Oxunma sayı: 131. 949
29 May 2020

Azərbaycanda koronavirusla bağlı yeni sistem yaradıldı

by | posted in: Xəbər | 0

Ani Ödənişlər Sistemi, Küçəyə çıxmaq, icazə qaydaları,Yeni növ koronavirus (COVID-19) infeksiyasına qarşı mübarizə tədbirləri çərçivəsində www.koronavirusinfo.az saytında “Qaydalar hamı üçün eynidir” adlı yeni sistem yaradılıb.

Layihənin məqsədi pandemiya dövründə xüsusi sanitar rejimi tətbiq edilən fəaliyyət sahələri və istiqamətlərdə qaydalara əməl olunmasına ictimai nəzarəti gücləndirməkdir.

Vətəndaşlar qida məshullarının ticarəti, ictimai-iaşə müəssisələri, turizm və otelçilik, ictimai nəqliyyat, vətəndaşların qəbulunu həyata keçirən qurumlar, müxtəlif ticarət, xidmət sahələri və ofislərin fəaliyyətində, eləcə də digər istiqamətlərdə aşkar olunan qayda pozuntuları barədə məlumatları portaldakı WhatsApp nömrəsi (+99451 206 55 72) vasitəsilə göndərə bilərlər. Məlumatlara eyni zamanda qayda pozuntusunu təsdiq edən fotoşəkillər əlavə olunmalıdır.

Bununla vətəndaşlar karantin rejimi dövründə müvafiq qurumları zamanında məlumatlandıraraq ölkədə koronavirus (COVID-19) infeksiyasının yayılmasının qarşısının alınmasına ictimai dəstək göstərmiş olacaqlar.

Qayda pozuntuları barədə məlumatlar, məlumat verən şəxsin anonimliyi qorunmaqla, portalda, eləcə də kütləvi informasiya vasitələrində yayımlanaraq ictimai qınaq təmin ediləcək. Eyni zamanda qayda pozuntusu törətmiş şəxslər qanunvericiliyə uyğun olaraq inzibati və ya cinayət məsuliyyətinə cəlb oluna bilərlər.

Koronavirus (COVID-19) infeksiyasının profilaktikası və yayılmasının qarşısının alınması ilə bağlı Tibbi Ərazi Bölmələrini İdarəetmə Birliyinin (TƏBİB) müxtəlif fəaliyyət sahələrini tənzimləyən metodiki göstərişləri ilə www.koronavirusinfo.az saytında tanış olmaq mümkündür.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

29 May 2020

Mühasib öz işinin səmərəliliyini necə artıra bilər? (4-cü hissə)

by | posted in: muhasibat, Xəbər | 0

Mühasib işinin səmərəliliyi 

III hissəyə nəzər yetirmək üçün keçidə daxil olun

Uzunmüddətli planlaşdırma ilə bağlı prinsip istənilən mühitdə (kağız stikerlər, gündəliklər və s.) həyata keçirilə bilər. Lakin biz sizə ən optimal elektron alətdən, time management-dən – MS Outlook-dan istifadə etməyi tövsiyə edirik.

İntizam pəncərəsi

Outlook-da bütün işlərin siyahısını bir yerdə saxlamağa imkan verən xüsusi bölmə var. Tapşırıqlar üçün  xüsusi konfiqurasiya edilən kateqoriyalar (“00-Gün”, “01-Həftə”, “02-Ay”, “Nə vaxtsa”) bu və ya digər bir tapşırığın aktuallıq kəsb etdiyi zamanda onu sərbəst şəkildə müvafiq bölümə (məsələn, bu gün üçün “00-Gün” kateqoriyasına) köçürməyə imkan verir. Əməkdaş səhər işə gələndə həmin gün üçün lazım olan kateqoriyanı açır. Orada tapşırıqlardan ibarət olan tam siyahını görür. Eləcə də digər kateqoriyalardan olan tapşırıqları təhlil etməklə, onları yerinə yetirmək müddəti və ya imkanı yarandıqda, asanlıqla həmin tapşırıqları müvafiq bölümə köçürür. Tapşırıq (o cümlədən göndərilməsi lazım gələnlər) yerinə yetirildikdən sonra o, işlərin kateqoriyası üzrə siyahıdan çıxarılır. Lakin istənilən anda həmin tapşırıqlara xüsusi qurulmuş əlavələrdə yenə də baxmaq olar.

