Böhrandan ən az zərər çəkən Avropa ölkəsinin adı məlum olub
Bloomberg agentliyinin yazdığına görə, bütün AB ölkələri arasında Litva Respublikasının iqtisadiyyatı koronavirus pandemiyasının yaratdığı böhrandan ən az zərər görüb.
Avropa Komissiyası hesab edir ki, Litva Avropa İttifaqı ölkələri arasında ÜDM-in ən kiçik azalmasına (2,2 faiz) nail olacaq. Ekspertlər Litvanı hansısa mənada qalib adlandırıblar: onun iqtisadiyyatı turistlərdən asılı deyil. Fermerlər yaxşı məhsul əldə ediblər və logistik şirkətlər qazanıblar, çünki insanlar internetdə alış-veriş sayını artırıblar.
Onlayn xidmətlərə tələbatın artması ona gətirib çıxarıb ki, informasiya və kommunikasiya texnologiyaları ilə məşğul olan şirkətlər öz satışlarını ikinci rübdə təxminən 50 faiz artırmışlar. Bundan başqa, Litva koronavirusun ilk dalğasına ildırım sürəti ilə reaksiya verib. Karantin cəmi yeddi nəfər xəstələndikdən sonra tətbiq olunub.
Bu tədbir onu Avropada ən az zərər çəkmiş ölkələrdən biri edib. “Səhiyyə sahəsindəki qələbələr iqtisadiyyatın sürətlə bərpasına kömək etdi”, – deyə Vilnüsdə keçirilən INVL Asset Management-in baş iqtisadçısı İndre Genit-Geçene bildirib. Biznesin də bir sıra uğurlu illəri olub. Ekspertlər qeyd edirlər ki, şirkətlər böyük maliyyə ehtiyatlarına malik idi və onların ayaqda qalmasına məhz, bu kömək edib.
Hakimiyyət bəyan edib ki, onların maliyyə ilə problemi yoxdur, dövlətin kifayət qədər vəsaiti var. İstehlakçılar ruhlanıblar: pərakəndə satışlar cəmi iki aydan sonra lokdaundan əvvəlki səviyyəyə dönüb. Hökumət məzuniyyət proqramı təqdim edə, vergilərin ödənilməsini təxirə sala və özünəməşğuliyyətdə çalışan işçiləri subsidiyalaşdıra bilib.
Vergi Məcəlləsinin 218.4-cü maddəsində sadələşdirilmiş vergi ödəyicisi olan şəxslərin dairəsi dəqiq müəyyənləşib. İqtisadçı ekspert Anar Bayramov həmin şəxslərin fəaliyyət sahələrini belə qruplaşdırıb:
Sual:
Vergi ödəyiciləri xidmətlərin göstərilməsi zamanı malların təqdim edilməsi ilə bağlı müəyyən suallarla qarşılaşırlar. Mövzunu iqtisadçı ekspert Anar Bayramov şərh edir.