Oxunma sayı: 152. 446
5 Apr 2021

Dövlət Vergi Xidməti icbari tibbi sığorta haqqına dair bukletlər hazırlayıb

by | posted in: Xəbər | 0

Rəqəmsal Transformasiya Şurası, alt fəaliyyət növləri, Vergi orqanları, ikiqat vergitutma, Dövlət Vergi Xidməti, vergi sistemi, DVX, vergi xidməti, peşə bayramı,işə qəbul, DTA-03 ərizə forması, DTA-05 ərizə forması, ərizə formaları, Müvəqqəti vergi rejimi, Sosial sığorta haqqı, Nəqliyyat vasitələrinin fəaliyyəti, Vergi Xidməti, Vergi bəyannamələri, icarə müqaviləsi, Obyekt kodu, İcarə müqaviləsi, sərəncam, sahibkar, onlayn növbə, Könüllü vergi ödəyicisi, Bəyannamələrin elektron forması, Vergi güzəştləri, bəyannamə formaları, Fərdi sahibkarlar, maliyyə dəstəyi, ƏDV-nin qaytarılması, Riskli vergi ödəyiciləri, elektron alış aktı, alış aktları, Vergi ödəyicilərinin qəbulu, qeyri-rezident, ödənilmiş vergilər, vergi hesabatları, vergi hesabatlarının vaxtıAzərbaycanda aprelin 1-dən bütün ölkə ərazisində icbari tibbi sığortanın tətbiqinə başlanılıb. İcbari tibbi sığorta haqlarının yığımına isə yanvarın 1-dən start verilib.

Bu barədə İqtisadiyyat Nazirliyi yanında Dövlət Vergi Xidmətinin açıqlamasında bildirilir.

Məlumatda həmçinin deyilir ki, ölkə prezidentinin 31 yanvar 2019-cu il tarixli fərmanı ilə icbari tibbi sığorta haqlarının hesablanmasına və ödənilməsinə nəzarət vergi orqanlarına həvalə edilib. Vergi ödəyicilərinin məlumatandırılması məqsəd ilə sığorta haqlarının yığımını həyata keçirən Dövlət Vergi Xidməti maarifləndirici bukletlər hazırlayıb.

“İcbari tibbi sığorta haqqı”, “Sərnişin və yük daşıma fəaliyyəti ilə məşğul olan şəxslər tərəfindən ödənilən sadələşdirilmiş vergi, məcburi dövlət sosial sığorta haqları və icbari tibbi sığorta haqları”, “Aylıq sabit məbləğdə sadələşdirilmiş verginin, məcburi dövlət sosial sığorta haqları və icbari tibbi sığorta haqları hesablanması və ödənilməsi” və “Muzdlu işlə əlaqədar tutulan gəlir vergisi, məcburi dövlət sosial sığorta, işsizlikdən sığorta və icbari tibbi sığorta haqqı” kimi mövzuları əhatə edən bukletlərdə icbari tibbi sığorta haqlarının hesablanması və ödənilməsi əyani izah edilir.

Bukletlərlə aşağıdakı ünvanda tanış olmaq olar:

https://www.taxes.gov.az/az/page/vergilere-aid-nesrler

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

5 Apr 2021

Hesablama Palatası ötən il maliyyə hesabatlarında 412 milyon manatlıq təhrif aşkar edib

by | posted in: Xəbər | 0

vergi orqanları, DSMF, Hesablama Palatası, vergi bəyanetməsi, bəyanetmə,Hesablama Palatasının 2020-ci ildə apardığı nəzarət tədbirlərinin nəticələri əsasında formalaşdırılmış məlumat bazasına əsaslanaraq maliyyə hesabatlılığı sahəsində müəyyən edilən nöqsanları iki qrup üzrə təsifləşdirmək olar.

Bu barədə qurumun maliyyə hesabatına istinadən xəbər verilir.

Sənəddə deyilir ki, 1-ci qrupa maliyyə hesabatlarında məlumatların düzgün əks etdirilməməsi halları kimi əhəmiyyətli pozuntular aid edilib. Nəzarət tədbirlərinin nəticələri göstərir ki, maliyyə hesabatları ümumilikdə 412,4 milyon manat məbləğində təhrif olunmaqla tərtib olunub. Bu məbləğlər inventarizasiyanın düzgün qaydada aparılmaması, kreditor və debitor borcların az göstərilmiş və ya ümumiyyətlə göstərilməmiş məbləği nəticəsində formalaşan təhrifləri də özündə saxlayır.

