Peterson dünya iqtisadiyyatı institutunun (PIIE) hesabatına görə, Çin şirkətləri koronavirus pandemiyasının birinci ilində tibbi maskalar və digər fərdi qoruyucu vasitələrin (FQV) ixracından təxminən 90 milyard dollar qazanıb, bu haqda RBK saytı məkumat verib.
2020-ci ilin yekunları üzrə fərdi qoruyucu vasitələrin satışından əldə edilən gəlir 88,1 milyard dollar həcmində qiymətləndirilir, halbuki bir il əvvəl – 2019-cu ildə 22,9 milyard dollar təşkil edib. Beləliklə, gəlirlər 3,8 dəfə yüksəlib. Ümumi məbləğin 53,8 milyard dolları maska və respiratorlara, 16,8 milyardı üz qoruyucu vasitələrə, 10,8 milyardı qoruyucu geyimlərə, 3,9 milyardı isə əlcəklərin payına düşüb.
Gəlirlərin artması koronavirus pandemiyası ilə əlaqədar olub. Belə ki, hətta istehsal yüksəlsə də, tələbatın kəskin artması baş verib. 2020-ci ilin aprel ayında bir tibbi maskanın ixrac qiyməti 2019-cu ilin dekabrına nisbətən 720,8 faiz artıb. Çin məhsullarının qiymətinin artmasına səbəb olan daha bir amil daxili bazarın tələbatını ödəmək məqsədilə ixracın məhdudlaşdırılmasıdır.
2020-ci ildə Çin Səhiyyə Nazirliyinin ən iri idxalçıları müvafiq olaraq 24,6 və 23,4 milyard dollarlıq müdafiə vəsaitləri alan ABŞ və Avropa İttifaqı olub. Rusiya üzrə bu göstərici isə iki milyard dollara bərabər olub.