Mark Zuckerberg bir gün ərzində 7 milyard dollar itirdi
Milyarder, Facebook-un yaradıcısı Mark Zuckerberg bəzi iri şirkətlərin sosial şəbəkədə reklam yerləşdirməkdən imtina etməsindən sonra gün əzində 7,2 milyard dollar kasıblayıb. Bu haqda Bloomberg agentliyi məlumat verib.
Cümə günü, iyunun 26-da, dünyanın ən böyük reklam şirkətlərindən biri olan Unilever, ilin sonuna qədər bütün Facebook məhsullarında, o cümlədən İnstagram-da reklam xərcləməmək qərarını elan etdikdən sonra şirkətin səhmlərinin qiyməti 8,3 faiz aşağı düşüb.
Facebook-da reklamlardan həmçinin telekommunikasiya nəhəngi Verizon və dünyanın ən nəhəng konditer məhsulları istehsalçısı Hershey kimi şirkətlər də imtina ediblər. Coca-Cola şirkəti də reklam yerləşdirilməsini dayandırıb. Onlar bəyan ediblər ki, Facebook ABŞ-da baş verən etirazların fonunda “platformada nifrət və dezinformasiyanın yayılması təzahürlərinə kifayət qədər nəzarət edə bilməyib”.
Bloomberg Billionaire Index-nə görə Zuckerberg-in sərvətinin xalis dəyəri 82,3 milyard dollara qədər düşüb. Hazırda o, dünyanın ən varlı insanları sıralamasında dördüncü pillədədir.
Məlum olduğu kimi, 2020-ci ilin may ayında qaradərili George Floyd-un polis tərəfindən saxlanılarkən, sərt davranış nəticəsində ölümündən sonra ABŞ-ı etiraz dalğası bürümüşdü. Həyəcanlar və kütləvi iğtişaşlar onlarla ABŞ şəhərlərini öz ağuşuna almışdı. Bəzi ştatlarda isə həmin iğtişaşlar talan, qarət, atışma və yanğınlarla müşayiət olunmuşdu.
İnsan resursları üzrə təcrübəçi tələb olunur.
Aşağıdakı şəxslərin işsiz kimi qeydiyyata alınmasına yol verilmir:
Vakansiya: Mühasib tələb olunur.