Koronavirus qarşısında ən həssas valyuta
Koronavirusun qlobal pandemiyası və Avropa ölkələrinin ümumi təhlükə qarşısında birləşə bilməməsi fonunda inkişaf etmiş iqtisadiyyata malik ölkələrin pul vahidi olan avro ən zəif valyutaya çevrilib. Bu haqda Bloomberg agentliyi məlumat verib.
İlin əvvəlindən bəri avro dollara nisbətdə 3,5 faiz zəifləyib. Bazar iştirakçıları sözügedən valyutanın zamanla öz dəyərini daha da itirəcəyinə əmindirlər. Epidemiyanın tüğyan etdiyi vaxtda belə Avropa birliyi ölkələri hələ də iqtisadiyyatı dəstəkləmək üçün vahid fiskal siyasət işləyib hazırlaya bilmirlər. Məsələn, İtaliyanın dəstəklənməsindən ötrü 540 milyard avroluq qısamüddətli plan işlənib hazırlanıb. Amma ölkə iqtisadiyyatının bərpasının uzunmüddətli proqramı ilə bağlı ölkələr hələ də öz aralarında razılaşa bilməyiblər. Yaranmış vəziyyət isə valyuta bazarında narahatlıqlar doğurur.
Bir müddət əvvəl isə İspaniya baş-nazirinin müavini Pablo İqlesias Avropa ittifaqının dağılmaq təhlkəsilə üzləşə biləcəyi ilə bağlı xəbərdarlıq da etmişdi. O bəyan etmişdi ki, hazırda ölkələr arasında COVİD-19-dan əziyyət çəkən vətəndaşlara maliyyə yardımı barədə fikir birliyi yoxdur.
Pandemiya dövründə ən dayanıqlı valyutalara gəldikdə isə, bunların Avstraliya, Yeni Zelandiya, Cənubi Koreya milli valyutaları olduğu müəyyən edilib. Bu ölkələr digər dövlətlərlə müqayisədə koronavirus epidemiyasının öhdəsindən daha uğurla gəlməyi bacara biliblər. İndi investorlar Avstraliya və Yeni Zelandiya dolları və Koreya vonunda istehsal edilən yerli emitentlərin səhmlərinə və istiqrazlarına daha aktiv şəkildə sərmayə qoyurlar.
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
