Britaniyada vergilərin tarixi artımını mümkün hesab edirlər

posted in: Vergi, Xəbər | 0

Böyük Britaniyanın maliyyə naziri Rişi Sunak ölkədə vergilərin artırılmasını mümkün hesab etdiyini bəyan edib, “Sky News” agentliyi xəbər verib.

Milli sığorta çərçivəsində məcburi ödəniş olan vahid sosial vergidə mümkün doqquz faizlik artımı şərh edən nazir, belə bir ehtimalı inkar etməyəcəyini söyləyib. “Adamlar sosial təminat sahəsinə bizim daha çox pul yatırmaq istəyimizi bilməlidirlər”, – Rişi Sunak qeyd edib. Həmçinin, yerli özünüidarəetmə Assosiasiyası bildirir ki, yaşlı, əlil və xroniki xəstəlikləri olan insanlara qulluq xərclərinin artması səbəbindən vergiləri artırmaq lazım gələcək.

Bununla yanaşı, Böyük Britaniyanın vergi yükü onsuz da artıq tarixən yüksək səviyyədədir, ödənişlərin daha da artırılması perspektivi, britaniyalıların enerji və ərzaq xərclərinin artması fonunda real istifadə edilə bilən gəlirlərini azalda bilər. İcmalar Palatasının lideri və Mühafizəkar partiyasının üzvü Ceykob Ris-Moqq da ölkədə vergilərin son həddə çatdığını bildirib.

Daha əvvəl, Böyük Britaniya hökuməti artıq milli səhiyyə xidmətinə kömək etmək və sosial təminat sistemində islahatlar aparmaq üçün əməkhaqqı vergisinin və dividend vergisinin artırılması barədə məlumat vermişdi. Milli sığorta üçün əməkhaqqı və dividend vergisi artıq gələn ildən 1,25 faiz artacaqdır. Bunun növbəti üç il ərzində 36 milyard funt sterlinq (49 milyard dollar) gətirəcəyi gözlənilir.

Lakin yalnız milli sığorta üçün verginin artırılması kifayət etməyəcək, yerli özünüidarəetmə Assosiasiyası bununla bağlı xəbərdarlıq edib. Yeni vergi növbəti üç il üçün sosial yardım xərclərini tamamilə əhatə edə bilməyəcək və Britaniyada bələdiyyə şuraları bu xidmətlərin işini əvvəlki səviyyədə saxlamaq üçün əlavə xərclərlə üzləşəcəklər. Eyni zamanda, ölkənin Avropa Birliyindən (AB) çıxması və pandemiyanın nəticələri səbəbindən işçi çatışmazlığına səbəb olan əmək haqqının məcburi şəkildə artırılması fonunda ortaya əlavə xərclər çıxa bilər.



TELEGRAM KANALIMIZA ÜZV OLUN


Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Print Friendly, PDF & Email