Mühasibat firmasını necə açmaq olar? (II hissə)
Mühasibat xidmətlərinin göstərilməsinə nədən başlamaq lazımdır?
Maraqlı fakt:
Mühasibatlıq hələ qədim zamanlarda, yer kürəsində insanabənzər neandertalların yaşadığı dövrdə yaranıb. İbtidai insanlar primitiv “uçot” aparırdılar, çünki həmin zamanlarda indiki kimi rəqəmlər mövcud deyildi. Uçotu cızıqlar çəkməklə daşların, mağaraların divarları, heyvan sümükləri, ağac parçaları üzərində qeyd edirdilər. Sonralar isə bundan ötrü adi ipdən istifadə edirdilər, belə ki, ipdə düyümlər atırdılar.
Hər hans bir şirkəti açmaqdan ötrü atmalı olduğunuz vacib addım fərdi sahibkarlıq (FS) və ya MMC arasında seçim etməkdir.
Adətən birinci variant daha yaxşıdır, amma, fərdi sahibkarlıq heç vaxt MMC qədər ciddi qəbul olunmayacaq.
Mühasibat xidmətləri sahəsində isə ciddi nüfuz xüsusilə vacibdir.
Lakin onu da qeyd etmək lazımdır ki, fərdi sahibkarlıq müəssisəsini daha tez və daha az sayda “kağızla” (sənədlər nəzərdə tutulur) qeydiyyata almaq mümkündür.
Seçim etdiyiniz variantdan asılı olaraq, siz uçota durursunuz: FS – yaşayış yeri üzrə, MMC – firmanın yerləşdiyi yer üzrə.
Sonra isə bir cari hesab açmaq və işin maddi tənzimlənməsinə davam etmək qalır.
Mühasibatlıq biznesi üçün ofis yeri necə seçilir?
Mühasibat işinin əhəmiyyətli üstünlüklərindən biri, müştərilərin müstəsna olaraq ən əlçatan yerlərində icarəyə götürmə ehtiyacının olmamasıdır.
Mərkəzdə kirayə daha bahalı olacaq, lakin, bu mühasibat firmasının müvəffəqiyyətinə elə də əhəmiyyətli dərəcədə təsir göstərmir.
Ona görə də bu işi kiçik bir otaqda da rahatlıqla açmaq olar.
Başlanğıc üçün sizə 10 kv metrlik bir otaq da bəs edə bilər.
Bu, bir tam hüquqlu iş yerini və ya ikisini təchiz etmək üçün kifayətdir – bu zaman bir qədər sıx oturmalı olacaqsınız.
Belə bir sahə tapmaq asan olmayacaq, lakin, digər bir sahibkara məxsus hər hansı bir ofisdə otaq da kirayələyə bilərsiniz.
Biznesiniz genişləndikcə, ştatınız da artacaq, bax, o vaxt sizə ən azından 40 kv metrlik bir ofis lazım gələcək.
Bu, artıq 4-6 əməkdaşdan ibarət bir ştatın normal işləməsi üçün kifayətdir.
Öz əməkdaşlarınızı həqiqətən rahat şəraitlə təmin etmək çox vacibdir.
Axı, mühasiblər çox vaxt fasilə belə etmədən olduqca gərgin bir işlə məşğul olurlar.
Əgər rahat şərait olmazsa, bu onların diqqətini yayındıra bilər və işlərin keyfiyyəti də aşağı düşər.