Ümumi məbləğin 14,6 milyon manatı az göstərilmiş və yaxud göstərilməmiş debitor borc məbləğindən, 30,3 milyon manatı az göstərilmiş və yaxud göstərilməmiş kreditor borc məbləğindən formalaşıb. Həmçinin 3,2 milyon manat məbləğində amortizasiyanın səhv hesablandığı, 1,4 milyon manat məbləğində inventar və avadanlığın uçotda düzgün əks etdirilmədiyi müəyyən olunub. Maliyyə hesabatlarında düzgün əks etdirilməyən və ya təhrif olunmaqla əks etdirilən məbləğ isə 362,9 milyon manat təşkil edib.

Hesablama Palatası ikinci qrupa mühasibatlıq prinsiplərinə əməl edilməməsi və mühasibat yazılışlarının doğru verilməməsi nəticəsində məbləğlərin düzgün maliyyə hesabatlarında əks olunmaması və ya bir hesabat daxilində düzgün əks olunmaması hallarını aid edib. Bu, ümumilikdə 335,4 milyon manat məbləğlə ifadə olunur.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

5 Apr 2021

ABŞ bankı əməkdaşlarını istirahət etməyə məcbur edir

by | posted in: Xəbər | 0

ABŞ-ın və dünyanın ən nəhəng investisiya banklarından biri olan Citigroup, koronovirus yoluxmalarından qorunmaq üçün öz əməkdaşlarını məcburi istirahətə göndərməyə başlayıb. Bu haqda Bloomberg agentliyi məlumat verib.

Belə bir təşəbbüs Citigroup bankının rəhbəri Jane Fraser-ə məxsusdur. Belə ki, rəhbərlik əməkdaşları əlavə məzuniyyətə göndərməklə iş yerində koronovirus pandemiyasına yoluxmaların qarşısını almağa kömək edəcəyinə inanır.

Freyzer həmçinin cümə günləri Zoom servisində daxili korporativ video-zəngləri də qadağan edib. Həmçinin “Siti bankın yenidən öz işini bərpa etdiyi gün” olaraq qəbul etdiyi 28 may alternativ adı ilə istirahət günü elan olunub.

Hal-hazırda Citigroup bankının əməkdaşlarının əksəriyyəti evdən çalışdıqları üçün top-menecer, qeyri-iş vaxtlarında onlara işgüzar görüşlər təyin etməməklə bağlı çağırış edib. Bu yolla onlar boş vaxtlarında əmək vəzifələrini və asudə vaxtlarını daha yaxşı bölüşdürə biləcəklər.

Gələcəkdə, koronavirus pandemiyası qurtardıqdan sonra Citigroup, əməkdaşların böyük hissəsini qarışıq iş rejiminə keçirməyi planlaşdırır. Belə bir rejimdə onlar həm ofisi ziyarət edəcəklər (bu, gənclərə hamilik göstərilməsi nöqteyi-nəzərindən çox mühümdür), həm də məsafədən çalışacaqlar.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

5 Apr 2021

Bank hesabına ödənilən məbləğə görə kassa çeki verilməlidirmi?

by | posted in: Xəbər | 0

Əməliyyatın düzgün sənədləşdirilməməsi, maliyyə sanksiyası, əsas vəsait, Əsas vəsaitlərin alışı, Vergi Məcəlləsinə dəyişiklik, Publik hüquqi şəxslər, Gəlirdən çıxılan xərc, ÖMV, ƏDV, ləğv, hədiyyə, vergi öhdəlikləri, təhtəlhesab əməliyyatlar, Büdcə, ƏDV-nin əvəzləşdirilməsi, büdcəyə ödəmələr, Vergi tutulan əməliyyatın vaxtı, Əmtəəsiz əməliyyat anlayışı, dividendlər, vergi güzəştləri, zərər, Zərərin növbəti illərə keçirilməsi, vergidən azadolunma, Müvəqqəti vergi rejimi, səyyar vergi yoxlaması, Sahibkarlar, Vergi ödəyicilərinin hesabatlılığı, Vergi Məcəlləsinə dəyişikliklər, Vergi Məcəlləsinə dəyişikliklər, avans vəsait, ƏDV məqsədləri, vergitutma, bəyannamə, icarə ödənişləri, Mənfəət vergisi üzrə güzəşt, Nizamnamə kapitalı, Əmtəəsiz əməliyyat, Fiziki şəxs, hüquq, Hüquqların güzəşt edilməsi, Kənd təsərrüfatı, səyyar satış, xidmət, İaşə, Vergi Məcəlləsi, Riskli vergi, vergi məcəlləsi, vergi öhdəliyi, MMC,əməliyyatlar, ƏDV-dən azad, Transfer qiyməti,xərclər, gəlir,Bir ildən artıq davam edən pandemiya şəraitində malların və xidmətlərin onlayn qaydada təqdim edilməsinin həcmi artıb. Artıq bir çox ticarət və xidmət müəssisələri satışlarını ikili formada davam etdirir ki, bu zaman dövriyyələrin rəsmiləşməsi məsələlərində müəyyən suallar ortaya çıxır. Mövzunu maliyyə eksperti Mahmud Abasquliyev şərh edir.

