Fəaliyyət olmayıbsa statistika arayışını necə verməli?
Əgər rüb ərzində şirkətin fəaliyyəti olmayıbsa o halda, stat.gov.az saytindan Rəsmi statistik hesabatların təqdim edilməsi bölməsindən, Respondentlər üçün fəaliyyətin müvəqqəti dayandırılması ilə bağlı skan olunmuş arayışın elektron təqdim olunması bölümündən, Fəaliyyətin müvəqqəti dayandırılması ilə bağlı skan olunmuş arayışın elektron təqdim olunması düyməsini seçmək lazımdır.
Bu bölmə vasitəsilə Siz fəaliyyətin müvəqqəti dayandırılması ilə bağlı skan olunmuş arayışı Dövlət Statistika Komitəsinə göndərə bilərsiniz.
Arayışı göndərməzdən əvvəl nəzərdə tutulmuş formanın düzgün doldurulması vacibdir. (* – vacib sahələr).
Statistik kod düzgün daxil edildikdən sonra sistem tərəfindən yoxlanılır və əgər bazada statistik kod varsa arayış göndər bölməsi aktivləşir.
Arayış jpg, png, pdf formatlarında qəbul edilir və həcmi maksimum 2 mgb olmalıdır.
Tam olaraq link belədir: https://www.azstat.org/xidmetler/arayish/