Blog Full - Muhasibat.Az

Oxunma sayı: 152. 848

17 İyn 2021

“ASAN müraciət” mobil tətbiqi istifadəyə verilib

by | posted in: Xəbər | 0

Azərbaycan Respublikası Prezidentinin 2020-ci il 21 avqust tarixli 2232 nömrəli Sərəncamının 1-ci hissəsinə əsasən ictimai xarakter daşıyan kommunal, yol və nəqliyyat problemləri, infrastrukturun cari təmiri, abadlaşdırılması və təmizliyi ilə bağlı şikayətlərin elektron xəritə üzərində qeyd edilməklə operativ surətdə aidiyyəti dövlət qurumlarına göndərilməsini və həmin şikayətlərə baxılmanın nəticələrinin izlənilməsini təmin edən “ASAN müraciət” informasiya sistemi yaradılması tapşırığı verilib.

Sərəncama əsasən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tərəfindən “ASAN müraciət” informasiya sisteminin fəaliyyətinin təşkili, idarə olunması və təkmilləşdirilməsi məqsədi ilə sistem yaradılıb, mobil tətbiq istifadəyə verilib.

“ASAN müraciət” informasiya sistemi pilot layihə kimi Sumqayıt şəhərində istifadəyə verilib. Sumqayıt şəhər sakinləri bu sistemin imkanlarından yararlana bilirlər. Sistem qısa müddətdə ölkə ərazisini əhatə edəcək.

Pilot layihədə icraçı təşkilat qismində doqquz qurum iştirak edir:

1. Sumqayıt Şəhər İcra Hakimiyyəti

2. “Azəriqaz” İstehsalat Birliyi

3. “Azərişıq” Açıq Səhmdar Cəmiyyəti

4. “Azərsu” Açıq Səhmdar Cəmiyyəti

5. “Azəristiliktəchizat” Açıq Səhmdar Cəmiyyəti

6. Azərbaycan Avtomobil Yolları Dövlət Agentliyi

7. Azərbaycan Respublikasının Ekologiya və Təbii Sərvətlər Nazirliyi

8. Azərbaycan Respublikasının Fövqəladə Hallar Nazirliyi

9. Azərbaycan Respublikasının Nəqliyyat, Rabitə və Yüksək Texnologiyalar Nazirliyi

Mobil tətbiqi “Android” və “iOS” əməliyyat sistemlərindən yükləmək mümkündür:

“Android”: https://play.google.com/store/apps/details?id=az.asan.asanapply

“iOS”: https://apps.apple.com/us/app/asan-m%C3%BCraci%C9%99t/id1561571608

Mənbə: apa.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

17 İyn 2021

Əlilliyi olan şəxslər üçün yeni layihə başlayıb

by | posted in: Xəbər | 0

“Son illərdə əlilliyi olan şəxslərin, sağlamlıq imkanları məhdud uşaqların müavinət və təqaüdlərinin artırılması istiqamətində mühüm addımlar atılıb. Eyni zamanda, əlilliyi olan şəxslərin reabilitasiya imkanlarının artırılması sahəsində ardıcıl işlər aparılır”.

Bunu “PAŞA Bank ilə başla” layihəsinin təqdimatında Əmək və Əhalinin Sosial Müdafiəsi nazirinin müavini Hidayət Abdullayev bildirib. Onun sözlərinə görə, son iki ildə və bu ilin ötən dövründə 12 reabilitasiya və sosial xidmət müəssisəsi əsaslı təmir və yenidənqurmadan sonra istifadəyə verilib. Ölkədə müasir reabilitasiya sistemi yaradılıb: “Əlilliyi olan şəxslərin istedad və qabiliyyətlərini nümayiş etdirmələrinə də şərait yaradılır. Korporativ sosial məsuliyyət strategiyası çərçivəsində “PAŞA Bank ilə başla” adlı yeni layihə əlilliyi olan insanların məşğulluq imkanlarının artırılmasına mühüm dəstəkdir. Layihə vasitəsilə əlilliyi olan şəxslərə təlimlərin keçirilməsi yolu ilə onların bilik və bacarıqlarının artırılmasına, cəmiyyətə inteqrasiyasına və işlə təminatına dəstək göstərilməsi təmin olunacaq. ƏƏSMN və ADA Universiteti tərəfindən də layihəyə təşkilati dəstək veriləcək”.

PAŞA Bankın İdarə Heyətinin sədri Taleh Kazımov isə bildirib ki, “PAŞA Bank ilə başla” layihəsində qazilər də iştirak edə bilər: ““PAŞA Bank ilə başla” layihəsinin nəticələri əsasında sırf onlara aid proqramı həyata keçirmək istəyirik. Layihənin nəticələri əsasında addımlarımızı atacağıq. Layihənin əsas hədəflərindən birinin əlilliyi olan şəxslər üçün daha əlverişli imkanların yaradılmasıdır. Əsas məqsədimiz ölkəmizin iqtisadiyyatının inkişafına, cəmiyyətin sosial rifahının artırılmasına dəstək verməkdir”.

PAŞA Bank ilə başla” layihəsi bir neçə mərhələdən ibarət olacaq. İlkin mərhələdə müraciətlərin qəbulu və müvafiq namizədlərin seçilməsi nəzərdə tutulub. Növbəti mərhələdə mütəxəssislər tərəfindən seçilmiş mövzular və sahələr üzrə təlimlərin keçirilməsi planlaşdırılıb. Layihənin sonuncu mərhələsində isə iştirakçıların işlə təmin olunmasına yardım ediləcək. Layihəyə iyulun 31-dək müraciət etmək mümkündür. 100 nəfər şəxs münsiflər heyəti tərəfindən seçiləcək və həftədə bir neçə dəfə təlimlər olacaq.

