Prezident Şavkat Mirziyoyev ölkənin Fərqanə vadisindəki Namanqan vilayətində «Namanqan» sərbəst iqtisadi zonasının yaradılmasına dair sərəncam imzalamışdır. Sərəncama görə, həmin zonada əkinçilik və meyvə məhsullarının emalı və ixracı, tekstil və dəri, avtomobil, elektrotexnika və inşaat məhsulları istehsal etmək məqsədilə aparılacaq əməliyyatlar 10 ilə qədər vergi və gömrükdən azad ediləcək. Sərbəst iqtisadi zonada qurulacaq müəssisələr idxal edəcəkləri xammal, ləvazimatlar və köməkçi hissələr üçün də gömrük vergisi ödəməyəcəklər.
Sərəncamda qeyd edilmişdir ki, 3 milyon ABŞ dollarına qədər sərmayə qoyacaq şirkətlər 3 il, beş milyon dollara qədər sərmayə qoyan şirkətlər 5 il, 10 milyon dollardan artıq sərmayə qoyacaq şirkətlər isə 10 il ərzində vergi və gömrük ödəmələrindən azad ediləcək. Hazırda ölkənin Nəvai, Anqren, Buxara, Səmərqənd, Xarəzm, Daşkənd, Sırdərya və Fərqanə vilayətlərində xüsusi vergi və gömrük rejiminin tətbiq edildiyi 15 sərbəst iqtisadi zona fəaliyyət göstərir.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
