İsveçrə frankı, Çex Respublikasının kronası, həmçinin Yeni Zelandiya dolları yüksək artım potensialı olan valyutalardır, deyə Sankt-Peterburq dövlət universitetinin iqtisadiyyat fakültəsinin kredit nəzəriyyəsi və maliyyə menecmenti kafedrasının dosenti Aleksandr Kazanskiy “Praym” agentliyi ilə söhbətində bildirib.
Onun sözlərinə görə, bu valyutaların artımına sözügedən ölkələrin iqtisadiyyatının davamlı inkişafı, eləcə də yaxşı investisiya mühiti kömək edir. Bundan əlavə, İsrail şekeli, Cənubi Koreya vonu və BƏƏ dirhəmi də inkişaf potensialına malikdir.
Kazanskiy qısamüddətli planda ABŞ dollarının, həmçinin avronun perspektivini şübhəli hesab edir. O, bunu həmin valyutalar üçün aşağı faiz dərəcələri və ABŞ-da kəmiyyət yumşalma proqramının gələcəyi ilə bağlı qeyri-müəyyənliklə əlaqələndirib.