Milli texnologiya təşəbbüsləri Universitetinin rektoru Nina Yanıkina Rusiya əmək bazarında yeni peşələrin ortaya çıxacağını bildirib. Onun sözlərinə görə, yeniliklər təhsil, elm, IT sahəsində ortaya çıxacaq. Bu haqda RİA Novosti agentliyi məlumat verib.
“Əgər təhsil sahəsini götürsək, məlumatlara əsaslanan təhsil mühəndisləri, rəqəmsal metodistlər, pedoqoji dizayn üzrə mütəxəssislər – bunlar həqiqətən lazımdır. Müxtəlif fəaliyyət sahələrinin qovşağında çoxlu yeni və maraqlı peşələr ortaya çıxacaqdır”, – ekspert belə söyləyib.
O əlavə edib ki, qarışıq ixtisaslar, məsələn kosmobioloqlar, genetika məsləhətçiləri, molekulyar qidalanma mütəxəssisləri və s. elmdə aktual olacaq. Yanıkina perspektivdə insanın emosiyaları ilə əlaqəli peşələrin də populyar olacağını qeyd edib. Belə ki, emosional fon yaradan emosiya dizaynerləri, eləcə də dünyanın təsvirini formalaşdıran və onun əsasında media-axınlarını quran düşüncə sahəsinin prodüserləri ortaya çıxacaq.
Ekspert hazırda IT sahəsində mütəxəssislərin də çatışmadığını da əlavə edib. Onun sözlərinə görə, motivasiya olduqda peşə tez bir zamanda öyrənilə bilər. Testçi, məlumat toplayıcısı olmaq mümkündür, sonra isə analitikaya keçə və bu istiqamətdə inkişaf edə bilərik. Mütəxəssis bildirib ki, junior-səviyyəsində işə başlamaq üçün proqramlaşdırma dilini hətta üç-dörd ay ərzində mənimsəmək mümkündür.