Blog Full - Muhasibat.Az

Oxunma sayı: 172. 947

12 Apr 2021

Dövlət Vergi Xidməti mühasiblərlə onlayn görüş keçirib

by | posted in: Xəbər | 0

İqtisadiyyat Nazirliyi yanında Dövlət Vergi Xidmətinin biznes assosiasiyaları ilə keçirdiyi müzakirələrin davamı kimi bir sıra kommersiya qurumlarının mühasiblərinin və mühasibatlıq xidmətləri həyata keçirən şirkətlərin nümayəndələrinin iştirakı ilə onlayn formatda görüş keçirilib.

Bu barədə qurumdan bildirilir.

Məlumatda deyilir ki, qanunvericiliyin icra mexanizmlərinin effektivliyinin artırılması əlverişli biznes mühitinin formalaşdırılmasında böyük əhəmiyyət daşıyır. Bu baxımdan, vergi ödəyiciləri, biznes assosiasiyaları ilə qarşılıqlı əməkdaşlıq, vergi sahəsində qarşıya çıxan məsələlərin müzakirə edilməsi və təkliflərin öyrənilməsi, qanunvericilik və inzibatçılığın təkmilləşdirilməsi vacib amillərdəndədir.

Tədbirin keçirilməsində əsas məqsəd iş prosesi zamanı mühasiblərin qarşılaşdıqları inzibati və texniki problemlərin müzakirə olunması, müvafiq izahların verilməsi və ya düzəlişlərin edilməsi olub. Görüşdə bir sıra bölmələr üzrə – elektron qaimə-faktura, şəxsi hesab vərəqəsi, elektron kabinet, sərəncamların icrası, idxal əməliyyatları üzrə rəsmiləşdirmələr və s. mövzularda toplanmış və emal edilmiş 100-ə yaxın fərqli təklif ətraflı müzakirə edilib. Tədbirdə sadalanan bir sıra problemlərin artıq öz həllini tapdığı, bir qisminin həll edilməsi üçün zəruri düzəlişlərin tətbiq olunacağı, bəzi təkliflərin isə texniki imkanlar nəzərdən keçirildikdən sonra mərhələli şəkildə təmin ediləcəyi diqqətə çatdırılıb.

Səmərəli keçən görüşdə sahibkarlıq subyektlərinin inzibatçılıq yüklərinin azaldılması və optimallaşdırılması istiqamətində tədbirlərin davamlılığı, dövlət-biznes münasibətlərində dialoq platformasının bundan sonra da inkişaf etdiriləcəyi vurğulanıb.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

12 Apr 2021

Dünya iqtisadiyyatında qadın rəhbərlərin rolu (I hissə)

by | posted in: Xəbər | 0

Dünya iqtisadiyyatında qadın rəhbərlər

Dünya iqtisadiyyatı hər il kişilərə görə trilyonlarla dollar itirir. Qadınlar vəziyyəti necə düzəldəcəklər?

Son illər bütün dünya üzrə şirkətlərin rəhbərliyində daha çox qadınlar təmsil olunurlar. Qadın rəhbərlər firmalara daha çox gəlir gətirirlər və mürəkkkəb tapşırıqlı işlərin öhdəsindən ümumilikdə daha yaxşı gəlirlər. Lakin gender bərabərliyindəki uğurlar hazırda təhlükə altındadır, çünki koronavirus böhranından ən çox zərbə alan sənaye sahələrində fəal iştirak edən qadınlardır. Epidemiya qadınların uğurlarını nəzərəçarpacaq dərəcədə geri atıb və onların hüquqlarını pozub. Bu da dünya iqtisadiyyatı üçün trilyonlarla dollarlıq itkiyə səbəb ola bilər.

Yumşaq güc

Bu gün demək olar ki, bütün beynəlxalq şirkətlər rəngarənglik prinsipinə – özü də təkcə irqi, dini, mədəni, yaş müxtəlifliyinə deyil, həm də gender prinsipinə əməl edirlər. Bütün dünya üzrə direktorlar şuralarında qadın nümayəndələrin sayı artmaqdadır, amma, onların arasında sədr postunu tutanların sayı hələ də böyük deyil. Direktorlar şuralarındakı yerlərin 12 faizi qadınların payına düşür. Lakin onlar yalnız direktolar şurasının yalnız 4 faizinə rəhbərlik edirlər.

