Çexiya ilə bağlı maraqlı faktlar (2-ci hissə)

Oxunma sayı: 119

Çexiya ilə bağlı maraqlı faktlar

İkinci hissə

Bu ölkədə qadınlar olduqca sadə geyinirlər. Burada təvazökar geyim dəbdədir, şəhərin mərkəzində hündürdaban ayaqqabı geyinən qadına demək olar ki, rast gəlmək mümkün deyil, ola bilsin ki, bu həm də Praqanın mərkəzi hissəsindəki küçələrin daşla döşənməsindən irəli gəlir.
Çexlərin böyük əksəriyyəti rus söyüşlərini başa düşürlər. Bəziləri hətta bundan istifadə də edirlər. Amma, əsas söyüş sözləri bu ölkədə heyvan adları ilə (inək, donuz) əlaqəlidir.
Praqada metronun cəmi üç xətti var və stansiyalar arasında məsafə çox qısadır.
Lazım olan yerə ictimai nəqliyyatla getmək daha yaxşıdır, çünki bu ölkədə ictimai nəqliyyat cədvəl üzrə vaxtında hərəkət edir.
Çexiyada rusların günəbaxan tumunu niyə belə çox sevdiklərini anlaya bilmirlər.
Köstəbəkdən (kor siçan) bəhs edən məşhur cizgi filmi Çexiyada yaradılıb. Yeri gəlmişkən, baş qəhrəmanı əks etdirən suvenirlərə bu ölkənin hər yerində rast gəlmək mümkündür.
Praqa qrad Avropada ən böyük qəsr hesab olunur ki, o da Praqa şəhərində yerləşir.
Elə də böyük olmayan Kutna şəhərinin kənarında dağda qeyri-adi, insan sümüklərindən yaradılan Kostnitsa kilsəsi yerləşir. Tarix belə nəql edir ki, kilsənin yerləşdiyi torpaq müqəddəs hesab olunur və hər bir şəxs burada dəfn olunmaq istəyir. 14-cü əsrdə taun xəstəliyi zamanı burada 30 000 nəfər dəfn edilib və hər bir müharibə və ya üsyandan sonra bu ərazi yeni qəbirlərlə dolub. Amma, 18-ci əsrdə torpaqların yeni sahibləri basdırılanların qəbirlərini qazaraq, insan qalıqlarını çıxarmış və onlardan kilsənin tikintisində istifadə etmişlər.
Hər il dekabrın 5-də burada Müqəddəs Mikulaşın (Nikolay) günü bayram edilir. Ənənəyə görə, axşamlar müqəddəs Mikulaş uşaqları olan ailələrə qonaq gəlir və yaxşı və pis qeydlər əsasında uşaqlara hədiyyələr və ya kömür bağışlayır.Onu bu gəlişdində kömür kisəsi tutan şeytan və hədiyyələr olan kisəni daşıyan məkək müşaiyət edir.