Blog Full - Muhasibat.Az

Oxunma sayı: 162. 821

26 Fev 2019

Geri qaytarılan mallar vergitutma baxımından necə rəsmiləşdirilir?

by | posted in: Vergi, Xəbər | 0

Geri qaytarılan mallar vergitutma baxımından necə rəsmiləşdirilir?

Sual: Satdığımız malların müxtəlif səbəblərdən alıcılar tərəfindən geri qaytarılması halları olur. Belə hallarda rəsmiləşdirməni necə aparmalıyıq? E-qaimə ilə satdığımız malların geri qaytarılması mümkündürmü? Malların aktla geri qaytarılması aktını əvəz edə biləcək elektron xidmət varmı?
Keçmiş dövrdən satdığımız malların geri qaytarılması zamanı təqdim etdiyimiz ƏDV hesabatlarda nə kimi dəyişikliklər etməliyik?

Cavab: Bildiririk ki, topdansatış ticarət sahəsində fəaliyyət göstərən vergi ödəyicisinin təqdim etdiyi mallar Mülki Məcəllə, “İstehlakçıların hüquqlarının müdafiəsi haqqında” Azərbaycan Respublikasının Qanunu və Azərbaycan Respublikasının digər qanunları ilə müəyyən edilmiş hallarda geri qaytarıldıqda onların dəyərinin alıcıya qaytarılması uçot sənədlərində nəzərə alınır.

Topdansatış ticarət sahəsində fəaliyyət göstərən vergi ödəyicisinin mədaxil etdiyi mallar, həmin malların alqı-satqısına dair müqaviləyə uyğun olaraq, yararlılıq müddətinin bitməsinə və ya digər səbəblərə görə geri qaytarıldıqda, tərəflər arasında “Malların qaytarılması aktı” tərtib edilir.

Əməliyyat tam və ya qismən ləğv edildikdə qiymətləndirmə bazasında dəyişikliyın baş verdiyi hesabat dövründə qaytarılan malların alışını rəsmiləşdirən elektron qaimə-faktura dəqiqləşdirilir və alıcı tərəfindən təsdiqlənir.

Eyni zamanda, vergi tutulan əməliyyat tam və ya qismən ləğv edildikdə, o cümlədən mal tam və qismən geri qaytarıldıqda mal göndərənin, iş görənin və xidmət göstərənin ƏDV məqsədləri üçün vergi tutulan əməliyyatları dəqiqləşdirilir. İlk növbədə dəqiqləşməyə əsas yaranan dövrdə alıcı tərəfindən təsdiqlənmək şərti ilə elektron vergi hesab-faktura dəqiqləşdirilir. Daha sonra büdcəyə ödənilməli olan ƏDV-nin məbləği həmin halların yarandığı hesabat dövrü üzrə vergi ödəyicisi tərəfindən təqdim edilmiş bəyannamədə dəqiqləşdirilir.

Malların geri qaytarılmasının rəsmiləşdirilməsi ilə əlaqədar daha geniş məlumatın alınması üçün Maliyyə Nazirliyinə müraciət edə bilərsiniz.

Bax: Vergi Məcəlləsinin 163-cü, 174-cü və 175-ci maddələri, Azərbaycan Respublikası Prezidentinin 16.06.2017-ci il tarixli 1460 nömrəli Fərmanı ilə təsdiq edilmiş “Topdansatış ticarət fəaliyyəti sahəsində vergitutma məqsədləri üçün gəlirlərin və xərclərin uçotunun aparılması Qaydası”, Azərbaycan Respublikası Nazirlər Kabinetinin 2017-ci il 14 mart tarixli 89 nömrəli qərarı ilə təsdiq edilmiş “Elektron qaimə-fakturanın tətbiqi, uçotu və istifadəsi Qaydaları”, Azərbaycan Respublikası Nazirlər Kabinetinin 28 sentyabr 2009-cu il tarixli 156 nömrəli qərarı ilə təsdiq edilmiş “Elektron vergi hesab-fakturalarının tətbiqi, uçotu və istifadə Qaydaları”

Mənbə: taxes.gov.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

25 Fev 2019

Bir çox sosial müavinətlər artırıldı

by | posted in: Ümumi, Xəbər | 0

Bir çox sosial müavinət artırıldı

Əhalinin sosial müdafiəsinin gücləndirilməsi

sahəsində əlavə tədbirlər haqqında Azərbaycan

Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, əhalinin sosial müdafiəsinin gücləndirilməsi sahəsində tədbirləri davam etdirmək və bu tədbirlərin əhatə dairəsini daha da genişləndirmək məqsədi ilə qərara alıram:

