Vergi auditi

posted in: Audit, Vergi, Xəbər | 0
birbank biznes

Vergi auditi nədir?

Vergi auditi təsərrüfat subyektinin vergi hesabatlılığının düzgünlüyünün yoxlanılmasıdır. Yoxlama auditorlar tərəfindən xüsusi tapşırıq əsasında təsərrüfat subyektində vergi hesabatlarının etibarlılıq və standartlara uyğunluq dərəcəsini, habelə müxtəlif səviyyəli büdcə və büdcədənkənar fondlara vergilərin və digər ödənişlərin formalaşması, uçotu və ödənişinin qanunauyğunluğunu müəyyən etmək məqsədi ilə aparılır.

Vergi auditi bunları müəyyən etmək üçün zəruridir:

  • şirkətdə vergi hesablamalarının düzgünlüyü;
  • cari dövrdə məcburi ödənişlərin vəziyyəti;
  • vergi güzəştlərindən istifadənin qanuniliyi;
  • vergi uçotu sisteminin qanunvericiliyin tələblərinə uyğunluq dərəcəsini.

Müstəqil audit həm iri, həm də orta şirkətlər üçün həmişə aktualdır. Vergi uçotunun auditi müxtəlif cərimələr formasına maliyyə itkilərini əhəmiyyətli dərəcədə azalda bilər.

Accounting.Az konsaltinq şirkəti sizə Bakıda vergi auditi xidməti təklif edir.

Vergi auditi xidməti çərçivəsində auditorlarımız:

  • səhvləri, mümkün riskləri müəyyən edir;
  • onları aradan qaldırmaq, mümkün qədər azaltmaq yollarını göstərəcək;
  • qanun çərçivəsində ehtiyatları aşkar edəcək (işin həcmindən asılı olaraq əlavə müqavilə istisna olunmur);
  • səyyar vergi yoxlamaları öncəsi lazımi işlərin görülməsinə yardım edəcəklər.

Vergi auditi sahibkarlıq subyektlərində səyyar vergi yoxlamasının təyini riskini azaldır, belə ki, audit şübhəli əməliyyatları, bəyannamələrdə səhvləri minimuma endirir.

Audit xidməti, Bakıda audit xidmətləri, vergi uçotunun auditi “Accounting.Az” konsaltinq şirkətində

Accounting.Az-la vergi auditinin xüsusiyyətləri

Sahibkarlıq subyektlərində vergi uçotunun auditinin müəyyən xüsusiyyətləri var:

  • Azərbaycan Respublikasının qanunvericiliyi çərçivəsində vergi bazasının optimallaşdırılması imkanlarının axtarışı;
  • vergi öhdəliklərinin, məcburi ödənişlərin müəssisənin müvafiq qurumları tərəfindən düzgün və qanunvericiliyiə uyğun hesablanmasının  yoxlanılması;
  • dövlət vergi xidməti tərəfindən iddiaların qaldırılması yaxud cərimələrin tətbiqi risklərinin araşdırılması;
  • AR vergi məcəlləsinə uyğun vergi güzəştlərinin tətbiqinin düzgünlüyünün yoxlanılması;
  • səyyar və ya kameral vergi yoxlamasından əvvəl vergi hesablamaları baxımından mühasibat uçotunun yoxlanılmasına köməklik;
  • vergi auditi vasitəsi ilə maliyyə işçilərinin bilik və bacarıqlarının qiymətləndirilməsi.

Auditin mərhələləri

  • hazırlıq;
  • auditin aparılması;
  • audit rəyinin hazırlanması.

Hazırlıq mərhələsi

Hər hansı auditə başlamazdan əvvəl mütəxəssis şirkətin fəaliyyət sahəsi ilə tanış olur, qanunvericilik sənədlərini öyrənir, şirkətdə tətbiq olunan vergi sistemi haqqında məlumat toplayır. İlk təəssürat müəssisə, onun maliyyə strukturları haqqında dəqiq rəy formalaşdırmaqla yanaşı, həm də sonrakı audit üçün əsas olacaqdır.

