesaba alınmırdı.
Konveyerin Ford tərəfindən ixtira olunması barədə fikirlər geniş yayılsa da, əslində belə deyil. Amma, avtomobillərin konveyer üsulu ilə ilk uğurlu istehsalı onun tərəfindən həyata keçirilib.
Ford reinkarnasiya və insan ruhunun yenidən doğuluşu nəzəriyyəsinin tərəfdarı olub. Ford, hesab edirdi ki, son dəfə o, Gettisberq yaxınlığında baş verən döyüşdə həlak olmuş əskər olub.