- Norveçdə ərzaqlar çox yüksək keyfiyyəti ilə fərqlənir, xüsusilə də süd məhsulları. Yeri gəlmişkən, Avropada ən bahalı hamburgerlər bu ölkədə satılır.
- Norveç ən təhlükəsiz ölkə hesab olunur. Burada hamı qanunalara hörmət edir, kriminal yox dərəcəsindədir, oğurluq etmək kimi naqislik halları isə norveçlilər üçün ağlagəlməz bir şey hesab olunur. Yalnız nəhəng ticarət şəbəkələri çıxışda detektor-çərçivədən və müşahidə kameralarından istifadə edirlər. Digər ticarət obyektlərində belə qoruyucu cihazlardan istifadə olunmur. Bütün bunlara baxmayaraq, Norveçin tarixində ən qanlı bir gün də yaşanıb. Belə ki, Breyvik soyadlı fanatik bir neçə il bundan əvvəl paytaxt Osloda avtomobil partladıb və bundan sonra Utoya adasına gedərək 77 nəfər dinc sakini güllələyərək öldürüb.
- Norveçlilərin bir çoxunun orta aylıq əməkhaqqı 5-7 min avro təşkil edir.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
- Norveçdə balıqlar heyrətamiz dərəcədə boldur. Bu ölkədə dəniz və göl balıqçılığı yüksək inkişaf edib. Balıq ovu üçün lisenziya lazım olmadığından bir çox avropalılar balıq ovlamaq üçün bu ölkəyə üz tuturlar. Refrijator avtomobilləri ilə bu ölkəyə gələn avropalılar iki həftə ərzində çadırlarda yaşayaraq, balıq tutmaqla məşğul olurlar və altı ay ərzində özlərini balıqla təmin edərək, geriyə vətənlərinə qayıdırlar. Almanlar, hollandlar və belçikalılar bu məsələdə daha çox fəallıq nümayiş etdirirlər.
- Norveç dünyada ən böyük uzunluqda olan fiordlara malik bir ölkədir. Fiord – bu geniş, çox vaxt da girintili-çıxıntılı və qayalıq sahillərdən ibarət kilometrlərlə materikin içərisinə uzanan təbii kanallardır.
- Norveçin mərkəzi hissəsi və ya digər yerlərində gün ərzində avtomobillə hərəkət edərkən, bir dənə də olsun polis maşınına rast gəlməyə bilərsən.
Məqalənin 2-ci hissəsini bu linkə daxil olaraq oxuya bilərsiniz
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Mühasibat, Audit və Kadr Xidmətləri üçün linkə daxil olun.