Tutaq ki, pərakəndə satışla məşğul olan mağaza həm yerində, həm də onlayn xidmət göstərir. Onlayn satış üçün mağazanın bank hesabı açılıb. Satışdan gələn vəsait həmin hesaba mədaxil olunur. Bu zaman alıcıya nəzarət-kassa çeki təqdim olunmalıdırmı?

Vergi Məcəlləsinin 13.2.62-ci maddəsinə əsasən, malların alıcıya satışının (təqdim edilməsinin) son istehlak məqsədilə və yalnız Vergi Məcəlləsi ilə müəyyən edilmiş qaydada qəbz və ya nəzarət-kassa aparatının çeki (sahibkarlıq fəaliyyətini həyata keçirən hüquqi və fiziki şəxslərin tələbi ilə elektron-qaimə faktura və ya elektron vergi hesab-fakturası) təqdim edilməklə həyata keçirilməsi üzrə ticarət fəaliyyəti pərakəndə satış hesab olunur.

Pərakəndə ticarət fəaliyyəti göstərən təsərrüfat subyektlərində (obyektlərdə) malların təqdim edilməsi (satışı) nəzarət-kassa aparatı və POS-terminal tətbiq edilməklə həyata keçirilir. Malların dəyəri nağdsız qaydada POS-terminal vasitəsilə ödənildikdə, alıcıya (istehlakçıya) nəzarət-kassa aparatının çeki ilə yanaşı, POS-terminaldan çıxarış verilir.

Eyni zamanda həmin mağazanın fəaliyyət növü pərakəndə satış olduğundan pərakəndə qaydada satış zamanı mağaza tərəfindən alıcıya nəzarət-kassa aparatının çeki təqdim edilməlidir. Bununla yanaşı, “İstehlakçıların hüquqlarının müdafiəsi haqqında” Qanunun 7-ci maddəsinin müddəalarına əsasən, satıcı istehlakçıya mal satarkən ona qəbz, mal, kassa çeki və ya digər yazılı sənəd verməlidir.

“Nağdsız hesablaşmalar haqqında” Qanunun 3.1-ci maddəsinin müddəalarına əsasən, nağdsız hesablaşmalar üç formada həyata keçirilir:

– bir şəxsin bank hesabından digər şəxsin bank hesabına köçürülməklə (o cümlədən ödəniş alətləri (ödəniş kartları, ödəniş tapşırığı və s.) və ödəniş vasitələri (mobil telefon aparatları, kompüter və digər avadanlıq) ilə;

– ödəniş terminalları ilə;

– birbaşa nağd qaydada satıcının bank hesabına köçürülməklə.

Qeyd olunanlara əsasən, gətirdiyimiz misalda pərakəndə satış qaydasında fiziki şəxsə təqdim edilən mallara görə fiziki şəxs tərəfindən müəssisənin bank hesabına nağd qaydada ödənilən vəsaitə görə fiziki şəxsə nəzarət kassa-aparatının çeki təqdim edilməlidir. Dəyəri birbaşa bank hesabınıza ödənilmiş mallara görə alıcıya nəzarət-kassa aparatının çeki də verildiyindən hesabat dövrü ərzində nəzarət-kassa aparatına vurulmuş məbləğlərin ikiqat vergiyə cəlb edilməməsi üçün bu məbləğlər barədə məlumat vergi orqanına təqdim edilə bilər.

Mənbə: vergiler.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 999 1. 000 1. 001 1. 002 1. 003 1. 004 1. 005 … 2. 693