Beləliklə, iş yerini düzgün təşkil etmək bacarığı, tapşırıqları sürətlə yerinə yetirməkdə mühüm amildir. Diqqət strukturunu və resurslarınızı bölmək qabiliyyətiniz təkcə gününüzü daha realist planlaşdırmağa imkan vermir. Həmçinin kolleqalarınızla  işdə münasibətləri yoluna qoymağa, zaman kimi vacib resursdan  birlikdə düzgün istifadə etməklə bağlı onlarla razılığa gəlməyə imkan verir.

Hər bir mühasib öz işində bu yazıda vurğulanan yaddaş növləri və nümunə gətirilən işə yanaşma metodlarından istifadə etməklə, həm iş tapşırıqlarını sürətli və lazımi səviyyədə yerinə yetirə bilər, həm də kollektivdə nüfuz sahibi ola bilər.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

28 May 2020

Koronavirus pandemiyasından sonra hansı peşələrə tələbat olacaq? (2-ci hissə)

by | posted in: Xəbər | 0

populyar peşələr, Pandemiya,Pandemiya COVİD-19 əmək bazarını dəyişdirəcək. Yaxın vaxtlarda biz bir sıra peşələrin qürub etdiyini və digərlərinə isə tələbatın artacağını görəcəyik.

Proqramçı

Şirkətlərin rəqəmləşdirməyə keçmək cəhdləri proqram təminatının hazırlanmasına marağın artmasına səbəb olacaq. Bəzi şirkətlər özləri rəqəmsal məhsullar yaratmağa çalışacaqlar. Digərləri isə virtual platformaları da daxil olmaqla bazarda mövcud olan həlləri seçəcəklər. İstənilən halda, proqram təminatçılarına ya müştəri tərəfindən, ya da platforma tərəfindən tələbat olacaq.

Big Data üzrə ekspert

İşin rəqəmləşdirilməsi məlumat banklarının kəskin artmasına səbəb olacaqdır. Şirkətlər sahib olduqları sərvəti dərk edəcəklər. Yığılmış məlumatların emalından maksimum yararlanmağa çalışacaqlar. Bu, məlumat kütləsi ilə işləməyi bacaran mütəxəssislərə tələbatın kəskin artmasına səbəb olacaq.

Desinger product

Epidemiyanın yaratdığı şok keçdikdə, şirkətlər tələsməyə başlayacaqlar. Rəqəmsal məhsullar istehsalçılarını “qızıl dövrlər” gözləyir – istifadəçilərin ehtiyaclarını anlaya bilən, yaradıcı və mühəndislik yanaşmalarını birləşdirə bilən və innovativ həllər təklif edə biləcək mütəxəssislər tələb olunur.

VR/AR-translyasiya təşkilatçıları

Karantin video xidmətlərə tələbatı artırıb: Zoom bir anda biznes, təhsil və digər sahələrdə kommunikasiyaların xilaskarı oldu. Şou-biznes sənayesi, çox güman ki, 2020 – ci ilin baharındakı hadisələrdən nəticə çıxaracaq – konsertlərə və tamaşalara biz evdən çıxmadan baxa biləcəyik. Bununla yanaşı, şou-biznes yəqin ki, Youtube-da yayımlanan formatda çox da gecikməyəcək. Yaxın gələcəkdə biz üçölçülü şəkillər və genişlənməyə reallıqdan istifadəni gözləyirik. Teatrlara, konsert zallarına bununla bağlı kontenti rəqəmsal formaya çevirə bilən mütəxəssislər tələb olunacaq.

