Blog Full - Muhasibat.Az

Oxunma sayı: 171. 350

15 Fev 2018

Orenburqda Baş mühasib şirkətdən 600 min rubl oğurluq edib

by | posted in: muhasibat, Xəbər | 0

Fevralın 6-da Orenburq vilayət məhkəməsi 600 min rubldan çox pulu mənimsəməkdə ittiham edilən orenburqlu xanımla bağlı məhkəmə qərarını dəyişdirmədən, hökmü qüvvədə saxlayıb. Qadın mühasib il yarım müddətinə azadlıqdan məhrum edilib.

Məhkəmə istintaqı zamanı məlum olub ki, dəmiryol daşımaları və tikintidə istifadə edilən daş-çınqıl satışı ilə məşğul olan şirkətdə Baş mühasib işləyən qadın müəssisəyə məxsus pulları mənimsəyib. Elektron imzaya çıxışı olan mühasib saxta sənədlər əsasında müəssisəyə məxsus pulların bir hissəsini öz atasının şirkətinin, qalan məbləği isə üçüncü bir şirkətin hesabına köçürüb.

Orenburqun Lenin rayon məhkəməsi qadının barəsində cəzasını ümumi rejimli islah-əmək düşərgəsində çəkməklə 1,5 il həbs cəzası və 10 min rubl məbləğində cərimə hökmü çıxarıb. Müttəhim həmin hökmdən apellyasiya şikayəti versə də, Orenburq vilayət məhkəməsi birinci instansiya məhkəmə hökmünü dəyişdirmədən qüvvədə saxlayıb.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

15 Fev 2018

Azərbaycanın xarici dövlət borcu nə qədərdir?

by | posted in: Maliyyə, Xəbər | 0

01 yanvar 2018-ci il tarixinə Azərbaycan Respublikasının xarici dövlət borcu 9,398.3 milyon ABŞ dolları (15,978.1 milyon manat), xarici dövlət borcunun Ümumi Daxili Məhsul`a (ÜDM) olan nisbəti 22.8 faiz (2017-ci il üçün hesablanmış 70,135.1 milyon manat ÜDM-ə nisbətdə) təşkil etmişdir. Borca hökumətin birbaşa öhdəlikləri və dövlət zəmanətilə cəlb edilmiş kreditlər üzrə şərti öhdəliklər daxil edilmişdir.
Xarici dövlət borcu beynəlxalq maliyyə institutlarından infrastruktur layihələri və maliyyələşmə proqramları üçün cəlb edilmiş kreditlərdən, həmçinin beynəlxalq maliyyə bazarlarında yerləşdirilmiş qiymətli kağızlardan ibarətdir.

Mənbə: maliyye.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

15 Fev 2018

Topdan satış müəssisəsi Nəzarət Kassa Aparatı ilə satışı rəsmiləşdirə bilər?

by | posted in: Xəbər | 0

Sual: İstehsal müəssisəsində kassa nəzarət aparatı quraşdırılıbsa təqdim etdiyi malları həmin kassa aparatı ilə topdansatış qiymətlə topdan satırsa həmin dövriyyəni topdansatış dövriyyə kimi göstərməlidir ya pərakəndə satış dövriyyə kimi göstərməlidir?

Cabab: Bildiririk ki, topdan ticarət fəaliyyətini həyata keçirən şəxslər tərəfindən həmin fəaliyyətin məqsədləri üçün nəzarət-kassa aparatının tətbiq edilməsi Vergi Məcəlləsində nəzərdə tutulmamışdır. Rəsmiləşdirmənin NKA vasitəsi ilə aparılması yalnız pərakəndə ticarətə aiddir. Belə ki, topdansatış ticarət obyektlərindən mallar yalnız sahibkarlıq fəaliyyəti subyektlərinə elektron qaimə-faktura və ya elektron vergi hesab-faktura ilə rəsmiləşdirilməklə təqdim edilməlidir.

Bax: Vergi Məcəlləsinin 13.2.62-ci və 13.2.63-cü maddələri.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

14 Fev 2018

Vergilər Nazirliyindən şikayət edən şirkətlərin adları açıqlanıb

by | posted in: Vergi, Xəbər | 0

Ötən il hüquqi şəxslərdən və sahibkarlardan daxil olan 278 şikayətdə vergi, hüquq mühafizə, şəhər və rayon icra hakimiyyəti orqanlarının, ayrı-ayrı vəzifəli şəxslərin sahibkarların işinə maneələr yaratmasından narazılıq bildirilib və kömək istənilib”.

Azərbaycan Respublikası Prezidenti Administrasiyasının Sənədlərlə və vətəndaşların müraciətləri ilə iş şöbəsinin müdiri Süleyman İsmayılov bildirib.

S.İsmayılov qeyd edib ki, sahibkarlar bəzi hallarda vergi orqanlarının onlara əsassız olaraq külli miqdarda borc yazmasından, buna görə fəaliyyətlərini dayandırmağa məcbur olduqlarından, Vergilər Nazirliyinin Bakı Şəhəri Lokal Gəlirlər Departamenti tərəfindən bank hesablarının bloklanmasından, qanunsuz sərəncamların tətbiq edilməsindən və digər məsələlərdən narazılıqlarını bildiriblər: ““Yanar Dağ” QSC, “Telko Qafqaz”, “Metals LTD”, “N-Link İNTELLİGENT SOLUTİONS”, “Qlobal Finans”, “Qartal-A”, “İnter Qarden”, “Relax” MMC-lərin, “İnkomservis” firmasının rəhbərləri və başqaları məhz Vergilər Nazirliyinin onların fəaliyyətinə mane olduğunu yazıb, bir çox kiçik sahibkarlar, həmçinin bəzi vətəndaşlar nazirliyin Gəncə, Lənkəran, Sumqayıt, Şirvan, Yevlax, Göyçay idarə və departamentləri işçilərinin onlara qarşı əsassız təzyiqlərindən şikayətləniblər”.

Mənbə: report.az