Qeydiyyat sənədlərinin dublikatının və surətlərinin verilməsi

Oxunma sayı: 143

Xidmətin adı: Kommersiya qurumlarının və publik hüquqi şəxslərin qeydiyyat sənədlərinin dublikatının və surətlərinin verilməsi. (Qeydiyyat sənədləri)

Xidmətin göstərilməsi üçün tələb olunanlar:

– Sərbəst formada müraciət ərizəsi (vergi ödəyicilərinə xidmət mərkəzində müraciət vərəqəsi tərtib edildikdə tələb olunmur)

(Qeydiyyat şəhadətnaməsi yararsız hala düşdükdə, həmin şəhadətnamə müraciətə əlavə edilir. Qeydiyyat şəhadətnaməsinin dublikatı “Dövlət rüsumu haqqında” AR-nın Qanununa müvafiq olaraq rüsum tutulmaqla verilir)

Sənədlərin surəti şəklində dövlət reyestrindən çıxarışlar (kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar istisna olmaqla) dövlət orqanları və təsisçilər istisna olmaqla, digər şəxslərə “Dövlət rüsumu haqqında” AR-nın Qanununa müvafiq olaraq rüsum tutulmaqla verilir)

Xidmətin göstərilməsinə əsas verən normativ sənədlər:

– “Dövlət rüsumu haqqında” 04.12.2001-ci il tarixli 223-IIQ nömrəli Qanunun 20-ci maddəsi

– “Vətəndaşların müraciətləri haqqında” 30.09.2015-ci il tarixli 1308-IVQ nömrəli Qanun

– Vergilər nazirinin 14.03.2019- cu il tarixli 1917040100291100 nömrəli əmri ilə təsdiq edilmiş “Vergi orqanlarında kommersiya qurumlarının və publik hüquqi şəxslərin dövlət qeydiyyatının aparılmasına dair Metodiki Göstəriş”

Xidmətin göstərildiyi yer:

ərazi prinsipi nəzərə alınmaqla vergi ödəyicilərinə xidmət mərkəzləri (MGD-nin inzibati binasında yerləşən xidmət mərkəzi yalnız MGD-da uçotda olan vergi ödəyiciləri üçün), Naxçıvan MR VNnin Kommersiya hüquqi şəxslərin dövlət qeydiyyatı şöbəsi, MGD-nin Hüquqi şəxslərin dövlət qeydiyyatı idarəsi, “ASAN Xidmət” mərkəzləri (yalnız şəhadətnamənin yeni nüsxəsi), Naxçıvan MR VNnin struktur bölmələrinin Koordinasiya şöbələri/koordinasi ya işləri üzrə mütəxəssisləri, MGD-nin Sənədlərlə iş şöbəsi, LGD-nin, KSİD-nin, ƏVD-nin və ƏVİ-nin Sənədlərlə iş və vətəndaş müraciətlərinə baxılması şöbəsi, RVŞ-lərin Dəftərxana və arxiv işləri üzrə baş mütəxəssisləri və ya kargüzarları

Müraciəti emal edən struktur vahidi:

ərazi prinsipi nəzərə alınmaqla Naxçıvan MR VNnin Kommersiya hüquqi şəxslərin dövlət qeydiyyatı şöbəsi, MGD-nin Hüquqi şəxslərin dövlət qeydiyyatı idarəsi, ƏVD-nin və ƏVİ-nin Vergi ödəyicilərinin dövlət qeydiyyatı və uçot şöbələri

İcra müddəti: 15 gün;

Xidmətin nəticəsində təqdim edilən sənədlər: – Sənədlərin yeni nüsxələri

Elektronlaşdırma səviyyəsi: Qismən elektronlaşıb.

Mənbə: taxes.gov.az