Trend son bir neçə ildə sürət götürməyə başlayıb: 2021-ci ildə qadınlar Fortune 500 (bu siyahıya ümumi gəlirinə görə 500 ən nəhəng amerikan korporasiyaları daxildir) siyahısından olan 41 şirkətə başçılıq edirlər. 2018-ci ildə isə CEO mövqeyinə cəmi 28 qadın iddia edirdi. Qadın-rəhbərlərin sayına görə Avropa ölkələri lider olaraq qalırlar, uzun illər birinciliyi İsveç qoruyub saxlayırdı. Lakin 2021-ci ildə bu ölkə öz mövqeyini itirib və yerini Fransa və Norveçə verib: bu ölkələrdə şirkətlərin rəhbərliyində təmsil olunan qadınların payı müvafiq olaraq 45 və 40 faiz, İsveçdə isə 38 faiz təşkil edir.

Lider dəyişikliyi dövlət siyasəti ilə izah olunur: Fransa və Norveçdə kvotalar tətbiq edilib, belə ki, korporasiyaları 40 faizlik həmin kovotaya məcburi əməl etməlidirlər. Almaniya da belə bir taktika seçib: indi üç və daha artıq adamdan təşkil olunan direktorlar şurasında ən azından bir nəfər qadın olmalıdır. İtaliyada ictimai və dövlət şirkətlərinin idarə heyəti və müşahidə şuralarının üzvləri arasında qadınların sayı 33 faizdən az olmamalıdır, Avstriyada isə dövlət təşkilatlarının rəhbərliyində 35 faiz qadınlar təmsil olunmalıdırlar.

II hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

12 Apr 2021

Rəqəmsal tipli iqtisadiyyatın mahiyyəti (I hissə)

by | posted in: Xəbər | 0

Rəqəmsal tipli iqtisadiyyat

Bu gün elmi dairələrdə, biznes nümayəndələrinin mühitində və hökumət səviyyəsində “rəqəmsal iqtisadiyyat” ifadəsini daha tez-tez eşitmək mümkündür. Başqa cür onu informasiya tipli iqtisadiyyat adlandırmaq qəbul olunub.

İnformasiya – bu, informasiya məhsulları və xidmətləri formasını əldə edən xüsusi məhsuldur (iqtisadi faydadır).

Rəqəmsal tipli iqtisadiyyat şəraitində informasiya qiymətli resurslara çıxış əldə edərək, informasiya-kommunikasiya texnologiyaları vasitəsilə formalaşır, mühafizə edilir, ötürülür və emal olunur.

Dünya Bankı tərəfindən irəli sürülən müvafiq tərifə əsasən, rəqəmsal iqtisadiyyat, rəqəmsal informasiya-kommunikasiya texnologiyalarının istifadəsi əsasında sosial, iqtisadi və mədəni münasibətlər sistemidir.

Ümumiyyətlə, rəqəmsal iqtisadiyyatda milli məhsulun üstünlük təşkil edən hissəsi informasiyanın istehsalı, emalı, saxlanması və yayılması ilə bağlı istənilən halda fəaliyyət növləri ilə təmin edilən iqtisadi sistemlərin tipini aid etmək lazımdır.

İnformasiya cəmiyyətinin ümumi xüsusiyyətləri

Müasir cəmiyyətin gələcək inkişafını İKT (informasiya-kommunikasiya texnologiyaları) olmadan təsəvvür etmək mümkün deyil. Bu da informasiya cəmiyyəti adını almış ictimai inkişafın yeni fazasının formalaşmasından danışmağa imkan verir.

İnformasiya cəmiyyəti, İKT-nin istifadəsinin insan həyatının əsas sahələrinə və onun sosial institutlarına məhz, əhəmiyyətli dərəcədə təsir göstərdiyi sosial inkişaf mərhələsi kimi başa düşülməlidir:

iqtisadiyyat və biznes sahəsinə;
təhsil və səhiyyəyə;
mədəniyyət və incəsənətə;
sosial xidmətlərə;
dövlət idarəetməsinə.

Sadə dillə desək, informasiya cəmiyyəti – bu, elə bir cəmiyyətdir ki, onun böyük bir hissəsi informasiya və biliklərin istehsalı, emalı, saxlanması və satışı ilə bağlı proseslərdə məşğuldur. Faktiki olaraq, bu, bəşəriyyətin inkişafının növbəti mərhələsidir.

II hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

12 Apr 2021

Məzuniyyət haqqının hesablanması zamanı nəyə diqqət yetirilməlidir?

by | posted in: Xəbər | 0

Məzuniyyət haqqının hesablanması

ƏDV, vergi öhdəliyi, Cari vergi ödəmələri, sosial məzuniyyət, əmək məzuniyyəti, Mühasibat uçotu, təmir, gəlir, xərc,boşdayanma, boşdayanmaya görə ödəniş, İşəgötürənlərlə işçilər arasında sual, bəzən də mübahisə yaradan məsələlərdən biri işçiyə məzuniyyət haqqı hesablanarkən ortaya çıxır. Hüquqşünas Şəhriyar Həbilov əmək məzuniyyətinə görə ödənişlərin məbləğinin hesablanması ilə bağlı maraq doğuran suallara aydınlıq gətirir.

