İnzibati Xətalar Məcəlləsinin maddələrindən birinin ləğv edilməsini nəzərdə tutan qanun qəbul edilib

posted in: Xəbər | 0
birbank biznes

ləğvAzərbaycan Milli Məclisinin (MM) 27 noyabrda keçirilən plenar iclasında İnzibati Xətalar Məcəlləsinin maddələrindən birinin ləğv edilməsi məsələsi müzakirə olunub.

Bu, məcəllənin 450-ci (Aksiz markası ilə markalanmalı olan məhsulların (malların) belə marka olmadan satılması, satış məqsədi ilə saxlanması və ya istehsal binasının hüdudlarından kənara çıxarılması, belə məhsulların (malların) nağd qaydada alqı-satqısı) maddəsidir.

Bax: Vergi Məcəlləsinin 102.8-ci maddəsinin vergi güzəştləri

Bu maddəyə əsasən, aksiz markası ilə markalanmalı olan məhsulların (malların) belə marka olmadan az miqdarda satılmasına, satış məqsədi ilə saxlanmasına və ya istehsal binasının hüdudlarından kənara çıxarılmasına görə aksiz markası olmayan məhsullar (mallar) müsadirə edilməklə, fiziki şəxslər 150 manatdan 250 manatadək məbləğdə, vəzifəli şəxslər 300 manatdan 500 manatadək məbləğdə, hüquqi şəxslər 1 500 manatdan 2 500 manatadək məbləğdə cərimə edilir.

Pərakəndə satış istisna olmaqla, aksiz markaları ilə markalanmalı olan məhsulların (malların) nağd qaydada az miqdarda satılması, belə məhsulların (malların) satış məqsədləri üçün nağd qaydada az miqdarda alınması görə 100 manat məbləğində cərimə tətbiq olunur.

Bildirilib ki, hazırda qanun pozuntuları aşkar edildiyi hallarda dövlət vergi orqanları tərəfindən inzibati xəta haqqında iş üzrə protokol tərtib edilərək baxılması üçün aidiyyatı üzrə rayon (şəhər) məhkəmələrinə göndərilir. Qeyd olunan pozuntuya görə tərtib olunan inzibati xətanın nəticələrinə dair protokollar üzrə müvafiq məhkəmələrin qərarlarına əsasən tətbiq edilən inzibati cərimələr vergi orqanları tərəfindən həmin vergi ödəyicisinin şərti hesab vərəqələrinə işlənilir.

Göründüyü kimi, məcəllənin 450-ci maddəsindəki pozuntunun vergi orqanları tərəfindən müvafiq protokol tərtib edilməklə rəsmiləşdirilməsi və məhkəməyə təqdim edilməsi vergi inzibatçılığı baxımından əlavə yük yaratmaqla yanaşı, məhkəmələrin də iş yükünün lüzumsuz şəkildə artmasına, habelə vaxt itkilərinə və əlavə maliyyə vəsaitlərinin xərclənməsinə səbəb olur.

Bax: “2019-cu il üçün yaşayış minimumu haqqında” Qanun layihəsi təsdiqlənib

Təklif edilən dəyişikliyə əsasən, aksiz markası ilə markalanmalı olan malların belə marka olmadan satılmasına, satış məqsədilə saxlanılmasına, istehsal binasının hüdudlarından kənara buraxılmasına görə cəza tədbiri olaraq inzibati cərimə deyil, maliyyə sanksiyasının tətbiq edilməsi nəzərdə tutulur.

Aksiz markası ilə markalanmalı olan malların belə marka olmadan satılmasına, satış məqsədilə saxlanılmasına, istehsal binasının hüdudlarından kənara çıxarılmasına, belə məhsulların nağd qaydada alqı-satqısına görə inzibati cərimələri müəyyən edən müddəaların İnzibati Xətalar Məcəlləsindən çıxarılmasını və qeyd olunan pozuntulara münasibətdə maliyyə sanksiyasının tətbiqini nəzərdə tutan müddəanın Vergi Məcəlləsinə əlavə edilməsi nəzərdə tutulub.

Dəyişiklik layihəsi müzakirələrdən sonra səsverməyə çıxarılaraq qəbul edilib.

Mənbə: report.az

Bax: Milli Məclisdə Vergi Məcəlləsində nəzərdə tutulan bütün dəyişikliklərin TAM MƏTNİ

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv
Print Friendly, PDF & Email