Gürcüstanın maliyyə naziri Nikolaz Qoqua bildirmişdir ki, bu ilin ilk yarısında büdcəyə vergi daxilolmaları proqnozdan 163 milyon lari (113,43 milyon manat) çox olmuşdur. «Biz əminik ki, iyulda da nəticələr gözlənildiyindən artıq olacaq və bu göstərici daha da böyüyəcək», – maliyyə naziri televiziya müsahibəsində demişdir.
Qeyd edilmişdir ki, bu şəraitdə hökumət, planlaşdırıldığı kimi, artıq ödənilmiş əlavə dəyər vergisinin (ƏDV) qaytarılmasını davam etdirəcək. Onun sözlərinə görə, artıq 238 milyon lari (165,63 milyon manat) məbləğində ƏDV qaytarılmışdır.
Gürcüstan Maliyyə Nazirliyinin saytındakı məlumata əsasən, ilin ilk yarısı üçün vergi daxilolmalarının 4,4 milyard lari (3,06 milyard manat) olması planlaşdırılmışdı. Bütün il ərzində isə bu göstəricinin 9,5 milyard lari (təxminən 6,61milyard manat) olması planlaşdırılmışdır.
Mənbə: vergiler.az
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
