Karantin dövründə icarə necə dayandırılmalıdır? (1-ci hissə)
Karantin dövründə icarə necə dayandırılmalıdır? / 1-ci hissə
Əgər şirkət öz fəaliyyətini müvəqqəti dayandırmışsa, məsafədən iş rejiminə keçmişdirsə və ya karantin tədbirləri nəticəsində maliyyə çətinlikləri yaşayırsa, binanın icarəsi üçün ödənişlərlə nə etməli?
“Norma”şikətinin hüquq məsələləri üzrə ekspertləri Eleonora Mazurova və Albert Safin problemin mümkün həlli variantlarını izah ediblər.
Tərəflərin razılığı əsasında öhdəliklərin dəyişdirilməsi
Rəsmiləşdirmənin bu yolu – ən əlverişli və ola bilsin ki, hər iki tərəf üçün rahat olan bir üsuldur. Bağlanması nəzərdə tutulan müqavilənin şərtləri, habelə ona edilən dəyişikliklər tərəflərin razılığı ilə müəyyən edilir. Qanunvericilik də öz növbəsində, icarə məbləğini müvəqqəti azaltmağı və ya icarə müqaviləsinə xitam vermədən icarə ödənişlərini dayandırmağı qadağan etmir.
Buna görə, binanın sahibi kirayəçi olaraq sizinlə maraqlanırsa, bu vəziyyətdə onun getməyə hazır olduğu şərtləri birlikdə müzakirə edin.
TELEGRAM KANALIMIZA ÜZV OLUN
Tərəflərin seçim edə biləcəyi ən optimal şərtləri tövsiyə edirik:
- İcarə haqqının hissə-hissə ödənilməsi və ya təxirə salınması haqqında şərti, müqaviləyə daxil etmək. İcarəçinin hüquqlarına zəmanət vermək üçün əlavə olaraq öhdəliklərin icrasından istifadə etmək mümkündür. Məsələn – zəmanət müqaviləsi bağlamaq;
- İcarə haqqını müvəqqəti olaraq aşağı salmaq. İcarəyə verəni bununla bağlı xəbərdar etmək üçün ona məktub göndərməli. Xahişinizi bu şəkildə təsvir edə bilərsiniz: “Karantin səbəbindən bir sıra məhdudiyyətlərin yarandığı ölkədəki qeyri-sabit vəziyyət şirkətimizin maliyyə vəziyyətinə mənfi təsir göstərib. Bununla əlaqədar sizdən xahiş edirik ki, “__ ” ______ 20_il tarixli XX nömrəli müqavilə üzrə nəzərdə tutulan icarə haqqını azaltmağınızı xahiş edirik. Nəzərinizə çatdırırıq ki, təşkilatımız ödənişləri heç vaxt gecikdirməyib, pul vəsaitini tam həcmdə və vaxtında daxil edib. Əgər siz özünüzü bizim vəziyyətimizdə təsəvvür etsəniz və icarə haqqını aşağı salmağa razılaşsanız, biz də çətin böhran vəziyyətinə baxmayaraq, onun ödənilməsi üçün bütün öhdəlikləri vaxtında və tam şəkildə yerinə yetirəcəyimizə zəmanət veririk”;
- karantin dövründə icarə tətilləri barədə razılığa gəlmək. Bu, icarə haqqının ödənişindən tam şəkildə və ya qismən azad olunması yolu ilə – borc tam ödənilməyənə qədər müəyyən bir müddətə sonrakı artım ilə davam etdirilə bilər.
Məsələn, müqavilə bu şərtlər əsasında dəyişdirilə bilər: 2 ay üçün icarə ödənişi məbləği 50% həcmində və 2020-ci ilin avqust ayına kimi 25% həcmində müəyyən edilə bilər. Sentyabr ayından başlayaraq isə mövcud məbləğ +10% artırılmaqla ödənişlərin davam etdirilməsi. Bizim fikrimizcə, bu, ən düzgün qərardır, çünki bu qərar müəssisənin qısamüddətli çətinliklərini daha asan keçirməsinə imkan verəcək və vaxt keçdikcə sahənin mülkiyyətçisi yenə də öz pulunu alacaq;
-
Müəyyən bir müddət üçün və ya karantinin qüvvədə olduğu müddət ərzində icarə ödənişlərinin dayandırılması. Öz razılığınızı icarə müqaviləsinə əlavə razılaşma ilə rəsmiləşdirin.
Diqqət:
İcarə müqaviləsinin fəaliyyətini dayandırılması ilə bağlı vergi orqanlarını məlumatlandırmağa ehtiyac yoxdur. Daha sonra müfəttişlərdə ödənişlərin olmamasının səbəbləri ilə bağlı suallar yaranarsa, onlara əlavə razılığın bir nüsxəsini təqdim edə bilərsiniz.
2-ci hissəni oxumaq üçün keçidə daxil olun
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
Amazon şirkətinin qurucusu Jeff Bezos, yenə də Forbes jurnalı tərəfindən hər il tərtib edilən dünyanın ən varlı adamlarının siyahısına başçılıq edir. Bezos bu siyahıda sərvətinin həcmi 100 milyard dolları ötən yeganə biznesmendir. 7 aprel 2020-ci il tarixində onun şəxsi kapitalı 113 milyard dollar həcmində dəyərləndirilib.
Kapital Bank ölkədə xüsusi karantin rejiminin tətbiq olunması səbəbindən müştərilərə bir sıra güzəştlər təqdim edir. Asan olmayan bu şəraitdə ən çox ziyan çəkən sahələrdən biri də sahibkarlardır. Bunu nəzərə alaraq, Kapital Bank sahibkarlar üçün növbəti güzəşt imkanını verir.
Vergi Məcəlləsinin 218.6.2-ci maddəsinə əsasən, Məcəllənin 218.5.10-cu maddəsinin müddəalarından asılı olmayaraq vergi ödəyicisi kimi vergi orqanında uçotda olmayan şəxslərə (əhaliyə) göstərilən xidmətlərdən başqa, xidmətlərin göstərilməsini həyata keçirən şəxslər tərəfindən əhaliyə xidmətlə yanaşı, hüquqi şəxslərə və vergi ödəyicisi kimi vergi orqanında uçotda olan fiziki şəxslərə xidmətlərin göstərilməsi həyata keçirilirsə, rüb ərzində elektron qaimə-faktura ilə rəsmiləşdirilməli olan əməliyyatların həcmi xidmətlərin göstərilməsi üzrə ümumi əməliyyatların (satışdankənar gəlirlər istisna olmaqla) həcminin 30 faizindən çox olmadıqda xidmət göstərən tərəf sadələşdirilmiş verginin ödəyicisi ola bilər. Mövzunu iqtisadçı ekspert İsmayıl Bağırov şərh edir.