1. Azərbaycan Respublikasının Əmək və Əhalinin Sosial Müdafiəsi Nazirliyi aşağıdakılarla bağlı normativ hüquqi aktların layihələrini on beş gün müddətində hazırlayıb Azərbaycan Respublikasının Prezidentinə təqdim etsin:

1.1. yaşa görə sosial müavinətin məbləğinin 130 manata çatdırılması;

1.2. sosial müavinətin məbləğinin I qrup əlilliyə görə 150 manata, II qrup əlilliyə görə 130 manata, III qrup əlilliyə görə isə 110 manata çatdırılması;

1.3. sağlamlıq imkanları məhdud 18 yaşınadək uşaqlara sosial müavinətin məbləğinin 150 manata çatdırılması;

1.4. ailə başçısını itirməyə görə sosial müavinətin məbləğinin 80 manata çatdırılması;

1.5. valideynlərini itirmiş və valideyn himayəsindən məhrum olmuş uşaqların qəyyumlarına (himayəçilərinə) sosial müavinətin məbləğinin 100 manata çatdırılması;

1.6. müddətli həqiqi hərbi xidmət qulluqçularının uşaqlarına sosial müavinətin məbləğinin 100 manata çatdırılması;

1.7. beşdən çox uşağı olan qadınlara sosial müavinətin məbləğinin hər uşaq üçün 55 manata çatdırılması;

1.8. uşağın anadan olmasına görə sosial müavinətin məbləğinin 200 manata çatdırılması;

1.9. dəfn üçün ödənilən sosial müavinətin məbləğinin 300 manata çatdırılması;

1.10. I qrup əlillərə və ya sağlamlıq imkanları məhdud 18 yaşınadək şəxslərə qulluq üçün əmək pensiyasının sığorta hissəsinə əlavə əvəzinə I qrup əlilliyi olan şəxslərə qulluq edənlərə və sağlamlıq imkanları məhdud 18 yaşınadək uşaqlara qulluq edənlərə 50 manat məbləğində Azərbaycan Respublikası Prezidentinin təqaüdünün təsis edilməsi;

1.11. müharibə veteranlarına kommunal, nəqliyyat və digər xidmətlərə görə sosial müavinət, habelə döyüşən ordunun tərkibində xidmət etmiş müharibə iştirakçılarının əmək pensiyasının sığorta hissəsinə əlavə əvəzinə 80 manat məbləğində Azərbaycan Respublikası Prezidentinin təqaüdünün təsis edilməsi;

1.12. müharibə əlillərinə Azərbaycan Respublikası Prezidentinin təqaüdünün məbləğinin I qrup əlilliyə görə 250 manata, II qrup əlilliyə görə 230 manata, III qrup əlilliyə görə 210 manata çatdırılması;

1.13. əlillik ümumi xəstəlik, hərbi xidmət dövründə xəstələnmə, əmək zədəsi və peşə xəstəliyi, hərbi əməliyyatlar keçirilən zonada olmaqla əlaqədar, Çernobıl AES-də qəzanın ləğvi ilə əlaqədar səbəblərdən baş verdikdə I qrup əlilliyə görə sosial müavinət alanlara Azərbaycan Respublikası Prezidentinin təqaüdünün əmək pensiyası almaq hüququ olan I qrup əlillərə (gözdən əlillər istisna olmaqla) şamil olunması və məbləğinin 100 manata çatdırılması;

1.14. 1941 – 1945-ci illər Böyük Vətən müharibəsi iştirakçılarına, İkinci Dünya müharibəsi dövründə Leninqrad şəhərinin mühasirəsi zamanı şəhərin müəssisələrində, idarə və təşkilatlarında işləmiş və “Leninqradın müdafiəsinə görə” medalı, “Leninqrad mühasirəsində yaşayan” döş nişanı ilə təltif edilmiş şəxslərə (müharibə əlilləri istisna olmaqla) Azərbaycan Respublikası Prezidentinin təqaüdünün məbləğinin 150 manata çatdırılması.

2. Azərbaycan Respublikasının Nazirlər Kabinetinə tapşırılsın ki, bu Sərəncamdan irəli gələn digər məsələləri həll etsin.