Hazırlıq mərhələsində auditoru aşağıdakılar maraqlandırır:

  1. Şirkət hansı vergiləri hansı vergitutma sistemi ilə ödəyir?
  2. Müəssisədə vergi uçotunun təşkilini necə qiymətləndirmək olar?
  3. Vergi uçotunun təşkilində qanunvericiliyin tələbləri ilə ziddiyyətlər varmı?
  4. Maliyyə işçilərinin səriştəsi hansı səviyyədədir?
  5. Şirkətdə daxili maliyyə nəzarəti sistemi varmı?

WhatsApp-a (+99450 225 82 05) yazın yaxud “Geriyə zəng” xidmətindən istifadə edin. Sizinlə əlaqə saxlayaq, görüş təyin edək, audit xidmətinin ilkin şərtlərini müzakirə edək!

Vergi auditinin aparılması

Auditorun əsas məqsədi vergi hesabatlarının etibarlılığını yoxlamaqdır. Yəni, audit mütəxəssislərinin işinin vergilərin hesablanması və ödənilməsi ilə əlaqəsi yoxdur. Auditor artıq icra olunmuş ödənişlər üzrə sənədlərlə işləyir. Audit prosesində o, həmin ödənişlər üzrə hesablamaların düzgünlüyünə əmin olmaq üçün mühasibin bütün hərəkətlərini təkrarlayır.

Bu mərhələdə auditor aşağıdakı suallara cavab axtarır:

  1. Ödənilmiş vergi məbləği düzgün hesablanıb?
  2. Hesablamalar üzrə təsdiqedici sənədlər varmı?
  3. Vergi dərəcəsi düzgün tətbiq olunubmu?
  4. Şirkətin AR Vergi Məcəlləsinə uyğun vergi güzəştləri tətbiq etmək hüququ varmı?
  5. Bütün sənədlər, o cümlədən vergi bəyannaməsi düzgün doldurulubmu?
  6. Büdcə ödənişləri üzrə müddətlərə əməl olunubmu?
  7. Şirkət AR qanunvericiliyinə, xüsusən də Vergi Məcəlləsinin tələblərinə əməl edibmi?

Nəzərə almaq lazımdır ki, vergi auditinin bu mərhələsində mütəxəssis çoxlu sayda sənədlərə baxmalıdır. Belə sənədlərə nümunə kimi əmrləri, vergi bəyannamələrini, ödəniş tapşırıqlarını, qaimə-fakturaları, uçot jurnallarını və digərlərini nümunə kimi göstərmək olar.

Audit rəyinin hazırlanması

Vergi auditi çərçivəsində, mütəxəssis şirkət rəhbərliyinə vergi hesablamalarında mövcud səhvlərin tam siyahısını təqdim edir. Bundan əlavə, auditor bu səhvləri aradan qaldırmaq, habelə riskləri azaltmaq üçün öz tövsiyələrinin təqdim edir. Audit yoxlaması yoxlamanın tərkib hissəsi kimi vergi yükünün qanuni optimallaşdırılması üçün əsaslar da tapılır. Məsələn, vergitutma rejiminin dəyişdirilməsi, sıfır ƏDV ödənilməsi və ya artıq ödənilmiş ƏDV-nin qaytarılması və sair. Bu cür tövsiyələr də auditor hesabatına daxil edilir.

“AccountingAz”-ın audit xidmətləri ilə tanış olmaq üçün əlaqə saxlayın, problemlərinizin həll yollarını tapaq, sizin biznesi maliyyə itkilərindən qoruyaq.

Accounting.Az konsaltinq şirkətinin mütəxəssisləri müxtəlif biznes subyektlərinə, o cümlədən yerli  və xarici şirkətlərə təklif etdiyi vergi auditi xidməti riskləri minimuma endirəcək, maliyyə ehtiyatlarını müəyyən edəcək, sizə vergi yoxlamalarına hazırlığa kömək edəcək. Şirkətin auditorları yüksək keyfiyyətə, problemlərin kompleks həllinə, məxfiliyə zəmanət verir. Qiymətlər fərdidir, işin həcminə görə, qarşılıqlı razılaşma əsasında müəyyən olunur.


İdeyaları texnoloji həllərə çeviririk - Genity

Print Friendly, PDF & Email