IT üzrə fərdi məsləhətçi

Rəqəmə marağın artması ilə əlaqədar olaraq, cəmiyyətdə bölünmə baş verəcək. Bəzi insanlar önümüzdəki aylarda görünəcək çoxsaylı yeni rəqəmsal xidmətləri inkişaf etdirməyə tələsəcəklər. Digərləri bu məsələdə çaşqınlıq yaşayacaqlar və dəyişmiş dünya ilə əlaqələr qurmağa, rəqəmsal mühitdə necə davranılacağını izah etməyə və kiber təhlükəsizlik məsələləri ilə bağlı məsləhət verməyə qadir olan köməkçiləri tələb edəcəklər.

Çağrı-mərkəzinin operatoru

Bütün şirkətlər koronavirusun yaratdığı fırtınadan xilas ola bilməyəcəklər. Turizm kimi bəzi sahələrdə yaxın aylarda iş axtarmaq faydasız olacaq. Ola bilsin ki, böhrandan sonra azalmış əmək bazarında ən çox tələb olunan peşələrdən biri də çağrı mərkəzinin operatoru olacaq. Bu peşə demək olar ki, bütün sahələrdə istifadəçilər və şirkətlər arasında əlaqəni təmin edəcək.

Qulluq üzrə köməkçi

Koronavirusun pandemiyası yaşlı insanların və xroniki xəstəlikləri olan xəstələrin sağlamlığına zərər verə bilər. Nəticədə yüksək pensiya təminatı olan ölkələrdə, ilk növbədə, Şimali Avropada ev təsərrüfatının aparılmasına kömək edən sosial işçilərə, baxıcılara, dayələrə tələbat arta bilər. Bu, Şərqi Avropa ölkələrindən olan miqrantlar qarşısında yeni imkanlar açır.

1-ci hissəni oxumaq üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

28 May 2020

Vakansiya: Mühasib – Resant Group

by | posted in: İş elanı, muhasibat, Vakansiya, Xəbər | 0

mühasib üzrə vakansiya, mühasib köməkçisi,Vakansiya: Mühasib (Otel).

İşəgötürən: Resant Group.

Vakansiya barədə məlumat:
  • Otel mühasibinin qarşısında duran əsas vəzifələr otel rəhbərliyinin əmri və işə çıxma tabeli əsasında işçilərin əmək haqlarının, digər ödəmə və ödənişlərin hesablanması, müəyyən edilmiş müddətdə əmək haqqlarının verilməsinə dair cədvəllərin hazırlanmasından ibarətdir.
  • Mühasib otelin Direktorunun əmrlərinə əsasən hər ay məzuniyyətlərin, ezamiyyətlərin, ixtisasartırma kurslarının, təhsil məzuniyyətlərinin və əmək qabiliyyəti olmamaq vərəqəsinin hesablamalarını həyata keçirir.
  • Qüvvədə olan vergi qanunvericiliyinə uyğun olaraq ciddi hesabat sənədləri, maliyyə-iqtisadi əməliyyatları üzrə sənədləşməni rəsmiləşdirir və icra edir.
  • Otelin müxtəlif mədaxil, məxaric orderlərı, ciddi hesabat blankları və s. rəsmi sənədlərin doldurulmasına və hərəkətinə nəzarət edir.
  • Bütün növ ciddi hesabat sənədlərinin qeydiyyatını aparır.
  • Şirkət tərəfindən ona həvalə olunmuş elektron poçt qutusuna mütəmadi olaraq nəzarət edir və elektron yazışmaların operativ cavablandırılmasını icra edir.

İş Şərtləri:

  • İş vaxtı: həftədə 5 gün;
  • Əmək haqqı: 1000-1200 AZN.

Namizədə tələblər

  • Təhsil-Ali;
  • Vergi qanunvericiliyi üzrə bilik və təcrübəyə malik olmaq;
  • 1C , Elektra, Microsoft Office proqramlarını əla səviyyədə bilmək;
  • Otel sahəsində ən azı 5 il iş təcrübəsi;
  • Qərarvermə, liderlik, innovativ idarəetmə, təşkilatçılıq və təşəbbüskarlıq bacarığı
Maraqlanan namizədlər mövzu yerində Mühasib yazmaqla öz CV-lərini / ünvanına göndərə bilərlər.

Mənbə: finstaff.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 1. 282 1. 283 1. 284 1. 285 1. 286 1. 287 1. 288 … 2. 679