İlham Əliyev

Azərbaycan Respublikasının Prezidenti

Bakı, 25 fevral , 2019-cu il.

Mənbə: president.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

25 Fev 2019

Xoşbəxt insanların uğur formulaları (6-cı hissə)

by | posted in: Məqalə, Xəbər | 0

Xoşbəxt insanların uğur formulaları

Nigel Cumberland

Əvvəlki hissəni oxumaq üçün keçidə daxil olun.

6-cı hissə

Qoy işiniz sizdən ötrü zövq mənbəyi olsun

Gec ya tez elə zaman gəlir ki, siz ürəyiniz istəyəni etmək istəyirsiniz.

Elə bir işə düzəlin ki, o, həqiqətən sizin xoşunuza gəlsin və hər siz yuxudan sevinclə oyana biləsiniz. Əgər siz sevmədiyiniz bir işdə çalışmaqda davam edirsinizsə, deməli ağlınız yerində deyil.

Warren Buffett

İşiniz xoşunuza gəlir? Siz hər səhər yuxudan oyandıqda, ayağa durarkən və ofisə getmək üçün geyinərkən, sevinirsinizmi? Əgər, bir dəfə də olsa, “yox” demisinizsə, onda siz tək deyilsiniz. Conference Board assosiasiyasının 2014-cü ildə həyata keçirdiyi tədqiqata görə amerikanların 52 faizi iş yerində özlərini xoşbəxt hiss etmirlər. Personalın inkişafı ilə bağlı bir institutun apardığı son tədqiqata görə isə respondentlərin yalnız üçdə biri özlərinin indiki işlərindən razılıq ediblər, 23 faiz isə yeni iş yeri axtarışında olduqlarını bildiriblər.

Yəqin ki, uğursuz iş seçimi həyatın bu qədər vacib hissəsini tutmadığı təqdirdə belə ciddi bir problem olmayacaqdır, axı biz günün bütün işıqlı vaxtını demək olar ki, işdə keçiririk. Əgər, həftədə beş gün və gün ərzində doqquz saat işləsək, il ərzində 2250 saat edir. Biz hələ bura iş saatından əlavə çalışmaları, ofisə və oradan geriyə evə sərf olunan zamanı və evdə olarkən işgüzar yazışmaları kompüter arxasında oxudumuz vaxtı hesaba almırıq.

Məşqçi olaraq işlədiyim əksər insanlar öz fəaliyyətlərini olduqca məyus ibarələrlə qeyd edirlər, onu darıxdırıcı, bezikdirici, küt, gərgin, məşəqqətli və hətta qorxulu adlandırırlar.

Bu belə oldu-olmadı, pensiyaya çıxana və ya miras kimi nəsə əldə etməyənə kimi yaşamaq üçün çalışmalı olursan. O səbəbdən siz hər bir iş günündən mümkün qədər daha çox sevinc və həzz hissi almağı özünüzə təmin etməlisiniz. O dərəcədə təmin etməlisiniz ki, iş sizdən ötrü məşəqqətli bir çalışma yeri olmaqdan çıxa bilsin.

Siz sadəcə iş günündən nə qədər mümkünsə bir o qədər sevinci və zövqü özünüzə təmin etməyə borclusunuz.

Fəaliyyət üçün təlimat

Öz işinizi maraqlı edin

İş günü ərzində həqiqətən xoşunuza gələni və nədən zövq ala bilirsinizsə onu etməyə çalışın. İşinizin ürəyinizdən olmayan, xoşunuza gəlməyən tərəflərini digər birinə yönləndirmək mümkündürmü? Bu haqda rəisinizlə danışın və birlikdə iş öhdəliklərinizin siyahısında nələri dəyişdirməyin mümkünlüyünü araşdırın. Güman etmirəm ki, öz əməkdaşlarını motivasiya etmək istəməyən və onları məyus görmək istəyən rəhbər işçilər tapılsın.

Əgər işin özünü korrektə etmək imkanları yoxdursa, onda işə münasibəti dəyişdirmək lazımdır. Öhdəliklərinizin məyusedici və darıxdırıcı olduğu barədə düşünməməyə çalışın: baş verənləri “stəkan yarıya qədər doludur, yarıya qədər boşdur” prinsipini ilə dəyərləndirin. Öz gündəlik işinizdə və ümumilikdə karyeranızda müsbət olanları tapın.

