Oxunma sayı: 155. 486
22 Fev 2020

1.8 milyard manat vergi ödəyən yerli şirkət

by | posted in: Vergi, Xəbər | 0

Müxtəlif ölkələrdə vergilərAzərbaycanın aparıcı mobil rabitə operatoru “Azercell Telekom” 2019-cu ildə dövlət büdcəsinə 112 mln. manat ödəniş həyata keçirib. (vergi)

Bunu “Azercell”in ötən ilin yekunlarına dair təşkil etdiyi konfransda çıxış edən şirkətin prezidenti Vahid Mürsəliyev deyib.

Onun sözlərinə görə, ümumilikdə, 23 il ərzində bu rəqəm 1,845 mlrd. manat olub.

“Şirkət tərəfindən ölkənin telekommunikasiya sahəsinin inkişafına ötən il 94,5 mln. ABŞ dollarından çox, ümumilikdə isə 1,621 mlrd. dollardan artıq sərmayə yatırıb. 2019-cu ildə sosial layihələrə ümumilikdə 253 min dollardan artıq vəsait sərf edilib ki, bu göstərici 23 il ərzində 19 mln. dolları ötüb”, – deyə V. Mürsəliyev qeyd edib.

V. Mürsəliyev onu da əlavə edib ki, 2019-cu il ərzində “Azercell” 1 617 ədəd yeni radio baza stansiyası (RBS) qurub ki, bunlardan 1 217 ədədi 4G şəbəkəsini dəstəkləyir: “Şəbəkə vasitəsilə ötürülən internet trafikin həcmi 304% artıb. Ötən ilin sonu şirkət tərəfindən ölkədə və Cənubi Qafqazda ilk 5G pilot şəbəkəsi istifadəyə verildi”.

Mənbə: apa.az

Bax: 

TELEGRAM KANALIMIZA ÜZV OLUN

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
vergi
22 Fev 2020

Mənfəət vergisinə cəlb edilməyən əməliyyatlar

by | posted in: Vergi, Xəbər | 0

Amortizasiya normaları,Vergi Məcəlləsində 2020-ci il yanvarın 1-dən vergidən azadan olunan, qeyri-sahibkarlıq fəaliyyəti ilə bağlı əməliyyatlarla yanaşı “mənfəət (gəlir) vergisinə cəlb edilməyən əməliyyatlar” ifadəsi yer alıb. (Mənfəət vergisi)

Bununla bağlı Vergilər Nazirliyindən bildirilib ki, Vergi Məcəlləsinin 108-ci maddəsinin 1 yanvar 2020-ci ildən qüvvəyə minən müddəalarına əsasən, vergi ödəyicisi tərəfindən vergiyə cəlb edilən əməliyyatlarla yanaşı, vergidən azad olunan, yaxud mənfəət (gəlir) vergisinə cəlb edilməyən əməliyyatlar aparıldıqda, habelə qeyri-sahibkarlıq fəaliyyəti ilə bağlı əməliyyatlar aparıldıqda, həmin əməliyyatlar üzrə gəlirlərin və xərclərin uçotu ayrılıqda aparılmalıdır. Vergi ödəyicisi tərəfindən vergiyə cəlb olunan və vergidən azad olunan, yaxud mənfəət (gəlir) vergisinə cəlb edilməyən, habelə qeyri-sahibkarlıq fəaliyyəti ilə bağlı əməliyyatlar üzrə çəkilən, lakin bölüşdürülməsi mümkün olmayan xərclərin gəlirdən çıxılan məbləği vergiyə cəlb edilən gəlirlərin vergi ödəyicisinin ümumi gəlirlərində xüsusi çəkisi əsasında müəyyən edilir.

Bu maddədə mənfəət (gəlir) vergisinə cəlb edilməyən əməliyyatlar dedikdə, mənfəət vergisinin vergitutma obyektini yaratmayan gəlirlər nəzərdə tutulur və vergi ödəyicisi tərəfindən vergiyə cəlb edilən əməliyyatlarla yanaşı mənfəət vergisinin vergitutma obyektini yaratmayan gəlirlər əldə edildikdə, bu gəlirlərin əldə olunması ilə bağlı çəkilmiş, lakin bölüşdürülməsi mümkün olmayan xərclər vergiyə cəlb edilən gəlirlərin vergi ödəyicisinin ümumi gəlirlərində xüsusi çəkisi əsasında gəlirdən çıxılır. Belə əməliyyatlara nümunə olaraq, ölkə daxilində daşıma fəaliyyəti üzrə sadələşdirilmiş vergi ödəyicisini göstərmək olar.

