Siz, baş direktorların ətraflı bir plan və kağız üzərində gözəl rəqəmlər olmadan nəticələrə nail olmaq üçün nə etdiyini öyrənəcəksiniz.
Şirkətlərin 2020-ci il başlayana qədər işləyib hazırladıqları planların əksəriyyəti keçən ilin baharında zibil yeşiklərinə atıldı. Qeyri-müəyyənlik şəraitində planlaşdırma bütün mənasını itirdi. Proqnozlar özünü doğrultmur, şərtlər dəyişikliyə uğrayırdı. Sizin həmkarlarınız hansı planlaşdırma alternativlərini seçirlər?
“Forvard Lizinq” MMC
Fəaliyyət sahəsi: smartfonlar, noutbuklar, məişət texnikasının lizinqi (çeşiddə 100-dən çox model var).
İşçi heyətin sayı: 14 nəfər.
2020-ci ildə dövriyyəsi: 1,6 milyard rubl.
Aleksey Qurov, “Forvard Lizinq” şirkətinin baş direktoru, Moskva: Analoqu olmayan xidmətlər üçün göstəriciləri planlaşdırmaq çətindir.
Xidmətimiz tərəfindən – son istehlakçı üçün icarəyə verilən smartfonların analoqu yoxdur. Ona görə də plan göstəriciləri olduqca problemlidir.
Biz bunu etməyə cəhd etmişik. Sonra planı nəticələr ilə müqayisə etdik. Başa düşdük ki, dəqiq proqnoz vermək, kofe ilə fala baxmaq kimi bir işdir. Bax, uzunmüddətli planlaşdırmanı biz nə ilə əvəzlədik.
1. Qlobal hədəfi rəqəmlərə istinad etmədən təyin edirik. Beş ildən sonra biz “müştərilər üçün bir smartfon almağın və mütəmadi olaraq yenisinə dəyişdirməyin ən yaxşı yolu” olmalıyıq. Rəqəmlərlə ifadə edilə bilməyən bu ideya, etdiyimiz hər şeyə nüfuz edir: işləyib hazırlamaqdan başlamış, müştəri xidmətlərinə qədər. Bax, biz bu cür düzgün istiqamətdə getdiyimizi başa düşürük.
Nəticədə şirkət daxildən sinxronlaşdırılır. Daha az mübahisə və müzakirələr, daha çox improvizasiya və ümumi inkişaf xətti çərçivəsində təşəbbüslər yaranır.
2. Planı qısa intervallara bölürük. Proqnozlaşdırdığımız maksimal dövr üç aydır. Lakin komandanın hər üç ayda bir dəfə çata bildiyi nəzarət nöqtələri var. Ayda bir dəfə biz nəticələrin müzakirəsini keçiririk. Nəzarət nöqtəsinə nümunə – bazar payında 1-2 faizlik artım. Sonra buna nail olub-olmadığımızı aydınlaşdırırıq. Əgər nail olmamışıqsa, bunun səbəblərini araşdırırıq.
Qısa distansiyada nəyi isə dəyişdirmək və ya düzəltmək daha asandır. Dərhal başa düşürük ki, işlər istədiyimiz kimi getmir və illik planın özünü doğruldub-doğrultmayacağını gözləmədən, sürətlə yeni giriş planlarına adaptasiya olunuruq.
Nahaq yerə hazırlaşmışıq
Bir il bundan əvvəl biz diqqətlə kağız üzərində işlədiyimiz bir layihəyə başladıq. Gəlirlər üzrə məqsədi, alıcıların cəlbolunması hədəflərini qeyd etdik. Kütləvi gözləntilərimizdən heç biri özünü doğrultmadı. Xidməti mümkün qədər tez işə salmaq istəyirdik, amma, maneələr ortalığa çıxırdı, sonra isə pandemiya başladı.
Biz nə müddəti, nə də lazımi resursların miqdarını, nə də gəlir hissəsini təxmin belə edə bildik. Böyük itkilərlə üzləşdik, şirkət bazarda qala bildi, lakin, onu da anladıq ki, uzunmüddətli planlaşdırma – bizlik deyil. Hazırda, plan kiçik intervallara bölündüyü vaxt, biz yayınmaları dərhal görür və daha ciddi itkilərə yol vermirik. Bu yolla biz pulu daha səmərəli xərcləyirik və ya zərərli bir layihəni daha tez qapadırıq. → II hissəyə nəzər yetirin.
Vençur (risk) bazarı: müxtəlif regionlarda inkişaf tarixi və xüsusiyyətləri
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
