Blog Full - Muhasibat.Az

Oxunma sayı: 167. 615

17 İyn 2018

Əsas məqsəd vergi ödəyiciləri ilə münasibətlərin partnyorluq səviyyəsində qurulmasıdır

by | posted in: Vergi, Xəbər | 0

Prezident İlham Əliyev tərəfindən qanunvericilik təşəbbüsü qaydasında Milli Məclisə təqdim olunan «Sahibkarlıq fəaliyyətində yoxlamaların dayandırılması haqqında» qanun layihəsinin parlamentdə qəbul edilməsindən sonra 2015-ci il noyabrın 1-dən sahibkarlıq subyektlərində yoxlamalar iki il müddətinə dayandırıldı. Qanunun müvafiq müddəalarına əsasən, iki il ərzində yalnız vergi yoxlamaları, insanların həyat və sağlamlığına, dövlətin təhlükəsizliyinə və iqtisadi maraqlarına təhlükə yaradan hallar üzrə siyahısı müvafiq icra hakimiyyəti orqanı tərəfindən müəyyən edilən yoxlamalar aparılmalı idi. Həmin yoxlamalar müvafiq icra hakimiyyəti orqanı tərəfindən müəyyən edilən məhdudiyyətlər nəzərə alınmaqla həyata keçirilir.

Ötən ilin sonunda ölkə başçısı «Sahibkarlıq sahəsində aparılan yoxlamaların dayandırılması haqqında» Qanunda dəyişikliklər edilməsi barədə qanun imzalayıb. Həmin sənədə əsasən, sahibkarlıq sahəsində aparılan yoxlamaların dayandırılması 2021-ci il yanvarın 1-dək uzadılıb.

Qanunun müddəaları vergi yoxlamalarına şamil olunmasa da, kiçik sahibkarlıq subyektlərində səyyar vergi yoxlamalarının və operativ nəzarət tədbirlərinin (əmək müqavilələrinin bağlanmasına və aksizli məhsulların satışı zamanı aksizlərin tətbiqinə nəzarət və dövriyyənin müəyyənləşdirilməsi üçün xronometraj metodu ilə müşahidələrin aparılması istisna olmaqla) keçirilməsi müvəqqəti olaraq azaldıldı və bu tendensiya davam etdirilir. Məsələn, 2018-ci ilin ilk dörd ayında əvvəlki ilin eyni dövrü ilə müqayisədə səyyar vergi yoxlamalarının sayında 40 faiz azalma olub.

Vergilər Nazirliyinin bu məsələdə mövqeyi belədir ki, vicdanlı vergi ödəyicisi ilə qanunun tələblərinə məhəl qoymayan ödəyici arasında fərq qoyulmalıdır. Vergi orqanının vəzifəsi isə səhvin başvermə anını gözləmək deyil, bütün vasitələrlə onun qarşısını almaqdır. Vergi siyasətinin əsas məqsədi vergi ödəyiciləri ilə münasibətlərin partnyorluq səviyyəsində qurulması, kiçik və orta bizneslə məşğul olan vergi ödəyicilərinin inkişafı, nəzarət etməkdən çox onlarla əməkdaşlıq münasibətlərinin yaradılmasıdır.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

17 İyn 2018

Avropada müəssisələrin vergidən yayınmaq imkanları daraldılır

by | posted in: Vergi, Xəbər | 0

Avropada müəssisələrin vergidən yayınmaq imkanları daraldılır

Avropa İttifaqı Şurası vergilər sahəsində çalışan məsləhətçilərin, hüquqşünasların və mühasiblərin üzərinə müştərilərin istifadə etdikləri aqressiv vergi sxemləri ilə bağlı yerli vergi orqanlarına məlumat vermək öhdəliyi qoymuşdur. Yerli orqanlar isə onlardan aldıqları informasiyaları hər rüb Aİ-yə üzv olan başqa ölkələrdəki həmkarları ilə bölüşəcəklər. «Yeni qaydalar vergi ödəməkdən yayınmaya qarşı mübarizə strategiyamızın əsas hissəsidir», – Aİ Şurasının açıqlamasında bildirilmişdir.

Həmçinin oxu: Bu ölkədə sosial şəbəkələrdən istifadə üçün vergi tutulur

Vergi məsləhətçiləri çirkli pulların yuyulmasına qarşı qanunvericilik bazasının zəif olduğu vergi tutulmayan və ya vergi dərəcələri aşağı olan yurisdiksiya və dövlətlərə ödənişləri əhatə edən aqressiv sxemlər haqqında məlumatları vergi orqanlarına ötürəcəklər. Vergi orqanlarını daha çox maraqlandıran məsələlərdən biri də vergi güzəştləri naminə həyata keçirilən sövdələşmələrdir. Bu sövdələşmələr zamanı eyni aktivlər üçün müxtəlif ölkələrdə güzəştlər əldə edilməklə transfert qiymətləndirmə qaydaları ciddi şəkildə pozulur.

Yeni direktivə əsasən, yalnız vəkillik sirrinə aid məlumatların açıqlanmasına icazə verilməyəcək. Aİ ekspertlərinin açıqlamasında o da göstərilmişdir ki, aqressiv vergi sxemləri haqqında məlumatın verilməsi heç də hər hansı əməliyyatın qanunsuz olması demək deyildir, lakin bu, vergi orqanlarının əməkdaşları üçün qanunsuzluqları aşkara çıxarmağa kömək edə bilər.

