You can display the Full post on your Blog Page
“Aktiv vergi ödəyicilərinin sayında artım müşahidə edilir”
Bu barədə Azərbaycan iqtisadiyyat naziri Mikayıl Cabbarov paylaşımında bildirib.
M.Cabbarov ötən il onların sayının 24 % artdığını qeyd edib:
“2020-ci il ərzində onların sayı 24 %-dən çox artaraq 616 mini ötüb. Aktiv ƏDV ödəyicilərinin sayında 17 %-dən çox artım olub”.
Mənbə: report.az
Əhalinin həssas qruplarına göstərilən sosial xidmətlər ilə bağlı müasir əsasda idarəetmə forması kimi “Elektron keys menecment” sisteminin hazırlanması işləri artıq yekunlaşır.
E-sistem Əmək və Əhalinin Sosial Müdafiəsi Nazirliyi və BMT-nin Uşaq Fondunun (UNICEF) Azərbaycandakı nümayəndəliyinin əməkdaşlığı müstəvisində yaradılır.
Nazirliyin İctimaiyyətlə əlaqələr və kommunikasiya şöbəsindən bildirilib ki, tezliklə hazır olacaq e-sistem Nazirliyin mərkəzləşmiş elektron informasiya sisteminə (MEİS) inteqrasiya olunaraq, MEİS-in altsistemi kimi fəaliyyət göstərəcək. Məqsəd sosial xidmətlərin çevik və müasir iş prinsipləri əsasında idarə olunması mexanizmini formalaşdırmaq, bu xidmətlərin operativliyini, keyfiyyət və əlçatanlığını daha da artırmaqdır.
Bu cür ardıcıl nəzarət sistemi sosial xidmətlərin çevik və məqsədyönlü idarə olunması, yarana biləcək problemlərin daha obyektiv və operativ araşdırılması və həlli imkanı yaradacaq.
Mənbə: vergiler.az
Kapital Bank-ın dəstəyi və Heydər Əliyev Fondunun Regionların İnkişafı İctimai Birliyi ilə birgə Sosial Layihələr müsabiqəsi çərçivəsində “Yaşa” Mərkəzinin Şamaxı rayon şöbəsinin açılışı oldu. Şamaxı şəhəri, Azadlıq küçəsi 1 ünvanında fəaliyyətə başlayan mərkəz, “Üçüncü Bahar” İctimai Birliyinin təşkilatçılığı ilə yaradılıb.
Açılış Mərasimində Şamaxı rayon İcra Hakimiyyətinin başçısı Tahir Məmmədov, Milli Məclisin deputatları, Şamaxı şəhər Ağsaqqallar Şurasının sədri Mayıl Alıcanov, Kapital Bank-ın, Regional İnkişaf İctimai Birliyinin, Sosial Xidmətlər Agentliyinin nümayəndələri və digər qonaqlar iştirak edib.
“Yaşa” mərkəzinin əsas məqsədi pensiya yaşına çatmış insanları toplayaraq, onların asudə vaxtlarının dəyərləndirilməsi, ahıl vətəndaşların ölkənin sosial-iqtisadi, siyasi və mədəni həyatında fəal iştirakını, onların təhsil və məşğulluq imkanlarını təmin etmək məqsədilə müvafiq tədbirlərin həyata keçirilməsini təşkil etməkdir. Mərkəzdə kompüter, idman, rəqs, yaradıcılıq, təlim, rəssamlıq və digər otaqlar vardır, həmçinin fərdi kitabxana da fəaliyyət göstərir.
Qeyd edək ki, “Yaşa” Mərkəzinin Bakıda da ofisi (Bakıxanov qəsəbəsi, Y. Əliyev küç.,1) fəaliyyət göstərir. Mərkəzin hazırda 2000-dən artıq fəal üzvü var və hər layihə üzrə 70-80 nəfər qoşularaq, tədbirlərdə iştirak edir. Mərkəz barədə ətraflı məlumat almaq üçün 0556801155, 0555165002 nömrələrinə və ya www.teqaudchu.az saytına müraciət etmək olar.
Əmək haqqından tutulmaların sayının 4-ə çatdığı bir dövrdə işçilər üçün faydalı olacaq bir mövzu barədə məlumat verəcəyik. Belə ki, gəlir vergisi və sosial sığorta haqqından sonra işsizlikdən sığorta haqqı və tibbi sığorta haqqı da əmək haqqından tutulmalara qoşulduqdan sonra kommunal ödənişlərdə və müvafiq qiymətlərdə artım işçinin gəlirliyini azaldan əsaslar kimi çıxış etməkdədir.
Qanunvericiliyə görə
1) 3 ildən az olmayan müddətə bağlanan müqavilə ilə həyatın yığım sığortası və pensiya sığortası üzrə işəgötürənin sığortaolunanın vergiyə cəlb olunan gəlirlərinin 50 faizindən çox olmayan hissəsindən Azərbaycan Respublikasının sığortaçılarına ödədikləri sığorta haqları, həyatın yığım sığortası və pensiya sığortası üzrə müqavilənin qüvvəyə mindiyi andan etibarən 3 illik müddət keçdikdən sonra sığorta olunana və faydalanan şəxsə ödənilən hər hansı məbləğlər gəlir vergisindən azaddır.
2) ildən az olmayan müddətə bağlanan müqavilə ilə həyatın yığım sığortası və pensiya sığortası üzrə sığortaedənin sığortaolunanın gəlirlərinin 50 faizindən çox olmayan hissəsindən Azərbaycan Respublikasının sığortaçılarına ödənilən sığorta haqları, həyatın yığım sığortası və pensiya sığortası üzrə müqavilənin qüvvəyə mindiyi andan etibarən 3 illik müddət keçdikdən sonra sığorta olunana və faydalanan şəxsə ödənilən hər hansı məbləğlər məcburi dövlət sosial sığorta haqqından azaddır.
Göründüyü kimi işçi əmək haqqından gəlir vergisinə və sosial sığortaya yönəldilən hissənin 50 faizinədək həcmdə yığım sığortasına yönəldə və 3 ildən sonra toplanan vəsaiti heç bir vergi və sosial sığorta haqqı hesablanmadan götürə bilər.
Onu da qeyd edək ki, hazırda 4 həyat sığorta şirkəti mövcuddur. Şirkətləri seçmək isə sərbəstdir. Sığortaçını seçərkən toplanan vəsaitlə bağlı təklifləri və vəsaitin toplanması dövründə zərurətləri nəzərə almaq məqsədəuyğundur.
Müəllif: Praktiki Hüquqşünas, Şəhriyar Həbilov
