Avropa İttifaqı (Aİ) ölkələri e-kitab kimi elektron nəşrlərdən tutulan əlavə dəyər vergisinin (ƏDV) miqyasını aşağı salmaq haqqında razılaşmaya gəlmişdir. Aİ-yə üzv olan 28 ölkənin maliyyə nazirləri İqtisadi və Maliyyə İşləri Şurasının iclasını keçirmək üçün Lüksemburqda toplaşmışlar.
Aİ Şurasının açıqlamasında bildirilmişdir ki, iclasda üzv ölkələrin elektron nəşrlərdə istifadə ediləcək ƏDV qaydalarının çap nəşrləri ilə uyğunlaşdırılması məqsədi daşıyan tənzimləmə ilə bağlı razılaşma əldə etmişlər. Bu razılaşma ilə Aİ üzvü olan ölkələrdə ən azı 15 faiz miqyasında vergi qoyulan e-kitab kimi rəqəmsal nəşrlərə də çap nəşrləri kimi endirimli və ya sıfır dərəcə ilə ƏDV tətbiq edilə biləcək.
İndiki halda Aİ ölkələri kitab, qəzet və jurnal kimi çap məhsullarına 5 faizlik və ya 0 dərəcə üzrə ƏDV tətbiq etdiyi halda, bu güzəştlər rəqəmsal yayımlara şamil edilmir.
Mənbə: vergiler.az
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
