Gəlirli startapı necə təsis etməli? (4-cü hissə)
Biznesə yeni başlayan sahibkarlardan ötrü 5 addımdan ibarət təlimat
Müştərinin “ağrıları” üzərində necə qazanmaq olar?
Gələcək şirkətlər üçün uyğun bir problem nöqtəsi – yetərli sayda istehlakçının “ağrının” mövcudluğunu etiraf etməsi və onun həllindən ötrü ödənişə hazır olduğu zamandır. Belə olarsa, onda sizin startapa bazarda tələbat olacaq.
Qazanc əldə etmək üçün siz ağrını aşkar edə və həmin ağrıya reaksiya verə bilməsəniz – dizayn və inkişafdan başlamış, marketinq və məhsulun testinə kimi bütün qalan fəaliyyətlər boşunadır. Əgər hansısa məhsul problemləri həll etmirsə, adamlar ona görə ödəniş etməyəcəklər.
Konkret plana keçək
Hansı konkret bazarda və hansı bir sahədə bir startap açmağınızı planlaşdırdığınızı siz yaxşı anlayırsınız. Beləliklə, növbəti addım şirkətinizin həll edəcəyi problemi konkretləşdirmək – onu işləyib hazırlamaq və problemə reaksiyanı test etməkdir.
İdeyanızın həyata keçəcəyini və qazanc gətirə biləcəyini necə öyrənmək olar?
- Potensial müştərilər qrupu tapın
- Onların arasında sorğu keçirin: sorğunu şəxsən keçirsəniz daha yaxşıdır, lakin, bu elektron poçt vasitəsilə də mümkündür;
- Nəticələri qiymətləndirin.
Məsələni daha yaxşı anlamaq üçün fokus qrup iştirakçılarının sizinlə mümkün qədər dürüst olmasına çalışın. Onlara məhsulun ideyasını satmayın, ən yaxşısı açıq suallar verin. Sualları elə tərtib etmək lazımdır ki, respondentlər sərbəst şəkildə və təzyiq olmadan cavab verə bilsinlər.
Sual nümunələri:
- X probleminin həllində ən böyük çətinlik nədir?
- X problemi haqda danışın. Ötən dəfə nə baş vermişdi, bu problemlə siz necə qarşılaşmışdınız?
- Niyə bu təcrübə sizdən ötrü bu qədər xoşagəlməzdir?
- Problemi həll etməkdən ötrü siz hansı hərəkətləri etmisiniz?
- Problemi həlli etmək üçün hansı həll yollarından istifadə edirsiniz? Onlarda sizi qane etməyən nədir? Onları necə dəyişdirmək olar?