Tədbir zamanı Əmək və Əhalinin Sosial Müdafiəsi Nazirliyi, “PAŞA Bank” ASC və ADA Universiteti arasında əməkdaşlıq haqqında Anlaşma Memorandumu da imzalanıb. Layihədə iştirak etmək istəyən şəxslər https://pashabankilebashla.az/form/ keçidə daxil olaraq müvafiq sorğu blankını doldurmalı və qeydiyyatdan keçməlidir.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

17 İyn 2021

Kapital Bank-dan Silahlı Qüvvələr Gününə özəl kampaniya

by | posted in: Xəbər | 0

Kapital Bank 26 iyun – Silahlı Qüvvələr Günü münasibətilə 30 iyun tarixinədək güzəştli kredit kampaniyası təqdim edir. Kampaniya müddətində Kapital Bank-a müraciət edən hərbçilər və güc strukturu əməkdaşları əmək haqqının 20 mislinədək kredit əldə edə bilərlər.

Krediti maksimum 20 000 manat məbləğində olmaqla 2% endirimlə almaq mümkündür. Əmək haqqını istənilən bankdan alan hərbçi və ya güc strukturlarının əməkdaşları nağd pul kreditini maksimum 48 ayadək ala bilərlər. Şərtlərə əsasən kredit götürənlərə BirKart hədiyyə olunur.

Nağd pul kreditinin illik faiz dərəcəsi 19%-dən başlayır. Kredit üçün Kapital Bank-ın filiallarına yaxınlaşmaq, 8196 qısa nömrəsinə 1 yazıb göndərmək və ya Bankın müxtəlif sosial şəbəkələrdə olan səhifələrinə müraciət etmək kifayətdir.

Ölkənin birinci bankı olan Kapital Bank PAŞA Holdinq-a daxildir və Azərbaycanda ən böyük filial şəbəkəsi – 103 filialı və 20 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

17 İyn 2021

Mühasibat şirkətlərinin işində müasir texnologiyalar (III hissə)

by | posted in: Xəbər | 0

Mühasibat şirkətlərinin işində müasir texnologiyalar (III hissə)

II hissəyə nəzər yetirmək üçün keçidə daxil olun

Məlumatların buludda emalı, saxlanması istifadəçinin proqram bazasını əhəmiyyətli dərəcədə asanlaşdırır. Məlumatların nəhəng həcmi faktiki olaraq virtual təhlil edilə bilir. Buludun fiziki komponentinə gəldikdə, serverlərin sayı bir neçə ola bilər. Bir qayda olaraq, onlar müxtəlif yerlərdə yerləşdirilir. Bütün bunlar informasiyaya sanksiyasız daxil olmağı çətinləşdirir, onun fiziki məhvini qeyri-real edir.

Bir çox mühasibat proqramları komplekslərinin buluda çıxışı var. Hesabatların verilməsi proqramları, maliyyə əməliyyatlarının (müştəri-bank kimi) aparılması və s.

Bulud texnologiyaları “outsourcer”lərin imkanlarını əhəmiyyətli dərəcədə genişləndirir. Onlardan istifadə, öz proqram sistemlərinin məlumatları ilə yüklənmə riski olmadan, çox sayda müştəriyə səmərəli və keyfiyyətli xidmət göstərməyə imkan verir. Bundan əlavə, bulud texnologiyaları proqram idarəetmə xərclərini optimallaşdırmaq, onu yeniləmək, məlumat şifrələmə xidmətlərinin düzgün işləməsini izləməyi və s. təmin edir. Bütün bunlar maya dəyərini və ardınca da mühasibat xidmətlərinin qiymətini aşağı salmağa imkan verir. Faktiki olaraq, “outsourcer” texnoloji planda nə qədər mükəmməldirsə, müştəriyə onunla əməkdaşlıq etmək bir o qədər sərfəlidir.

Yeri gəlmişkən, faydalar barədə

Müasir texnologiyaların “outsourcer”lərə niyə daha sərfəli olduğu aydındır. Bəs mühasibat xidmətlərinin son istehlakçısı, sifarişçisi üçün onlardan istifadənin üstünlükləri nədən ibarətdir?

Birincisi, müasir texnologiyalar məlumatların təhlükəsizliyini, onların təhlilinin keyfiyyətini, mühafizəsinin etibarlılığını, emalın yüksək sürətini və sifarişçinin sorğusu əsasında verilməsinin təmin edilməsinə imkan verir.

İkincisi, müasir texnologiyaların tətbiqi həllərin miqyaslılığının asanlığını təmin edir. İstifadəçilərin sayı, məlumatların həcmi həm arta, həm də azala bilər. Özü də bu zaman bütün qarşılıqlı sistemi dəyişdirmək lazım gəlmir. Müvafiq olaraq, “outsourcer”ə keçid zamanı onun formatının dəyişdirilməsi maksimal dərəcədə azalır.

Üçüncüsü, müasir texnologiyalar mobilliyi təmin edir. Xidmətdən istifadə edən sifarişçi istənilən vaxt və dünyanın istənilən yerindən işlərin yerinə yetirilməsi prosesinə və keyfiyyətinə nəzarət edə bilər. Eləcə də icraçı ilə ünsiyyət prosesi əhəmiyyətli dərəcədə sadələşdirilir.

Dördüncüsü, mühasibat uçotu üzrə xərclər daha proqnozlaşdırıla bilən, tənzimlənən, nəzarət edilə bilən olur.