Hansı işçilər öz arzularına uyğun vaxtda əmək məzuniyyətinə çıxa bilər?
Sual: Hansı işçilər öz arzularına uyğun vaxtda əmək məzuniyyəti götürə bilər?
Cavab: Ölkəmizin əmək qanunvericiliyində 14 yaşınadək iki və daha çox uşağı olan, yaxud sağlamlıq imkanları məhdud uşağı olan qadınlara, 16 yaşınadək uşaqları təkbaşına böyüdən valideynə və ya qəyyuma əmək məzuniyyətinin onların öz arzusuna uyğun olan vaxt üçün təyin edildiyi əksini tapır.
Həmçinin hərbi qulluqçunun arvadı (əri), əlillər, müharibə veteranları, Çernobıl AES-də qəzanın nəticələrinin aradan qaldırılması zamanı radioaktiv şüalanmaya məruz qalaraq sağlamlığı pozulmuş və ya şüalanma xəstəliyinə düçar olmuş şəxslər, yaşı on səkkizdən aşağı olan işçilər, işləməklə yanaşı təhsil alan şəxslər də arzularına uyğun olaraq onlar üçün ilin əlverişli vaxtında məzuniyyətə buraxılırlar. Azərbaycan xalqı qarşısında xüsusi xidmətlər göstərmiş vətəndaşlara da özləri müəyyən etdikləri vaxtda məzuniyyətə çıxmaq hüququ verilir.
Müəssisədə işlədiyi müddətdən asılı olmayaraq işçinin arzusu ilə əmək məzuniyyəti arvadının hamiləliyə və doğuşa görə məzuniyyətdə olduğu dövrdə verilə bilər.
Mənbə: www.sosial.gov.az
Bax:
Bu ilin yanvar-aprel aylarında Azərbaycanın dövlət büdcəsinə vergi daxilolmaları üzrə proqnozun icrası 131,7 % təşkil edib.
Texnologiyanın sürətli inkişafı şirkətlərin iş prinsiplərini yeniləməyə məcbur edir. Bu inkişafa uyğunlaşmayan firmalar yüksək texnologiyalara uyğunlaşan firmalara nisbətdə rəqabəti uduzur və tənəzzülə uğrayır. Bu səbəbdən fəaliyyət sahəsindən asılı olmayaraq hər şirkət rəqəmsal texnologiyaları strateji olaraq mənimsəməlidir.