Yeniliklə bağlı Aİ-yə üzv ölkələr öz milli qanunvericilik aktlarında 31 dekabr 2019-cu ilə qədər müvafiq dəyişiklik aparmalıdırlar. Vergi ödəməkdən yayınmaya qarşı mübarizə məqsədi daşıyan məlumat mübadiləsi ilə bağlı yeni qaydalar isə 2020-ci ilin iyul ayının 1-dən qüvvəyə minəcək.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

17 İyn 2018

İşçi dəyəri ilə bağlı dünya reytinqi

by | posted in: Məqalə, Vergi, Xəbər | 0

Dünya ölkələrində işçi dəyəri ilə bağlı maraqlı tədqiqat aparılıb. Rusiyanın blogs.klerk.ru saytı sözügedən tədqiqatla bağlı yazı yerləşdirib. Həmin məqalənin maraqlı olacağını nəzərə alıb, onu oxucuların diqqətinə çatdırırıq.

PWC-nin 189 ölkədə işçi dəyəri ilə bağlı tədqiqat həyata keçirib. Həmin tədqiqata əsasən, Rusiya işəgötürənləri hər bir işçiyə görə dövlətə onun maaşının 47 faizini ödəyir. Ümumilikdə təşkilatlar bir əməkdaşa görə yeddi ödəniş həyata keçirirlər. Bütün sənədlərin hazırlanması və üç əsas verginin (şirkətin gəlirlərinə görə vergi, əməyə görə vergi və istehlaka görə ödənilən məcburi üzvlük haqları) ödənilməsinə Rusiya işəgötürənləri il ərzində orta hesabla 168 saat vaxt sərf edirlər.

ABŞ-dan olan işəgötürənlər isə əməkdaşın məvacibinin 43,9 faizini dövlətə ödəməli olurlar ki, bu zaman 11 ödəniş həyata keçirilir. Əsas prosedurlara 175 saat vaxt sərf edilir.

Ən sadə vergi ödənişlərinə görə BƏƏ və Qətər dövlətləri reytinqdə ilk sıralarda yerləşiblər. BƏƏ-də işəgötürən dövlətə əməkdaşın maaşının 15,9 faizini ödəyir və cəmi dörd ödəniş həyata keçirir. Əsas vergi ödənişlərinə orta hesabla 12 saat zaman gedir. Qətərdə isə vergi ödənişləri bir qədər aşağıdır – 11,3% – lakin əsas prosedurları tamamlamaq üçün 41 saat vaxt gedir. Reytinqdə üçüncü yerdə 15 faizlik vergi ödənişləri və 64 saat çəkən, üç prosedurdan ibarət ödənişlərlə və buna 64 saat vaxt sərf edən Səudiyyə Ərəbistanı qərarlaşıb.

Rusiya reytinqdə 47-ci yeri tutub. Belarus 63-cü yerə layiq görülüb. Bu ölkədə bir işçiyə görə şirkət rəhbərliyi əməkhaqqı həcminin 51,8 faizini dövlətə ödəyir və yeddi müxtəlif ödəniş həyata keçirir. Prosedurlara 176 saat vaxt sərf edilir. Ukrayna – 107-ci yerdədir (burada bir əməkdaşa görə məvacibin 52,2 faizi dövlətə verilir, işəgötürən beş ödəniş həyata keçirir, əsas prosedurlar 350 saat vaxt aparır).

Boliviya reytinqdə sonuncu yeri tutub. Burada işəgötürən hər əməkdaşın maaşının 83,7% dövlətə ödəyir və bu zaman 42 prosedur həyata keçirilir ki, buna da 1045 saat zaman sərf edilir.

Hamıdan çox ödəmələri isə Komor Adaları İttifaqından olan şirkətlər həyata keçirir – hər bir əməkdaşa görə əməkhaqqının 216,5% həcmində. Ən yüksək ödəmələrə gəldikdə, burada birincilik Venesuelaya (inflyasiyaya görə) aiddir. Bu ölkədə işəgötürənlər hər əməkdaşa görə dövlətə 70 əməkhaqqı həcmində ödəmə həyata keçirirlər.

Təəssüflər olsun ki, yazıda Azərbaycanla bağlı rəqəmlər öz əksini tapmayıb. Amma dünya üzrə reytinqdə 40-50-ci yerlər arasında qərarlaşıb.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun.

17 İyn 2018

Ticarət mərkəzinə Mühasib köməkçisi tələb olunur

by | posted in: İş elanı, muhasibat, Xəbər | 0

Şirkətə mühasib köməkçisi tələb olunur.

İşəgötürən: “SAMİRAMİS” firması

Namizədə tələblər:

– Ali iqtisad təhsilli ;
– Microsoft Excell ;
– “Microsoft office” proqramlarını , İngilis, Rus dillərini bilənlərə üstünlük verilir.
– Mühasibatlıq üzrə iş təcrübəsi – 2 ildən artıq.

Həmçinin bax: 500 manat məvaciblə mühasib köməkçisi tələb olunur

– Yaş: 20 – 40.
– Məsuliyyətli.
– Bank və kassa əməliyyatlarını bilməli.

İş qrafiki:

– Həftədə 5 gün.
– Saat 10.00 – 19.00
– İş yeri şəhərin mərkəzindədir.
– Əmək məcəlləsinə uyğun sənədləşmə.

Yuxarıda qeyd olunan tələblərə uyğun gələn namizədlərdən mövzu yerində “ Mühasib köməkçisi ” qeyd edərək öz CV-lərini mükəmməl şəkildə email ünvanına göndərməyiniz xahiş olunur.

Mənbə: jobsearch.az