Öz iş yerinizi canlandırın

İş şəraitini necə təkmilləşdirmək, oranı necə asan və xoşagələn etmək olar? Dostlarınızla söhbət edin, onların ofislərinə gedin, xoşunuza gələn nümunələri öz iş yerinizdə tətbiq edin. Mən müxtəlif ofislərdə olmuşam və onların bəziləri digərlərindən şən və xoşəgəlimli olmaqları ilə kəskin fərqlənirdilər. Çünki:

adamlar gülümsəyir, bir-birlərinə hadisələr danışır, musiqi sələnirdi;
kofe içmək və hansısa bir oyun oynamaq üçün istirahət yeri var idi;
hamı pozitivdir, bir-birinə qarşı xeyirxah və lütfkardırlar.

İşin özü darıxdırıcı və bezikdirici ola bilər, lakin ətrafdakıların və mövcud olan əhvali-ruhiyyənin xoşagəlimli olması, bunları kompensasiya etməyə və əhvalı yüksəltməyə qabildir.

Davam edin

Və həqiqətən də hazırkı iş yerini və ofisdəki atmosferi dəyişdirmək mümkün deyilsə, onda işdən çıxmaq barədə düşünün. Özünüz uyğun gələn bir yeri axtarın, elə bir iş yeri ki, sizə sevinc gətirəcək və orada günləriniz çox maraqlı keçəcək. Həyat çıx qısadır, onu sizi xoşbəxt edə bilməyən və depressiyaya gətirib çıxaran şeylərə həsr etmək olmaz.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Mühasibat, Audit və Kadr Xidmətləri üçün linkə daxil olun.

25 Fev 2019

Dünya ölkələrində əmlak vergisi (6-cı hissə)

by | posted in: Məqalə, Vergi, Xəbər | 0

Dünya ölkələrində əmlak vergisi (6-cı hissə)

Daşınmaz əmlak almaq, daimi yaşayış yeri əldə etmək və ya sahibkarlıq fəaliyyəti göstərmək üçün ölkə seçərkən, ilk növbədə insanı həmin ölkədə mövcud olan vergi qanunvericiliyi maraqlandırır.

Bu dəfəki yazımızda Sloveniya, Amerika Birləşmiş Ştatları və Tailandda mövcud olan göstəricilərdən bəhs edəcəyik.

Sloveniya. Bu ölkədə əmlak alınması zamanı 2% vergi tutulur. Əmlakın qeydiyyatı üçün 0,01-0,5% miqdarında vergi ödəmək lazım gəlir.

Yeni əmlaka görə ƏDV tutulmur. Əmlaka görə tutulan illik vergi 0,1-1,0% təşkil edir. Kapital artımına görə 25% vergi nəzərdə tutulub. Vərəsəlik və ya miras yolu ilə keçən əmlaka görə 0-39% arası vergi ödəməli olursan. Bu ölkədə fiziki şəxslərdən 16-50% arası, hüquqi şəxslərdən isə 17% gəlir vergisi tutulur.

ABŞ. Amerikada yeni alınan daşınmaz əmlaka görə vergi ödənişi yoxdur. Əmlakın qeydiyyatı zamanı 0,2-0,5% arası vergi tutulur. Bu ölkədə yeni alınan əmlaka görə ƏDV də tutulmur. Daşınmaz əmlaka görə illik vergi kimi 1% ödəmək lazım gəlir. Kapital artımına görə ABŞ-da 20% vergi tutulur. Mirasa və ya vərəsəlik yolu ilə keçən əmlaka görə isə vergi 18-40% arasında tərəddüd edir. Birləşmiş ştatlarda fiziki şəxslərdən 10-39,6%, hüquqi şəxslərdən isə 15-39% arası gəlir vergisi tutulur.

Tailand. Bu cənubi-şərq ölkəsində əmlakın satın alınmasından 0,1-3,3% vergi tutulur. Qeydiyyata salınması üçün isə 1-2% arası vergi ödəməli olursan. Yeni əmlaka görə ƏDV nəzərdə tutulmayıb. Əmlaka görə illik vergi bir raya görə (1600 kv metr torpaq) bir neçə bat – 0-35 (1 bat – 0,032 ABŞ dolları) vergi ödəməli olursan. Kapital artımına görə 0-35% arası vergi tutulur. Mirasa görə vergi tutulmur, amma, hədiyyə kimi verilən əmlakdan 0-35% arası vergi ödəmək lazım gəlir. Fiziki şəxslərdən 0-35, hüquqi şəxslərdən isə 20% vergi tutulur.