Mənbə: vergiler.az

Bax: 

 

TELEGRAM KANALIMIZA ÜZV OLUN

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mənfəət vergisi,
21 Fev 2020

“Facebook” 9 milyard ABŞ dolları məbləğində vergidən yayınıb

by | posted in: Vergi, Xəbər | 0

“Facebook” şirkəti 9 milyard ABŞ dolları məbləğində vergidən yayınıb. (vergidən yayınma)

Bu barədə ABŞ-ın Daxili Gəlirlər Xidməti (İRS) açıqlama verib.

Qurumun verdiyi məlumata görə, “Facebook” 2010-cu ildə İrlandiyadakı törəmə şirkətinə süni azalan qiymətlərlə əqli mülkiyyət satırmış. Bu sövdələşmənin dəyəri 6,5 milyard ABŞ dolları məbləğində dəyərləndirilir. Bundan əlavə, gəlir vergisi ABŞ-da 35% olduğu halda, İrlandiyada cəmi 12,5%-dir.

“Facebook”dan bildirilib ki, beynəlxalq maliyyə bazarlarına çıxmaqla bağlı risklərə görə həmin fəndi işlədiblər.

İRS “Facebook”a qarşı San-Fransisko məhkəməsində iddia qaldırıb.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
facebook, vergidən yayınma
21 Fev 2020

İşçilərin sayı, hərəkəti və əmək haqqı fondu haqqında hesabat formasında dəyişiklik edilib

by | posted in: Xəbər | 0

Statistika hesabatları, Aksiz vergisi üzrə daxilolmalar, DSK, statistika əmək haqqı, Statistika Komitəsi,Dövlət Statistika Komitəsi “İşçilərin sayı, hərəkəti və əmək haqqı fondu haqqında” 4-əmək №-li aylıq rəsmi statistika hesabatı forması və onun doldurulmasına dair göstəriş haqqında” Qərarında dəyişiklik edib. Dəyişiklik rəsmi statistika hesabatı ilə bağlıdır.

İndiyə qədər kiçik sahibkarlıq subyekti olmayanlar aylıq dövriliklə, hesabat ayından sonrakı ayın 15-dək, kiçik sahibkarlıq subyektləri isə rüblük dövriliklə, hesabat rübündən sonrakı ayın 18-dək hesabatı yerləşdiyi rayonun (şəhərin) statistika orqanına və ya elektron formada (məlumatı) www.stat.gov.az internet səhifəsində real-vaxt rejimində təqdim etməli idi.

Qərara əsasən, kiçik sahibkarlıq subyektlərinin rəsmi statistika hesabatını təqdim etməsi müddəti dəyişib, publik hüquqi şəxslər, bələdiyyələr, qeyri-hökumət təşkilatları və digər qeyri-kommersiya təşkilatlarının rəsmi statistika hesabatını təqdim etməsi müddəti dəqiqləşib.

Fevralın 14-dən qüvvəyə minmiş qərara əsasən, kiçik, orta və iri sahibkarlıq subyektləri, publik hüquqi şəxslər, büdcə təşkilatları və büdcədənkənar dövlət fondları aylıq dövriliklə, hesabat ayından sonrakı ayın 15-dək, mikrosahibkarlıq subyektləri, bələdiyyələr, qeyri-hökumət təşkilatları və digər qeyri-kommersiya təşkilatları rüblük dövriliklə, hesabat rübündən sonrakı ayın 18-dək yerləşdikləri rayonun (şəhərin) statistika orqanına və ya elektron formada Dövlət Statistika Komitəsinin internet səhifəsində (www.stat.gov.az) real-vaxt rejimində təqdim etməlidir.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
əmək haqqı fondu
1 … 1. 429 1. 430 1. 431 1. 432 1. 433 1. 434 1. 435 … 2. 694