Məzuniyyət hüququ qanunvericiliklə tənzimlənir. Qanunvericiliyə əsasən, məzuniyyət haqqı təqvim ili ilə hesablanmır, burada iş ili əsas götürülür. İş ili dedikdə isə işçinin işə başladığı gündən növbəti ilin həmin gününədək olan müddət nəzərdə tutulur.

Misal: Tutaq ki, sürücü ştatında çalışan işçi müəssisədə işə 2017-ci il may ayının 5-də götürülüb. Onun iş ili 2018-ci il may ayının 5-də tamamlanmış sayılır. Bu müddət ərzində onun qanunvericiliklə müəyyən edilmiş məzuniyyət hüququ yaranır. Həmin işçinin iş ili ərzində məzuniyyət hüququndan istifadə etməməsi ona ya kompensasiya almaq, ya da məzuniyyətini növbəti iş ilinin məzuniyyəti ilə birləşdirmək imkanı verir.

Məzuniyyət haqqının məbləği məzuniyyətə çıxmazdan əvvəlki 12 ayda alınan əməkhaqqının məbləğindən asılıdır.

Məzuniyyət haqqının hesablanması üçün düstur və ya hesablama qaydası qanunvericiliklə müəyyən edilib. Məzuniyyət haqqını hesablamaq üçün öncə işçinin orta aylıq əməkhaqqı hesablanır.

Məsələn, işçi məzuniyyətə may ayında çıxmaq istəyirsə, maydan əvvəlki 12 ayın əməkhaqqı cəmlənir. Alınan məbləğ 12-yə bölünməklə işçinin orta aylıq əməkhaqqı tapılır. Aylıq əməkhaqqı 500 manat olan və 12 ay ərzində heç bir əlavə almayan işçinin illik gəliri 6.000 manat, orta aylıq əməkhaqqı isə 500 manatdır:

500 x12 = 6000 manat

6000:12 = 500 manat.

İşçinin orta aylıq əməkhaqqına uyğun olaraq bir günlük əməkhaqqı tapılır. Bunun üçün işçinin orta aylıq əməkhaqqı 30,4-ə bölünür:

500:30,4=16,45 manat.

İşçinin məzuniyyət haqqı istifadə etmək istədiyi məzuniyyət müddətinin bir günlük əməkhaqqı ilə hasilindən alınır. Tutaq ki, işçi 14 gün məzuniyyətə çıxmaq istədiyini bildirib. Bu zaman onun məzuniyyət haqqı 230,3 manat olacaq:

14×16,45 = 230,3 manat.

İşçi ilə əmək müqaviləsinə xitam verilərkən onun iş ilinə (və ya illərinə) görə istifadə etmədiyi əsas məzuniyyət günləri üzrə yuxarıdakı hesablama nəzərə alınmaqla işçiyə kompensasiya ödənilməlidir. Burada diqqət yetirilməli başlıca məqam işçiyə iş stajına görə və ya uşaqlı qadınlara verilən əlavə məzuniyyət günlərinin nəzərə alınmaması və ödənilməməsidir.

Onu da deyək ki, qanunvericiliyə əsasən, əmək məzuniyyəti hissə-hissə verilə bilər: bu şərtlə ki, bir hissənin müddəti 2 təqvim həftəsindən az olmamalıdır. Bu, işçnin ildə bir dəfə ən azı 14 gün məzuniyyətə çıxa bilməsinə imkan verir.

İşçi yalnız öz razılığı ilə, əmrlə və istehsalat qəzası, yaxud təxirəsalınmaz hallarda (sübut edilməlidir) məzuniyyətdən geri çağırıla bilər. Geri çağırılan işçiyə tərəflərin razılığı ilə:

– ya işə başladığı gündən etibarən əməkhaqqı hesablanır və işlədiyi məzuniyyət günlərinin əvəzində ödənişsiz əlavə istirahət günləri verilir;

– ya da işçiyə işə başladığı gündən əməkhaqqı hesablanır, istifadə edilməmiş məzuniyyət günlərinə düşən məzuniyyət pulunun məbləği ondan tutulur və məzuniyyətin istifadə edilməmiş günləri gələcəkdə müəyyən edilmiş vaxtda verilərək qanunvericilikdə nəzərdə tutulmuş qaydada ona yenidən məzuniyyət pulu hesablanıb ödənilir.